شوفى حبيبتى اللى تخاف تشيل الشعر من الداخل بالحلاوة انا اقولك على تجربتى بعد لما جربت الحلاقة لمرة واحدة كانت النتيجة انه ظهرت لى حبوب حمرا فظيعة و دمامل كتير فى المنطقة والشعر طلع بعدها بيومين وكان خشن جدا
انا انتظرت انه الحبوب تروح واستعملت لها بيتادين علشان تروح ولحقت الشعر وهو صغير لسه طالع وحفيته بالحلاوة كان صغير لكن لانه كان طالع خشن جدا كان يمسك فى الحلاوة وطلع بسهولة انت كمان اعملى كده شيليه وهو صغير لكن افردى الحلاوة كويس و اتأكدى انها ملاصقة لجسمك مظبوط وانزعيها مرة واحدة بيطلع معاها الشعر ولانه بيكون صغير بيبقى مش متعب بس المهم انه تلحقيه فى اول لما يبدأ يبرز عن الجلد والاجمل من الحلاوة فى الحالة دى ويستمر معاكى لفترة طويلة الشمع اعملى بشرائح الشمع من فيت ممتازة واستعملى منها الشرائح الخاصة بالوجه لانها تكون صغيرة ممكن تعرفى تحفى بيها المساحات الصغيرة
وهو ده اللى انا ناوية اجربه لما اعمل المرة دى انه احف بالشمع الخاص بالوجه لانه شرائحه صغيرة وافتكر ممكن يخفف الشعر
بالنسبة للدم ده بس يكون علشان الشعرة بتكون ماسكة فى الجلد او جذرها فيه دهون كتير ولكن اذا بتغسلى بماء دافى بعد الحف وفيه خل بيبقى مفيش ميكروبات و مش تلاقى اثر لجروح او غيره يعنى ده مش حاجة خطر
وجربى وربنا معاكى بس بصراحة بالرغم من التعب وخاصة انه انا مشعرة جدا لكن مفيش اامن من الحلاوة لانها تنظف الجلد و تجدد الخلايا
يارب اكون افدتك
تقبلى تحياتى