استفسار>>> لحوامل البحرينين عن المركز التخصصي

صفاء انا كنت اتابع عندها اول بس الحين لاء وبقولج قصتي وياها
اول حملي كان عندي فيرس بالمعده وعطتني ادويه كلها مكتوب فيها لاتصلح للحامل ولا المرضعه بصراحه خفت راحلها زوجي تاني يوم وقالها قالتله عادي خلها تاخدها لان الفيرس قوي
قلت عادي يمكن الادويه من الفئه ب
اللي هيه منها ضرر بسيط بس نفعها اكتر المهم خدتها وامري لله
وتابعت عندها بعد كده للشهر الخامس كل ما سالتها عن شي قالت عادي عادي ويوم جاتني كحه فظيييييعه تعبت منها كتير اتصلت عليها لاني كنت عندها من 3 ايام قبل لتجيني الكحه على اساس تعطيني اسم دوا قالتلي لاااااااااا لازم تيجي اشوفك خطر عليج وعلى البيبي
طبعا رحتلها بسرررررررعه ماسوتلي شي الا شافت البيبي وكتبتلي دوا
لفيت صيدليات البحرين كاااااااااامل ماحد رضي يعطيه لي
وصيدليه ناصلر قال حق زوجي الدوا مكتوب غلط
راحلها زوجي صلحت الاسم و بالاخير بعد ماحد رضي يعطينا الدوا
ليش؟
لانه خطر على الحامل والبيبي وفيه نوع مخدر قوي
الصراحه من وقتها مارحت عندها تاني
وانا الحين اتابع بمستشفى البركه للخصوبه
دكتور احمد بركات ممتااااااااز
اسفه طولت عليج بس للامانه كان لازم اقولج عن اللي اعرفه عنها
والله يوفقج(f)

ترى ابدا مو زينة لها قضية مع خالة زوجى ما انصحج تروحين لها وايد في دكاترة زينيين ما طبيتى الا على ذي الدكتورة.............

اني رحت ليها
بقول ليكم قصتي بس كلش ماطمنتني

رحت ليها كنت ابي اعرف جنس الجنين
الحين اني بالشهر السابع
المهم قعدنا ننتظر ساعتين لمن دخلتنا ويوم دخلنا بس دقيقتين بالعدد مو اكثر ولا استفدت منها
سيدة تسألني انتين بأي شهر
المفروض تسألني متى اخر دورة وهي الى اتقول لي
هاذي طوفتها
وثاني شيء مارضت زوجي يشوف شيء وكان زوجي داخل وياي عشان يشوف
تدرون فرحت الزوج لمن يشوف الجنين
وهي ماقالت لي ولا شيء اني الى اسألها
وقالت لي راس الجنين نازل تحت كلش
واني شفت الصور الى في النت المفروض هالسبوع يكون راسه فوق وكل ما اسأل يوقولون المفروض راسه فوق مو تحت
صراحه خفت اقول يمكن اولد من السابع
وسالتها الحين شنو جنس الجنين ضلت مدة ساكته
ولا قالت لي هاذي رجله ولا راوتني ايده ولا شيء اول مرة اشوف دكتورة جدي
المهم اتقول لي بعد اسبوعين بيبين اكييد
تعالي بسوي لش
سألتها بيكون نفس السعر
اتقول لي اي نفسه
ولا عطتني ورقه ولا شيء
وقلت اخر مرة اروح ليها
صراحه خوفتني

لو اني رايحه لفوزيه كمال احسن ليي
بس اني رايحه جدي بس هرار

يازعم ناس قالو لي انها زينه

اذا بعد احد يعرف عنها شيء يقول لي ......؟

ومشكوورين ع ردودكم

واختي بيتوو

الحمدلله ان الله سلمش وسلم البيبي
والله قلبي عورني عليش
الله لا يسامحها

واصلا حقيرة حدها

محد يعرف بعد له ؟؟؟

آنا اراجع عند احمد بركات بعد الله حملت على يده والحين بالشهر الرابع ما شاء الله تعامله واااااايد ممتاز وآخر شيء افكر فيه الماده
واذا دقيت عليه ابي اسأله عن شيء وما رد يتصل فيني بعد ما يخلص العيادة ويوم ثاني يتصل يتطمن يشوفني الحمد لله وايد مرتاحه له

صفاء الروح حبيبتي روحي للدكتور احمد بركات اللي بمستشفى البركه انا ماتابع الحين عندها واتابع عنده
والله ممتاااااااااااز وكتير ناس يمدحونه
مايفكر بالماده ويراعي ربه بكل شي
وعلى فكره انا بحملي الاول رحتلها مره واحده عشان اعرف جنس المولود قالتلي ولد وطلع بنت
وهالمره سوت معي نفس اللي سوت معاج
قالتلي المره الجايه هقولك لان الحين مو مبين
ماعليج من كلامها وانشالله الله يعطيج اللي تتمنيه يارب(f)

الله يسامحها
طلعتني من عندها ونفسيتي كلش تعبانه
ضليت 3 ايام ما انام الا الساعه 3 الصبح كله افكر
اتقول لي راس الجنين تحت يعني ولادة
وصرت كله احلم اني اولد من السابع الله يسامحها تعبت نفسيتي كلش

الله يغربلها من دكتوره

هذه يبيلها احد يشتكي عليها

انا اتابع عند الدكتوره فوزية محبوب في البحرين التخصصي اللي فالجفير اشرايكم فيها بنات؟؟

زينة؟

متابعتي مع د.جوثي مالت ابن النفيس ...دكتوره ممتازه

أم شهد*;5906878:
متابعتي مع د.جوثي مالت ابن النفيس ...دكتوره ممتازه

بس يقولون الدكاتره في ابن النفيس مو زينين وخرطي :eek:

أنا في حملي رحت الأمريكي والطبيبات ممتازات

الاخت ...
nazoo alone

بالعكس هذه الدكتورة جوثي ممتازه هي هندية وجديدة ... ما أخذت سنه في ابن النفيس... ألحين أنا وياه أكثر من 6 شهور من أول ما وصلت رحت إليها , وبصراحه بعد الله ثم إليها أني حملت ..الحمد لله

والله غريبة أنا كنت أسمع يمدحون فيها دكتورة فكرية!!!

على العموم أنا متابعتي للحمل مع الدكتورة منى الشرقي والحمدلله مرتاحة لها واجد ما شاء الله عليها .