امهات بنتي صادها طفح واحمرار بمنطقه الحفاض بموت بموت قلبي متقطع اااااااااااااااااااه

ما تشوف شر ا لبنوتة .. اختي اشكرك موضوع نفعني بشكل كبير الحمدلله !

انا ولدي هالايام بعد صاير له طفح واجد ! و مو عادته جذي من جبته ما يصير له هوو ! و استخدم له كريم مومينتا حلو مفعوله بس بطيء شوي و بجرب سودو اللي نصحوك فيه الامهات ..!

حبيبتي انا اذكر امي اذا يا حد من اخواني الطفح هذا ماتستخدم الماي ابدااااا بس تمسح وتحط الكريم (المرهم) اذكر تقول الماي ايزيده ... جربي لاتغسلينها الا مرة فاليوم وقت الغيار حطي الكريم الله يعافيها

مفتاح قلب .. فعلا قالت لي امي مااستخدم الماي لمدة يوومين .. و ماستغنيت عنه بس من اخلص منه مباشرة اجففه زين لانه صدق يأثر .. !

لازم تاخذين البيبي لدكتور جلدي

اني استخدم كريم مومينتا فعااااااااااااااااااااال وممتاز

والفازلين اذا فيها حرار وتحطينه لها يزيد الحرار

حبيبتي ما تشوف شر بنتج

حطي لها سودا كريم

وفي طريقة ثانية حطي لها نشأ مع زيت زيتون

جارتي بنتها صار لها مثل اللي صار لبنتك, ودتها لدكاترة وأدوية وخلطات ومافادها شي.. بالأخير الممرضة شفقت عليها وقالت لها : إذا جيتي تحممينها حطي لها في الحوض مع الموية ملعقة صغيرة بيكنج صودا وخليها فيه شوي وبتصير أحسن. جارتي على طول ماكذبت خبر روحت وحممت بنتها وسمعت كلام الممرضة والحمد لله البنت تحسنت على طول وفي خلال أيام قليلة راح الطفح وآثاره اختفت بسرعة.
من فترة ابني صار له طفح مع اني أستخدم صودو كريم.. الصراحة خفت أسوي له مثل جارتي عارفين هذي منطقة حساسة.. فسويت له زي المعجون خلطت بيكنج صودا مع شوية موية وعلى طول حطيته فوق الطفح وخليته نص دقيقة وبعدين شطفته بمويه دافية شوي وجبت نص لتر ماي وخلطته مع ملعقة صغيرة مليانة بيكنج صودا و على طول شطفت المنطقه بهذا المحلول لأنه يتغير بسرعة.. وبعدين نشفته زين من غير فرك وخليته يتهوى شوي وسويت زيت سمسم قليل جدا وحطيت عليه صودو كريم .. والمرات الباقية كنت أشطف له بالمحلول بس بدون معجون.. والحمد لله ما جا الليل إلا والطفح راح واليوم الثاني راح أثر الدم ودعيت لجارتي وللممرضة.
بيكنج صودا اللي استخدمته اسمه Fridge-n-Freezer من ماركةARM & HAMMER وكان توه جديد مافتحته إلا علشان ولدي. صورته على هذا الرابط :

http://armhammer.com/basics/products

ماعندي فكرة عن أي أعراض جانبية ممكن تحصل بس كثير غير جارتي مدحوه.

وسلامتكم.

مشكورين اخواتي جزاكم الله خير