إبرة بعد الولادة ؟؟؟!!! شو هذي الإبرة؟؟؟؟؟

ليش خايفه اختي وايدين اللي ياخذونها ولازم تاخذينها وانتي احرصي عليها لانه اذا ما خذتيها حملج الثاني ما يثبت،،، خليني اشرح لج شو يستوي ،، هالابره هي ابره الاجسام المضاده وقت الولاده يشوفون فصيله دم البيبي اذا كانت موجبه لازم تاخذينها لانه تنتقل اجسام مضاده موجبه من الطفل للام عن طريق الحبل السري وبعدين اتم هالاجسام المضاده في جسمج فوقت ما يستوي حمل ثاني هالاجسام المضاده بتهاجم دم البيبي وبيموت،، فهالابره تقضي على الاجسام المضاده ولازم تاخذينها بعد الولاده،، ووقت الولاده انتي ذكري الدكتورة والنيرسات لا تنسين

الحالة هذي عادية وتصير كثير

وبالضبط مثل ماشرحت لك الأخت endless hope

ويعتمد الأمر على نوع دم الجنين .. إذا دمه طلع سالب مثلك فما بتاخذي الإبرة

وإذا طلع دمه موجب بتاخذيها .. وهي لصالحك ولصالحك ولاداتك القادمة بإذن الله

أختي نفس حالتك بالضبط .. لكن كل أولادها طلع دمهم سالب مثلها وعشان كذا لحد الحين ما أخذت الإبرة

أختي endless hope
مشكورة على الشرح أنا كنت خايف لأني ما أعرف عنها شي مجرد معلومة صغيرة وصلتني
وما فهمتها وغير جيه في المستشفى محد قاللي شي معأنه الدكتورة كانت تسألني قبل
ما آخذ إبرة التثبيت عن فصيلة دم زوجي بس ما لمحت انه احتمال تكون في إبرة ثانية بعد الولادة

أنا لما سمعت عنها أول مرة قلت لازم أكلم الدكتورة عشان تشرحلي سالفتها ^_^
مشكورة أختي طمنتيني


أختي ألطاف
مشكورة على تأكيدج ريحتيني كنت أحسب انها شي خطير
(يعني خطر علي وعلى البيبي في الحمل الثاني) كنت أحسب انه إذا ما أخذتها راح يكون البيبي في تشوه خلقي لا سمح الله

عموما أنا عندي مراجعة المستشفى بعد أسبوع يعني الخميس الياي
وبخلي الدكتورة تكتب هذي المعلومة في ملفي عشان ما ينسون
وأنا ان شاء الله ماراح أنسى لأنها اتهم صحتي و صحة البيبي