أستحــــــي جداً جداً جداً جداً ..

حرااااااااااااااااااااااااااام عليك
ليه علاقتك بأبوك كذا ليه
ياليتك تشوفيني مع ابوي وش اسوي ابوس فيه واركب على ظهره
وامزح معه واضحك معه واحبه موووووووووت واخذ بخاطره وهو يوميا يكلمني بالساعات وسوالف وضحك مع بعض الله يخليه لي يااااااااااااااااااااااااااااااااااااااااااارب
اقول تقربي من ابوك واخذي بخاطره وحني عليه واشتري له هدايا
بعيد الشر عن ابوك لاسمح الله بعد عمر طويل بتندمين انك علاقتي بأبوك سطحيه وتتمنين لو ابوك يرجع لك وتسوين كل اللي قلت لك عليه
الله يوفقك

ربنا يوفقك

الحياء زينه حتى لو تتضايقي من نفسك

والله يحليك فعيون الناس وخطيبك

خاصه انه طبيعي مو مصطنع

[GRADE="00BFFF 4169E1 0000FF"]عااااااادي والله انا اعرف الحين حريم ومتزوجات والله يقولون مانرفع عيوننا بابونا عادي بس عندك انا دائم اسولف مع ابوي واقوله اخباري وايش سوو عيالي الصغار هم اثنين واسال عن صحته يعني انتي او ل ما تبدئي اساليه كيفك وش اخبارك ؟بعدين المره الثانيه تكلمي عنك مثل انابسوي كذا وبحط كذا وبعدين الكلام يجربعضه
والله يوفقك يارب المهم بعد خطيبك لا ...يتملل منك عاد هذا موعادي انك ماتتكلمي ولا كلمه معه هو يطفش ويخليك وتقبلي مروري الطويل نوع ما ....[/GRADE]

:oتسلمون أخواتي على ردودكم الأكثر من رااااائعة ..أنا قريت كل رد بتمعن وبحاول أسوي اللي يناسبني وأقدر عليه ...بالنسبة لأبوووي هوا أكثرمن مرة يحاول يتقرب مني ويبدأ بالكلام بس أعترف أنا اللي ماأعطيه فرصة يعني لما يتكلم أنزل راسي ولا أرد عليه أو اذا كنت جالسة أقوم من مكاني :( وبالنسبة لخطيبي اهوا يتكلم ويتكلم ويتكلم وأنا أظل ساكته بس أطالعه وأبتسم أهوا يقولي كأني جالس أكلم جدار :tongue:<<يعني يمزح:D وأنا بس اضحك <<بس هذا اللي عندي يا ابتسم أو أضحك >>
ودي أحد يشجعني أتكلم بالذات مع ابوي ساعدوني يابنات :tears:بالنسبة للبعض يقول سهلة أنا أشوفها صصصصصصصصصصعبة وصعبة وصعبة ..حتى أحيانا أقول لنفسي أني مستحيل أتغير اذا ظليت كذه وماتحركت :angry: يعني حتى صديقاتي ماقلت لهم بهالشي لأني أتفشل أحس فشيله أقول لهم أنا مو ميانة مع أبوي حتى خطيبي سألني مرة أقول شي لأبوي وحس أني مترددة شوي .. قالي ليش انتي مو ميانة وياه ..أحس أتفشل منه أقول له لا أنا مو ميانة وياه ..فقلت له اي لا عادي خلاص بقوله :oولا قلت له ..قلت لااازم أتكلم مع ابوي باسرع وقت عشان مايكتشف خطيبي اني اكذب عليه وماأكلمه :o ..طبعا هذا كله بالجوال ..والى الان اشوفها صعبة اني اتكلم مع ابوي شالحل ؟؟؟ مع ان الله عطاني أطيب أهل في الدنيا أبوي وأمي وخطيبي وأمه وأبوه وكلهم مو ميانة معاهم أبددددددن ..يعني أنا الغبية اللي مو راضية أستغل هالنعمة (n)

الخجل مطلوب بس مش اوى للدرجه ديه غيرى من نفسك

تسلمين أختي على المرور والرد .. وين باقي البنات .؟؟؟؟؟؟؟؟؟؟ :(

هذا الغلط من اهلج من يوم انتي صغيرة ما عودووج تكونين معاهم 24 او ان امج كانت مشغولة في تربيتج وانتي صغيرة..
لان مسحيل في بنات هاليوم ما تضمضم وتبوس ابوها
صراحة انا دلوعة الماما والبابا وكل شي اقوله لهم.. ودائما اكسر الخجل .. عودي نفسج انتي .. انا حتى لو زعل مني ابوي احط له رسالة في سيارته الصباح وهو رايح الدوام يقراها ولا ارسله مسج حلوو وكذلك ماما

الله يخلي لك ابوك وامك يارب

:tongue:سبحان الله شئ غريب اهلك وتستحيييييين منهم

اتدلعي على ابوك واطلبيه وتدللي عليييييييه اذا كان طيب

ااااخ الا الاب غييييير الله يرحم ابوي كان طيب وايد

اكسر الحاجز اللي بداخلك وسوي له اي شئ يحبه

عشان تتقربين منه :)

والله يخليهم لك

الله يوفقك يارب

بااااااك بنااااااااااات :tongue:

هذا الغلط من اهلج من يوم انتي صغيرة ما عودووج تكونين معاهم 24 او ان امج كانت مشغولة في تربيتج وانتي صغيرة..

بالعكس دريم ويب أنا لما كنت صغيرة كنت أحسن من الحين بكثييير صحيح كنت أستحي وكنت معروفة بين أهلي بهالشي بس خجل أحسه طبيعي ..يعني كل ماأكبر خجلي يزيد أكثر ..وأهلي ماقصروا ربوني أحسن تربية وابوي لما كنت صغيرة عادي اتكلم معاه وأي شي أبيه أطلبه منه واذا سوا لي اياه أبوسه في راسه وأطلع معاه أنا مع اخواني .. بس من كبرت ماأدري شفيني تغيرت واااااااااجد :( صار أبوي يطلع مع اخواني ويطلب مني مرات أطلع وياهم بس أنا أرفض واقعد في البيت ياأذاكر يااطالع تلفزيزن ..حتى عمتي كانت تقول انتي لو بتظلين على هالحال ماتتكلمين قدام الناس ماحد راح يخطبك لأن الناس بيحسبونك مغرورة ومايبونك .. بس الي خطبني الحمد لله ولد خالتي وخالتي عارفه اني مو مغروره وانما خجووولة وهادية :o

أسيل وزاد تسلمون على ردودكم ودعواتكم

ربي يوفقكم ان شاء الله

بنتي عروس هههههههههههههههههههههه الله يستر اذا طلع كلامك صحيح وطلعت فيني صج حاله نفسية .. بس فعلاً يبيلي أبحث عن حالتي أو أسأل أحد متخصص بعلم النفس يمكن يشوف لي حل .. بالنسبة لأمي هي نفس الشي هادية وماتتكلم كثير ونفس الشي خالي الله يرحمه مع انه كان رجال بس كان كأنه بنت يستحي من الكلام .. يعني السبب أتوقع انه وراثي ولا شرايكم بنات ؟ :cool:

شوفي حبيبتي
انا قبل كانت عندي نفس المشكله تقريبا
بس الحين وااايد تغيرت وصرت احس مرات اني واايد اسولف ما اسكت خخخخخ
بالنسبة لابوج، كلامي ممكن يكون غريب بس ترى انتي للحين ماتعودتي عليه
اول شي روحي قعدي معاه، شوفي التلفزيون وياه او اذا امج او اي احد من هلج قاعد معاه روحي قعدي معاهم حتى لو كنتي ساكته
وخلي هالقعده تكون بشكل يومي، بعدين بتتعودين على القعده معاه وبتطلع السوالف شوي شوي
لانج بتكونين مرتاحه في الوضع والقعده مع الوالد صارت مألوفه فبتبتدين تحسين بالحريه شوي
او ممكن انتي وخطيبج وابوج تقعدون مع بعض، فبيكون وياكم احد ممكن يدير الحوار يعني خطيبج يبتدي يسولف معاج وانتي تكلمينه وابوج بيدخل في السالفه يعني شي جذي
لا تحطين في بالج انج تستحين او ممكن تغلطين او تقولين شي غبي او اي شي، بس قولي اللي في بالج لو شنو كان وبدون اي تفكير
وصدقيني حتى لو قعدتي مع ابوج بدون ماتتكلمين افضل من انج ماتقعدين معاه وهو بعد بيفرح ونفسيته بتتغير

ونفس الشي مع الناس
كثري طلعاتج مع الوالده او خواتج في زياراتهم للحريم ولا تستحين اذا كنتي قاعده وساكته بس اذا كلموج ردي عليهم مو تسكتين خخخخخخ وان شاء الله شوي شوي بتتغيرين
يعني حاولي وغصبي روحج على اشيا حتى لو حسيتي انج ماتقدرين تسوينها ولا تاخذين الطريق السهل اللي هو الابتعاد، ترى هذا يزيد من المشكله بشكل كبييير
وبالتوفيق حبيبتي