@ خدامتي حسبي الله عليها @

هالخدم مشاكل والله

والواحد مغصوب عليهم

الله يعينج

وان شاء الله تطمنينا عنج

شنو صار وياج ؟؟؟

ياقلبي والله مادري شاقولج

مشكلتي مثل مشكلتج بس انا لا ماشردت بس قاهرتني

تخيلي خدامتي ماكملت سنه عندي وقالت لي ابي اسافر ..!!

على قولتها ان ام زوجها توفت وتبي ترووح حق ريلها والقهر اني مدلتها دلع مب طبيعي اشتري لها اللي تبيه لو راحت معاي واعطيها الهدايا ومتى ماتبي اتكلم اهلها اعطيها كرت اتكلمهم واشنري لها الملابس ولا مره صرخت عليها حتى توجيه ماقولها لاني خايفه بعد تسوي شي لولدي

واخترها الاخت ماكملت سنه الا تقولي ترى ابي اسافر الحيين ..!! انزين انتظري نجيب وحده ثانيه ..!!

حسبي الله ونعم الوكيل بروحي مخسره عليها 6500 واللي بجيبها 6500 غير تذكرتها ..!!

ماقول الا بلاوي الخادمات واايد الله يعينج عليهن ويعينا عليهم

الله يفرج لك همك ..

وييسر لك أمورك ..

سلام ...

الله يراويها مثل ما نغصت عليج هي و أشكالها ..

أنا صارت مرة شردت من عندي خدامة .. و أنا مثلج من النوع إللي أدلعهم .. و هي بالذات أول يوم جت فيه خذيتها السوق و شريت لها كل مستلزماتها و ثياب و كماليات كأنها جاية بدون شنطة مع إن جايبة وياها .. و أدلعها و أقول لها أنا مثل إختج كنت وقتها حامل و ما عندي غيرها لكن بعد كنت أساعدها بشغل البيت و ما أطلب منها أكثر من طاقتها و دايماً أكلمها بالطيب و رب العالمين يشهد .. إلى أن كان يوم رجعت البيت من الدوام على غفلة في غير موعدي ما أذكر ليش .. بس شفتها قاعدة في سيارة مع شغالة بيت جيرانا (بيت أخو زوجي) على الكرسي الخلفي و معاهم بعد وحدة فلبينية ما أعرفها قاعدة على الكرسي الأمامي و إللي يسوق رجل الله أعلم وش جنسيته لأن كان لابس نظارة شمسية و ملامحة مو مبينة عدل .. السيارة كانت واقفة و كانو قاعدين يتكلمون .. وقفت سيارتي و أشرت لها جتني تركض هي مع الفلبينيات اللي معاها و ألفت لي سالفة إن هذي بنت عمها أو بنت خالها و توها جاية من الفلبين و جاية تسلم عليها .. أنا الصراحة القصة ما دخلت مخي لأن شكلهم كان مريب و شغالتي بوقتها كانت بعدها جديدة و ماتوقع تعرف عنوان البيت عشان تعطيه لبنت عمها أو بنت خالها و المفروض إن ما عندها تليفون عشان تكلمها .. المهم إني دخلت البيت و ما عرفت شلون أتصرف و الخيبة إن مثل ما يقول المثل المصري ساعة القدر يعمى البصر .. لا أخذت رقم السيارة و لا نوعها كل إللي أعرفة إنها سيارة بيضاء .. و المشكلة إن إحنا كنا نعاني من هروب خدامات بيوت جيرانا (أخوان زوجي ) كذا وحدة و شاكين إن في عصابة تجي لهم لما نكون في الدوام و يغرونهم بالهروب .. المهم إني كلمتها بعدها بالهدوء و سألتها إنتي بس قولي لي تبين تكملين تشتغلين عندي أو ما تبين؟؟ لأن إذا مو عاجبج الشغل عندي برجعج المكتب و لا تخافين ما بيسون فيج شي بيدورون لج شغل في مكان ثاني .. و حاولت و بالطيب قالت لي لا أنا أبي أظل عندكم فقلت لها عيل تمشين على قوانين هالبيت و تسوين إللي أطلبه منج ..

المهم بعدها بكم يوم كنت طالعة مع ولدي و زوجي إلا كلمتي زوجة أخو زوجي و سألتني عن شغالتها قلت لها ما أدري وينها أنا مو في البيت فقالت لي الظاهر إنها شردت .. فلما سكرت الخط قلت لزوجي و عاد أقول له مسكينة مرت أخوك كم مرة يشردون من عندها الخدم .. و سمعني ولدي (كان عمره 4 سنوات وقتها) .. لما رجعت البيت قلت حق ولدي ناد لي الشغالة عشان تشيل معاي الأغراض من السيارة .. راح شوي و رجع يقول لي بطريقة تضحك أكي شردت هي بعد .. في البداية ما صدقت و بعدين طلع كلامه صج ... طبعاً تتوقعين شلون حسيت بالغباء إني ما تصرفت عدل معاها من البداية

المهم قمت أدعي في صلاتي إن ربي ينتقم لي منها ... بس بعدها بفترة بعض الخدم إللي في العيلة يقولون إنها كلمتهم و إنها تشتغل في سواد الويه و إنها مستانسة و يعطونها أكل وايد (كأني مانعة عنها الأكل و أنا إللي أقول لها إخذي أي أكل تبينه بدون ما تسأليني) و بعضهم قالو لي لا إناها تشتغل في بيت ثاني كخدامة .. أي كان بعد فترة كلمت الزراع مالنا و قالت له إنت يحبونك و أبيك تتوسط لي إن يرجعوني عندهم .. فسألها إنتي وين قالت له و قال لها بجيك ألحين و رأساً كلم زوجي و راحو لها و وقف زوجي سيارته بعيد و راح لها الزراع و مشت معاه لما شافت زوجي حاولت تشرد بس أشوى الزراع مسكها و دخلها السيارة و خذوها على الشرطة و حبسوهاو قطعنا لها تذكرة و سلمناها للشرطة و سفروها

الله يبرد قلبج و يريح بالج و لا تهتمين حبيبتي ترى ما يسوون هالأشكال

يمه يا1rwwaالسالفتك تخوف طلع حتى الفلبينيات ساحرات موبس الاندنوسيات اعوذبالله من شرهم

يااختي لاتزعلين نفسك بس مادري النظام عندكم كيف لانة يختلف عندنا اذا هربت وبلغنا احنا مو مسؤلين عنهاااااااا

طولي بالك دام انتي مدلعتها ومو مقصرة عليها بشي اكيد بتحن وترجع وبلغي عنها وحطي صورتها بجريدة

وبري ذمتك

ع قولت امي
يبوهم ويعلون القلب اكيد عندها احد ليش شردت حسبي الله عليهم

حكومه ماتسوي شي ما تبيها سفرها ع حسابك

قدمي بلاغ و كل شي وفكي نفسج

حسبي الله عليهن ولا بركتن فيهن

انتى اللى غلطانة من الاول عشان جبتى خادمة اجنبية غريبة غير مسلمة اكيد عموما ربنا يرجعلك حاجتك بالسلامة

اختي احمدي ربج انها ماسوت لكم مصيبه وبس خذت نفسها وهربت

وبعدين صدقيني ماراح ترد للسفاره لانها هربت علشان تهيت في الشوارع وتشتغل على كيفها

لان انا كان عندي وحده ولما قررت تنحاش ضربتني مسحت فيني الارض وطلعت الشارع وبغيت اموت من القهر اموت

وادل طريقها وين بس مع الاسف مالقيتها للحين

حسبي الله على ابليسهم
... مايحمدون ربهم عالنعمه اللي قدامهم
الحمدالله ان بس جات على سرقة الجواز والجوال
وماخذت شي من اغراضج



انا وااايد احاتي خدامتي
والله مسؤووليه وعوار راس :(