جورية 85;5884799:
هلا قلبووووو من عيوني ماطلبتي شي
تدرين انا سامعه عن دوف بس مالقيته ان لقيته بقولج
باذن الله مشكوره قلبووووو عل المنتج العجيب اسعدتيني في وان جاب نتيجه لج من بدعي لج الله يعطيج الي تتمنينه يارب (f)
nicolramii;5898500:
حبيبتي حور قلبة والله معك حق انا قبل ما اتزوج ما كنت سمينة بس حبيت اغير جو فسجلت حالي في الجيم بس لما شفت المدربة انصدمت سمينة تقول عليها وزنها اكثر من مئة كيلو وبشرتها مترهلة الصراحة فقدت الحماس اللي كان عندي لما كمل شهر انسحبت من النادي وارتحت
ام حمودي555;5899356:
هلا حور
والله انا بعد اجوف اللون خف
حتى سالت خواتي قالو لي اي خف
وفي جم خط كلش لونهم راح يعني
قاعد يصير نفس لون البشرة
عاد هاي الخطوط اللي في ريلي
بس اللي في بطني مالاحظت شي
لان وايد مشخط بطني مال الولادة
اي ولاني ابتديت في ريولي قبل بطني
انا الحين صار لي 10 ايام من استخدمته
وقولي لنا بعد عن كريم دوف اذا ياب نتايج
علشان اجربه
ام حمودي555;5920280:
هلا حور
انا الجل استخدمه مرتين الصبح وفليل
اللوشن استخدمه مرة وحدة فليل
اول شي احط الجل عقب انطر لين مايمتصه الجسم بعدين اضيف اللوشن
انا شريت لي دوف بس قلت اول اكمل نيفيا بعدين بجرب دوف
memo90;5923287:
قووووووووه .. بنات اشلوونكم ... حبيت افيدكم باللي اعرفه رغم اني ما جربت شي لي الحين .. بس اللي وايد قريته ان دووف احسن كريم .. و في بعد من لوريال كريم اسمه ( بيرفكت سليم ) Perfect Slim يقووووولووووون وااااااااااااااااايد زيييييييييييييين .. بس انتو كملوو اللي عندكم بالأول و ان شاء الله تحصلون نتيجة ... لأن لازم الاستمرار .. و الله يوفقكم ان شاااء الله
أم العيون الخضر;5927327:
نيفيا بالعكس يشد الجسم استعمليه بيانتظام وان شاءالله تبهرج النتيجه بالآخر مع الرجيم ومع الرياضه دايما
محرقية قلبي رفاعي;5926600:
السلام عليكم
بالنسبه لكريم دوف انا استخدمته بس قبله استخدمت كريم لوريال لمدة شهر وبعده كريم دوف وبطني كان مترهل ماكملت شهرين من الاستخدام ................................. قولو ما شاء الله
والله الترهل راح يا بنات وصارت دبتي طبيعيه جني متنانه وبس انشد بطني وارتفع الحمدالله بفضله والخطوط خفت بنسبه كبيره بس حطوا ببالكم ان من جسم لي جسم يختلف وعلى حسب قابلية الجسم للتأقلم مع العلاج
ولا زم تقشرون جسمكم مرتين الى 3 مرات بالاسبوع والمنتدى مليان خلطات عشان تتخلصون من الجلد الميت والكريمات الي تستخدمونهه تاخذ مفعولهه واهم شي التدليك يا بنات لتحريك الدوره الدمويه
موفقات إن شاء الله
@أسرار@;6220817:السلام عليكم ورحمة الله
عزيزاتي هناك فرق بين السلوليت والخطوط البيضاء (التشققات)
السلوليت عباره عن تجمعات دهنية في باطن الطبقة الشحمية من الجلد(الطبقة السفلى)
وتتراكم وتحبس معاها الماء والسموم وتقريباً المشكلة شائعة في أغلب النساء بنسبة 80%
حتى النحيفات منهن.
ويشبهون الجلد المصاب بالسوليت بقشر البرتقال
وهذه صورة الجلد إذا جمعتيه بين يديك
ولها أسباب
أختلال التوازن الهرموني مثل البلوغ والحمل والولادة الإجهاض تعاطي حبوب منع الحمل،،،الخ من مشاكل النساء.
التوتر النفسي والعصبي، الوراثة،كثرة الجلوس وعدم الحركة والرياضة،التغذية السيئه وكثرتها،
اضطراب النوم،التدخين وشرب الكحول والعياذ بالله،سوء هضم الطعام والإمساك.
لبس المشدات التي يروجون لها على أنها تنفع السلوليت ومنحفة،لبس البناطيل الضيقة.
كثرت من كلامي عليكم بس حبيت أفيدكم لأجل أن تفرقون ما بين التشققات الناتجة
عن تمدد وانكماش الجلد،بسبب زيادة ونقصان الوزن والحمل والبلوغ وبين السلوليت (الجلد الذي يشبه قشر البرتقال:) ).