طلبتكم يالنشاما ممكن تساعدوني ((ضررروري))

Noor1979;5868367:
السلام عليكم ورحمه الله وبركاته ...

اختي .. احط سماعه على اذونج واقولج .. تحملي تطيعينه وتسكنين بالغرفه .. انتي اعنبوج ما تشوفين البلاوي الي تصير والمشاكل ,, مع ان كل وحده عايشه بملحق معززه مكرمه . والمشاكل ما تخلص منها ....

وبتقعدين بغرفه ... ليش عمره اذا يحبج ويبيج يصبر ,,,, الي صبره هالفتره يصبره سنه .. هو يقول بعد سنه يقدر يسوي شقه او اي مشكله .. خلاص يصبر هالسنه .. اختي الريال بعد الزواج ما يحقق اي شي وكل مره بيقول ماعندي ,, ومفلس ... وانتي ايش الله حادك ...

قلنا ونعيد ونزيد ..... الحـــــــــــــــــــــــــــــــــب لا يكفي شوفي قصه اخت زوجي .. مو ولد خالتها مو تحبه ويحبها .. مو ضحت بدراستها .. وعاشت معاه بغرفه ... وحشره بالبيت .... شنو النتيجه مشاكل وبلاوي محد يدري فيها الا هي وهكي تطلقت .. ومع ولد ..

اختي أوعي حق نفسج وفكري ان شهادتج بتنفعج وبتشيلج وبتفتح البيت وبتساعدكم ماديا معلش تبين ترضينه .. على عينا وراسنا بس اختي .. لا تسوين شي انتي ما تحسينه صح ..

والي تقول وش فيها تسكنين ببيت زوجك الافيها وفيها وفيها ونص .. بعد . وخصوصا بيت متروس ريايل .. . كم بنت وبنت تقول ما تقدر تاخذ خصوصيتها (......) وانتو فاهمين عدل ..مع زوجها والسبب ان هي عايشه بغرفه نسيتو اليهال نسيتو اللبس والحركه والراحه ما يطلع الا والباب لازم يتسكر هذا داش وهذا طاق الباب عليهم وهذا يصارخ وهذا مادري ايش يسوي ...

اختي .. خلي الحب على صوب ,, ,فكري زين .... والاول الاخير حياتكم كأزواج ...

تحياتي
ام جنى

قطرية24;5868482:
انا انصحج انج ترفضين وضع البنت وسط بيوت العايله صعب خصوصا اذا عاشته

ممكن تتخيلينه سهل بس عيشي ساعه وشوفي المراره

اختي اذا الامر صعب خليه يبني ملحق بالبيت يخصك

مو شرط شقه وبيت خارجي وفيلا

متزوجه وتعبانه;5870384:
عادي اذا تحبينه سكني مع اهله انا كنت نفسج ادرس وعشت معاه بغرفه ومشيت حياتي عاديه لين ربج فرجها وسكنت بروحي بس احس ان قبل لما كنت ساكنه فى بيت عمي افضل من الحين الأن الحين اعاني من الوحده علي الأقل قبل كنت اجلس معاهم لما اهو يكون بدوام والحين محد لي فأظل بروحي فى البيت فأذا تحبينه ضحي له وهذا شيء فى صالحج تري عشان تكبرين فى عينه ويحبج اكثر والله يسعدكم.

بنتي عروس;5870626:

هلا ومرحبا..

شوفي حبيبتي إصحي توافقي

والله والله لو وافقتي وتزوجتيه

بتندمين قد شعر راسك..

ادري بتقولون مادية ومن هالكلام

لاوالله مو مادية انا واقعية، والمثل يقول

أكبرمنك يوم أعرف منك بسنة..وأنا اكبر

منك وافهم هاالامور كويس وعيالي على وشك

زواج..والحب والخرابيط هذي والرومانسية حلوة

حيل ..لكنها تنتهي مع اول مولود وبعد أول سنة زواج

تبدأ المسؤلية والهموم وتبدأين تقولين ياليت اللي

جرى ماكان وياليت أحد نصحني وفتح عيوني وهذاي أنصحك

والله يجيب لك ابن الحلال اللي يعيشك احسن عيشة..والله

اننا موظفين انا وزوجي ورواتبنا ضخمة بس مو قادرين نلحق

على طلبات العيال لا وبنتي بدأت تكبر وتكبر طلباتها والله المستعان

فهذا ابن عمك إذا مو قادر يوفر لك سكن محترم شلون بيوفر لعيالك

المستوى اللي الناس عايشينه..سامحيني طولت عليك بس يوم

قرأت موضوعك انقهرت

حييل---مقهورة;5872120:
حبيبتي فكري زين وشوفي راح تقدري تستحملي انك تعيشي مع اهل زوجك وعاد انتي اعرف بهم

وإذا قادرة تعيشي معهم قوليلة بس بشرط تسكني ببيت لوحدي بعد السنة عشان انت وعدتني

وإذا حسيتي إنك موقادرة وماراح تقدري تستحملي وتصبري قوليلة انا ابي اكمل دراستي ولا شفت إنك قادر

تعيشني ببيت بروحي ذيك الساعة اوافق وقوليلة بهدوء وبسلوب حلو عشان مايزعل وقوليلة كمان ذا اشي

احسن ليا ولك والله يوفقك حبيبتي

قطرية24;5872647:
ترى مو شرط احيانا القصد بالمشاكل خناقات وضرب وسحر ومن هالامور لا

احيانا في امور صغيره تصير تربك وتوتر اكثر من المشاكل الكبيره اللي ذكرتها

يعني على سبيل المثال (( زوجتك ما طبخت اليوم ؟ ،،، زوجتك ماطلعت من غرفتها ؟ ليش كله منعزله ؟ ليش متكبره .؟ ليش مب عاجبينها احنا ؟. عندنا ضيوف خلها تطلع تضيفهم ،،،،ممكن يدخلون غرفتك احد من هله ويلمح لك بشغلات تنرفز ،، لو طلعتي للسوق واشتريتي اغراض ممكن يفتحون عينهم على اغراضك المقصد كله مافيه خصوصيه ابد !! طلعتي،، فلانه وين طلعت ؟ ليش تاخرت ؟ ومن هالامور المتوقعه والاكره اذا كانت هالاشياء بعدم تقدير ظروفك الخاصه او وضعك او اطباعك الشخصيه من خجل والى اخره

وانا احكي لك من واقع تجارب كذا انسانه في حياتي