مكالمه جعلتني في معركه

اولا للاخت مريم نور ,,,
انت حرمه كيف تقوولي لاتزعلي اي وحده تزعل اذا تزوج زوجها وتغير حتى السيده عائشه كانت تغير من السيده خديجه على الرسوول عليه الصلاه والسلام ,,,فاانتي لو انحطيتي في موقفه اكيد راح تزعلي على زوجك اذا كنتي تحبيه طبعا ...

اما الاخت ملاك الشرقيه ,,,
اول شي لازم تتاكدي من الموضووووووع تمام واذا ماقدرتي فااتحي زوجك في الموضووع ,,,على طوول

موفقه عزيزتي

مافي دخان من غير نار
ومدام انتي عارفه ان هو تغير ومعترفه بهالشئ
ليش الانتظار؟ او السكوت؟
صارحيه وارتاحي علشان تعرفي راسك من رجليك
ولا تزعلين نفسك ولا شي وخافي على صحتك علشان اولادك على الاقل اذا عندك اولاد
وليش تقهرين نفسك حبيبتي؟ اذا هو تزوج فهذا قراره وانتي لا تحرقين نفسك علشانه
خليه مسيره بيرجع لك
تحياتي

**ام يارا**;5835113:
اولا للاخت مريم نور ,,,
انت حرمه كيف تقوولي لاتزعلي اي وحده تزعل اذا تزوج زوجها وتغير حتى السيده عائشه كانت تغير من السيده خديجه على الرسوول عليه الصلاه والسلام ,,,فاانتي لو انحطيتي في موقفه اكيد راح تزعلي على زوجك اذا كنتي تحبيه طبعا ...

استشهادك بأم المؤمنين عائشة مالو مكان هنا ..

كانت تغار فقط .. و من امرأة ماتت قبل زواجها .. و هذا من رحمة الله بنبيه عليه الصلاة و السلام

و يازين حريم الآن تغير مثل ما كانت .. حتى غيرتها كانت بعقل و روية رضي الله عنها

أما الآن فالغيرة صارت خربان بيوت ومآسي .. كله تحت عذر الغيرة و أني امرأة

أما أختنا صاحبة المشكلة فأنا قلت لها تصبري .. و ما تريقي ماء وجهك ..

يعني لما تصيح و تولول و تظهر ألمها للرائح و الغادي أيش بيزيد ؟!!

شماتة الناس و مصمصة الشفايف .. و تدخلات تخرب بدل ما تصلح ..

كرامتها فوق كل اعتبار و صحتها و نفسيتها .. اللي قالت أنها بدأت تاخذ لها مهدآت ..

قولي لي .. أيش بتستفيد من حرق أعصابها ؟!!

زوجها بيتزوج اذا لزم .. أكيد أخذ بباله أنها بتقلبها حريقة .. و أهلها بيعترضوا .. و ناس بيقاطعوه .. بس مع كذا ما همه (( هذا اذا كان سيتزوج فعلاً ))

كوني قد حالك .. و تصبري و تصنعي الجلد .. و الله يربط على قلبك

كلام الأخت مريم نور صحيح..
بس أولآ لازم تتركين المهدآت لأنها شر..وكثري من قراءة القرآن..هو المهدي الوحيد للقلوب والأرواح..
وثانيآ ..أي ريال تنكد عليه حرمته طول الوقت ومافي وقت للراحه ..عادي يتزوج عليها..أزواجكم سكن لكم..
وإذا الريال سواها سلمي أمرج لله والحمدلله أنه ماتبع طريق الحرام ويابلج الأمراض المعديه وغيرها والعياذ بالله..
ولو تزوج حاولي تعوضين الأيام اللى راحت وعيشي حياة حلوه معاه وأنسي أن فى زوجه ثانيه..خليه يتمنى لو ماتزوج عليج..
والله المستعان..

حبيبتي .. انتي ما تعرفين شي الا من صاحب الموضوع ..

لا تروحين تفتشين من وراه ولا شي .. قعدي قدامه .. و قولي له (( انا اثق فيك .. و ماروح ادور من غيرك ))

و مباشرة قولي له (( في وحده اتصلت و قالت جذي جذي .. انته شنو رايك بالموضوووع ))

يمكن يتهرب ,, فانتي قولي له (( ما بسامحك اذا جذبت علي ))

الله يكوون فعونج و يصبرج يالغاليه والله قلبي وياج

لاتندمين على كل لحظه عشتيها ويا ريلج مهما كان هذا ريلج وانتي فالبدايه رضيتي فييه مب واحد من الشارع ماتعرفينه :) .. و نصيييحه ودري المهدءات تراها تضر اكثر من انها تنفع و يمكن ماتكون مناسبه لج فالوقت الحالي الا اذا كنتي ساائله طبيب
المهم عندج حل انا انصحج فييه

لاتفكرين تصارحينه ابببببببد ولاتسألينه عن شي ولا تقوليله عن المكالمه.. الحرمه الذكيه اللي تييها مكالمه مثل هاي ماتسير على طول عند ريلها و تخبره و هي حاسه بالموضوع من الاساس و تدري انه يمكن ينكر ..
بالعكس هاي المكالمه المفروض تخليج تحطين خطط و سياسات بدون علم ريلج و تحاولين تنسينه شي اسمه زواج ثاني .. لانه الريال يوم يفكر فالزواج الثاني بعلمج ولا بدون علمج ترى بيعرس لانه اصلا خطط بدون ما يسألج فالزوجه يوم تكشفه بعدين تزعل و تستوي مشاكل و اتطلع كل قهرها و غيضها في الزوج و يوم تهدا شوي تبدا تفكر يا بالانفصال او انها تجذبه بأي طريقه (دلع و لبس و كشخه و غيره) و هني الزوج بيحط فباله (هي يالسه تتدلع و تسوي كل هذا عشان ما اتزوج عليها)
بس اذا من البدايه تفكرين بالموضوع بدال المشاكل على طول انتقلي للمرحله الثانيه و غيري من نفسج شوي ;) بدون ما تخلينه يعرف انج عارفه بموضوع زواجه الثاني عشان يشوفج متغيره من نفسج مب لانه بيتزوج علييج فهمتي عليه؟ اتمنى يكون كلامي مفهموم احس انه ملخبط شوي
واذا احتجتي اي شي اختج موجوده

ادعي الله ينوي اللي فبالي

شكرـآ لكل من ردت وابدت لي الحل السليم
بس يابنات انا ما اقدر اخبي ولا اقول له الموضوع
لازم اعلمه درس لن ينساااااااااااااااااااااااااااااااااااااااااااه

اختي ملاك ..

سؤال .. انتي متأكدة .. عندج يقين تاااام 100% انه بيتزوج ؟

و بعدين في رياييل يحبون يعددون .. مو لعانة فيج او عناد فيج ..
اهوا الريال جذي طبع فيه ..

و سؤال ثاني .. بالله سويتي شي براسج و انتي ليما الحين مو متأكدة ..
شيضمنج بعدين انه لا سمح الله ما يطلقج ..

انا مااقولج مااحط نفسي بمكانج او مو فاهمه او او ..
بس لو انا بمكانج .. و ريلي حاط براسه فكرة الزواج من ثانية ..
و انا مو مقصرة .. اخر شي افكر اسويه اني اكبر المووضوع و اخسره عشان ما يتزوج و بالاخر يتزوج و فوق مااهوا عنده غيري .. يكون لايعة جبده مني و من حنتي و ماخذ مني موقف من مشاكلي ..

شوفي انا عندي الريال مو الدنيا كلها .. جزء كبير منها و ضخم بعد ..
بس يعني بتخسرينه عشان بيتزوج ؟ لا تقولين حرام .. مالج حق ..
هذا شرع الله .. و لو تزوج بتقعدين تحرقين بعمرج و تمرضين و حالة ؟!
بدال لا تكسبين زوجج بتخسرينه و فوق الخسارة ضرة ..

هذاااا الحجي كله و انتي ليما الحين مو متأكدة ..
لا تصيرين محقق .. ترا يا بوفلان سمعت من الغريب انك بتتزوج او خاطب .. صج ؟
ما راح تقلب البيت على راسج ترا .. اذا مسويها ما راح يرده شي ..
و اذا ما كبرتي عقلج و سويتيها سالفة نتقام و صراخ و مشاكل ..
ترا بيتزوج يعني عنده بيت ثاني بيروح بيته الثاني و انتي بتموتين قهر و اخر شي بتقولين شسوي بعد ..

سأليه زين .. بس سؤال .. وبعدين فكري شنو الخطوة الثانية .. و الله يهديه لج و يهديج له

الله يعينج اختي

ما في الا تصارحينه بالموضوع

علشان تعرفين كيف تداركين المشكله

والله يهدي سركم

حبيبتى احسن لك راجعى روحك اشوى بعدين تكلمين معاه واذا تاكدى من الخبر حاولى تعرفين الاسباب لى خلته يتزوج عليج
اختى اخذيها نصيحه تقربى الله الله حاولى تقرين سورة البقرة يوميا على الاقل مه كثرة الادعيه والاستغفار
وان شاء الله بتشوفين التغيير مه االله ما يضيع اجرك
استغفرى


استغفرى

اكيد بيتزوج عليك دام انك تقولين دايم في خلاف مع بعض

اشوف تفتحي الموضوع بكل هدوء وتسألينه

الله يكون في عونج ..
لازم تفتحين معاه الموضوع
وتحاولين تكونين قويه ،، انسي قلبج لحظتها وكلميه جد
حطي شرووط وطلبي وآمري