اذا انحطيتي بهالموقف كيف تتصرفي

ANA RA7 ASKT 3LSHAN LO WAJHTO RA7 YANKR O YMKEN YA GOOL MALK D7'L:(

ان شاءالله مايينا هاليوم.....
بصراحة انا كل يوم افكر فهاالشي ماعرف ليش واخاف انه ايي يوم واكون بهالموقف.. طبعا ما بطلع من البيت بس بواجهه وابا اعرف السبب اللي خلاه يسوي جي اذا انا قصرت في حقه.. بس مشكلتي يوم يصيرلي موقف مثل هذا اسلوبي يتغير يعني اكيد بكون انسانه ثانية مب الانسانه اللي كانت تهتم فيه.. انا طبعي جيه اكون حقيرة يوم حد يخونني...

:s2:oاسفة اختي شهد اسمحيلي اظاهر لاني تفاعلت واندمجت في الموضوع اسفه احرجتيني بجد:oوعموما مشكوره على الموضوع الحلو :shy:

الله لايكتبها علينا ويهدي الكل


انا طبعا مو مزوجه بس اقلكم تصرف يشبه هذا الشي انا يوم من الايام وحده دقت على جوالي وقالت انه في واحد داق عليها من رقمي وبعد حديث ارتاحت البنت لي وطلعت هي داقه بالغلط علي وعرفت انها ثانويه عامه :
صارت اتصالاتها بي دايم هي من منطقه وانا من اخرى ومره اتصلت وكانت تثق فيني وحكتني بعلاقتها مع زميل ابوها حولت انصحها واصحح لها نظرتها بس متعلقه فيه


ولها فتره تقريبا 3 سنوات وهي تكلمه



المشكله صار الان يطلبها تطلع معه ولما قلتلها ترفض ما رضيت

لانه واعدها بهديه كبيره طبعا هي كانت تكلم من خلوي هو جابه لها ومرات من البيت وانا احتفظت برقمين لضروره



وتشجعت يومها ودقيت على البيت الصباح وبلغت امها بشكل ودي ووعدتني انها تحافظ على سرية الموضوع وتحمي بنتها وبيت صديق زوجها



تعرفو ان البنت وحيدة اهلها البقيه صبيان بس هي ليه تكلم الرجل هذا لان ابوها على علاقه مع صحباتها






ما اقول الا الله يسترنا

لا لالالالالالالالالالالالالالا و الللللللللللله .. وش اطنش
هذا زوجي يكلم غيري واسكت عنه ، وقليلة الأدب بعد هذي البنت اللي تدري انه متزوج أصلا المكالمات الهاتفيه كلها غلط في غلط للمتزوج ولغيره ولغيره ولغيره الله يستر بس .. ان شاء الله ما احد يصير له ذا الموقف .. واتمنى للجميع الحياة السعيدة والهانئة والجميله دون مداخلات اخرى :D

أختكم : كــــــــــــانـــــــــــــدي

واااااااااااااااو لو صارلي هذا الموقف الله لا يقدر اكيد بقلب الدنياء فوق تحت:pain::confused:ويمكن لحظته ما افكر حتى بعيالي انا اتكلم عن نفسي وعن زوجي بذات لانه دائمآبعيد عنا ومشغووووووووووول على طول وإذا بيلقا وقت حق هذي السوالف ماأضن اني بقدر اسامحه اااااااااابدآ:mad2:

ام بندر ::
معقولة راح تقدري تسكتي والله احسدك على قوة اعصابك
ومشكوووووووورة على المشاركة

بنت دبي
واله احس اني نفسك بواجهه و 100% بتتغير معاملتي معاه لأني ساعتها بحس انه جرح كرامت يوانةثتي وخلا وحده ثانية محلي ولو لفترة بسيطة

تسلمي حبيبتي على مشاركتك .

++++++++++++++++++++++++++++++++++++

عزيزتي شيوخي

والله اعتذر ما كان قصدي احرجك ابدا والله
لكني يمكن تفاعلت شوي

عموما حياك الله في منتدانا ولا تزعلين مني

ترانا كلنا خوات هنا :D

عسل طبيعي
بصراحة احيي فيك غيرتك على صديقتك
لكن ما كملتي لنا ايش صار بعدها
امها كيف تصرفت معاها ؟


ومشكوورة على مشاركتك

كاندي ونووووووونه
مشكورين حبيباتي على مشاركتكم الطيبة
وتسلموا لي يارب

اختي الغاليه حصلت قصه لبعض الصديقات وهي
ان زوجها كان له علاقه مع بنات وهي المسكينه ماتدري قايمه بواجب زوجه على احسن وجه ولكن اه من الرجال المهم الله فضحه عند زوجته من غير مايدري انها درت قول خويتي انها كانو طالعين هي وزوجها يتمشون ونزل يجيب اغراض وهي فتحت درج السياره ولقت شريطيين ترددت انه تاخذه والا لا في الخير قررت انها تاخذ الشريط بس ماتوقعت انه يكون الي تفاجات فيه وكان لها صدمه قويه طبعا الشريط سمعته كان فيه صوت زوجها هو ووحده من البنات يهددها انها اذا ماطلعت معاه انه ليفضحها عند اهلها والشريط الثاني مع بنات مسجلهم شريط وهو معهم في الشقه على الحرام اعوذ بالله تخيلو انكم في هذا الموقف وش بتسوون
انا لو بدالها اقتله لالا بس بلم عفشي وعند اهلي المهم البنت من هول الصدمه مو مصدقه
بس والله انها عاقله ماقلتله عن الشريط ولا قالت لاهلها ماتبي تخرب بيتها بس كانت تدعي لزوجه بالهدايه وتقوله قصص عن الزنا وش عاقبتهوان الزنا دين يايحطه الله في اهله او عياله وكانها تلمحله انها درت بطريقه غير مباشره طبعا هي ذكيه تصرفة بعقلانيه الين حست ان زوجها تغير تدرون ايش سوا اعترفلها وهي طبعا قالتله انها كانت تدري بس ماتبي تخرب بيتها عشان تلفون ووالله انه تحلف ان زوجها تغير حتى الصلاه كان يهملها الحين مواضب على الصلاه الله هداه لو انه كبرت السالفه ولا سترت عليه وراحت لهلها وشكتلهم وكبرت السالفه والنهايه وش بتكون طبعا الطلاق بس العقل والحكمه لها دور الله يوفقكم
هذي قصة صديقتي اتمنى الكل يستفيد منها
ودمتم
اختكم خوخه الحبوبه
ام مشعل

خوخه الحبوبه
بالفعل والله اتخيل موقفها
والله صبرها بالفعل
واعتقد يعني بعد الشر لو انا مكانها كنت بقلب الدنيا فوق تحت ما عندي قوة الصبر هذه
لكن بصراحة صديقتك هذه عقلانية كثير
الله يزينها بزينة العقل اكثر واكثر

وبلغي تحياتي لها
واشكرك على مرورك على الموضوع

بس مو لازم يكون السبب هو الزوجة احيانا تكون الزوجة مب مقصرة في شيء وحاطة الزوج على راسها بس الزوج يكون هو السبب بقلة الوازع الديني وعدم قظ النظر والصحبة السيئة بعدين شي معروف الرياييل عمرهم مايشبعون من الحريم لو رجلة في القبر الا من رحم ربي :mad2:

اختي ريم
في مثل يقول :::
بو طبيع ما يجوز عن طبعه ولو قصوا له صبعه

يعني اللي عينه زايغة قبل الزواج بيكون كذا سواء حرمته اهتمت فيه ولا لا

لكن الواحد ايش يقول غير لا حول ولا قوة الا بالله من هذا النوع من الرجال اللي عينهم فارغه ما يملاها الا التراب


شكرا حبيبتي على تعليقك على الموضوع

بصراحه بجلس::confused: اصيح لاني عارفه ماقدر اقول لاحد بعدين بصارحه مره صراحه شكيت بزوجي جلست اصيح يمكن ساعتين وكل ما نسيت رجعت اصيح واول ماجا سالته عن الموضوع وانا اصيح وخبرني بالحقيقه وطلعت ظالمة :cool2:

بسمه تعالى

عزيزتي .. كل ما أود أن أذكره لك أن الله يكون بعونك .. بصراحة الموقف صعب جداً .. وحاسة فيه. مع أني غير متزوجة.

المهم .. من الظرور ي جداً عدم الأنفعال .. أن تتكلمي بكل صراحة .. وتستفسري عن هذا الشأن .. موضحة له .. أن لا يوجد هناك داعي للأنكار .. لأنك علمتي بكل شيئ .. فقط تدريدين تفسيراً لما حدث. وفي النهاية .. تعرفين وين النواقص .. التي قد تبذر منك. وتسألنينه الله فيك .. أو إذا كان هذا يرضي ربنا..

وراح أتابع ماكي الموضوع .. للنهاية

سلام
الشيخة

السلام عليكم......

عزيزتي.. في مثل هذي المواقف الواحد لازم يحكم عقله.. عشان ما يخسر راحته بيته وعياله واستقراره العائلي.. بعدين ممكن الواحد قبل كل شي وأنا اتكلم من وجهة نظري الشخصية بحيث إني اذا احترت في اي موقف يمر علي كيف ممكن اتصرف فيه خاصه اذا كان موقف صعب انا في الغالب ألجا للدين .. بس قبل هالشي اقعد مع زوجي واسأله اذا أنا قصرت معاه في أي شي.. او هو مضايق من اي شي فيني او في بيتي.. وشو اللي عجبه في البنت وفضلها علي.. ممكن عيب فيني وممكن عيب فيه هو :think: طبعا أنا بكون مقتنعه تماما من عدم القصور من ناحيتي واذا كان رده غير مقنع في هالحاله انا بلجأ للدين الحنيف وبسأل أهل الذكر بحيث إني اتصرف بشكل ما يغضب ربي . ونحن كلنا عارفين أن دينا الإسلامي نظم الأسره وعرف كل واحد بحقوقه وواجباته وفيه قواعد وقوانين لو إلتزم بها الناس ما تاهوا ولا ظلوا ولكن الشيطان يلعب دور لضعاف النفوس. اذا أنا التزمت بما نص عليه الدين الاسلامي زوجي بيحس بغلطه والناس ما راح يعاتبوني.. يعني انا لا بعاند في ولا بصرخ ولا بصيح ولا بروح بيت أهلي. ويمكن هالطريقه مثل ما ذكرت الاخت فيها هدايه للزوج الا وبعد بيتوب بإذن الله....
:up: وتسلمون

السلام عليكم و رحمة الله و بركاته............

اسمحوا لي أخواتي العزيزات بالمشاركة معكن في هذا الموضوع....
أول شي حبيت أقول ان الزوج و الزوجة اثنينتهم يكملون بعض و اذا الزوجة شافت غلط على زوجها المفروض منها ان تعدل ها الشي مب تعويه و تخربه ...صحيح ان كلنا تتملكنا مشاعر الغيرة الفظيعة و العصبية و الصياح و النواح اللي يحصل لكن الانسانة الذكية هي اللي تقدر تغير من اسلوب ريلها ...صحيح بتقولون لي (بوطبيع ما يووز عن طبعه) ..و على فكرة الريال اذا خان مرة و مرتين و ثلاث ترى هو في الاخير مرده في الاخر لحرمته بس بقولكم ان الحرمة بأسلوبها و بحكتمها تقدر تسيطر على الوضع...لأن كل زوجه تعرف مفتاح ريلها و اذا لقت المفتاح انحلت المشكلة...و حبيت أنوه لشي جدا مهم للي ترغب بحياة سعيدة و هو ابعدي اهلج أو اهله عن المشاكل و لا تجعلين من بيت اهلج مفر لج لانه البنت من تطلع من بيت اهلها الى بيت الزوجيه صعب ترجع لاهلها و صعب تحصل المعاملة اللي كانت تحصلها عندهم كبنت....اتصرفي بحكمة و تروي و لازم كل زوجة تتعلم انها تكون صبورة و يكون عندها طولة بال و وتوهم الناس انها عايشة بسعادة مع زوجها حتى تكبر في عين زوجها و يكون احد المفاتيح اللي تكون سبب في اصلاح الزوج...و طبعا في الاول والاخير لا تنسى الزوجة الدعاء بالهداية لزوجها و دائما تدعي بعد كل صلاه ( اللهم زينه في عيني و زيني في عينه...و اهده و ابعده عن الحرام)

و اسمحولي على الاطاله

أختكم
صوغة

قشطه ::::
عينك ما ورمت من الصياح :confused: :confused: :confused: :confused:

الحمد لله انه عدت على خير
وشفتي مرة ثانية لا تتسرعي بالاحكام ابدا اول تأكدي بعدين صيحي ساعتين حتى تصيحي ثلاث ساعات ;)

امزح معاك :p

ان شاء الله ما في مرة ثانية وزوجك يكون مخلص لك على طول
+++++++++++++++++++++++++++++++++++++++

الشيخة :: انتي من تقصدي انا ولا قشطه اللي ذكرت قصتها فوق

اذا كنتي تقصديني انا فانا الحمد لله ما اعاني من هالمشكلة ووان شاء الله ما اعاني منها طول حياتي
اما اذ كنتي تقصدي قشطه الحمد لله عدت مشكلتها على خير
شكرا حبيبتي على مرور ك على الموضوع والمشاركة

دهن الورد ::
والله زينة العقل
بالفعل الدين هو الملجأالوحيد لتهدئة نفوسنا ونعرف اللي لنا واللي علينا

الله يوفقك عزيزتي
___________________________________________

صوغه ::
بعد الأهل عن التدخل في مشاكل الزوجين خير واسلم طريقة للحفاظ على خصوصية الحياة الزوجية .
لان البنت اذا راحت وإشتكت لأمها الأم بتشيل في قلبها حتى لو البنت تصالحت مع زوجها ورجعوا سمنه وعسل الأم ما بتنسى وبتظل تذكر المشكلة دايما
علشان كذا أسلم طريقة انه الوحده تكتم على أسرار ومشاكل بيتها علشان تحافظ على حياتها مع زوجها
انا وزوجى من أول يوم اتفقنا ان اي شوي نقوله او نخطط فيه او مشكلة تصادفنا او سوء تفاهم ما يطلع خارج باب الغرفة ابدا مهما كان وايش ما صار الا في حالات معينة
لكن الأسرار برا لا لالالالالالالالالالالالا

والحمد لله ملتزمين بهالإتفاق ومحد من الأهل تدخل بخصوصياتنا وحياتنا
حتى امي ما اخبرها ادق تفاصيل حياتي ولا احد من اهلي
واحس نفسي مرتاحه كثير من هالأسلوب

واشكرك حبيبتي على مرورك وتعليقك على الموضوع