عندي مشكلة بنت عمي

غرٍوٍب;5827576:
والله ياعمري انا ما انصح انها تطلب الطلاق لانه بيختفي بالمره من حياتهم

لازم تتكلم معاه او تخلي احد يكلمه يعدل بينهم

على ان قليل اللي يعدلون في هالزمن

الله يعينها

عيون الفهد s;5827582:
الله يعينها ويصبرها

مالها غير تدعي انا ما افهم في دي الامور

والله ماحبيت ادخل وما ارد

تقبلي مروري

عيون الفهد

سفيرة فوق العاده;5827729:
عزيزتي

يتهيأ لي إن هي أساسا عايشه دور المطلقه،، إذا على كلامك ما يمر عليها وكله مع الثانيه،، فما يفرق الموضوع الا الورقه،، يعني هي مب مستفيده منه شي كزوجه،،

اما العيال فبالطلاق ومن غير الطلاق ملزوم فيهم،، يعني هي اللي تقرر الحين،، يا طلاق يا تقعد على هالحال،،
طبعاً المفروض انها اوردي تكون متفاهمه مع أهلها وأهلها مفروض يمسكون الموضوع ويبدئون بالعلاج،،

المشكله ان محد حاسس بالوضع الا هي،، لان المشاعر تهلك الإنسان،، الله يعينها

ويسخر لها الدنيا وما عليها



الله يعين

Um.Abdullah;5827738:
اختي لو اخوها او ابوها يعرف واحد ملتزم او شيخ المنطقة يكلمه عن العدل بين الزوجات، هو اكيد الثانية هي اللي مانعته يروح للاولى، خلو حد يكلمه ان العدل امر من رب العالمين وان ما رضت الثانية وزعلت الله ما بيلومه هو...
اختي انصحيها تغير من حالها وتصير اكثر جمال واثارة، وتتصل فيه وهو عند زوجته وتقول له من الكلام الحلو وانها مسويه له مفاجأة علشان يجيها... وتجرب كذا مررة اليم ما تقدر ترجعه

مجنونة زماني;5827960:
اول شي هيه ليش تبا الطلاق .. لا تعطيني الضرر الواقع .. يعني خليها تعطيني شو الاشياء الحسنه اللي راح تلاقيها بعد وقوع الطلاق 3 اشياء مقنعه و ضروريه ..


كم تغيرت بعد زواجه بالثانيه بشكل ايجابي .. يعني لا يغير الله بقوم حتى يغيروا ما بأنفسهم ..
الكل بلا استثناء يظن ان هذا التغير لابد ان يكون بصبغ الشعر و تغير الشكل و الملبس و غالبا ما يبدأ الزوج يشعر بالشفقة تجاهها و لسان حاله يقول بعد فوت الفوت ما ينفع اللبس و الذوق ..


ليس بيد احدهم تغير زوجها الا الله ثم هيه ..
فأن كانت راغبه حق الرغبه عليها ان تكون صادقه مع نفسها ..

فأن وجدتي اجوبه لاسألتي فأسأل الله ان يكون لدي و لو امل في بعض الحلول ..



فأن رغبتي نتواصل بالخاص .. بعد ان تجيب على سؤالي ..

الإمـــ بنت زايـد ـــــارات;5827966:
يمكن الثانيه مانعته انه يزور الاولى ..

ويحب يجرح الاولى ومايحب يجرح الثانيه ..

دريم ويب;5828479:
وين اهلها عنه ؟؟ يتزوج عليها وساكتين المفروض يكسرون راسه ؟؟ يترك بنت عمه اللي من لحمه ودمه ويروح للغريبة اللي مو من ثوبه !!


الله يصبرها بس على ما ابتلااااها

سفيرة فوق العاده;5827729:
عزيزتي

يتهيأ لي إن هي أساسا عايشه دور المطلقه،، إذا على كلامك ما يمر عليها وكله مع الثانيه،، فما يفرق الموضوع الا الورقه،، يعني هي مب مستفيده منه شي كزوجه،،

اما العيال فبالطلاق ومن غير الطلاق ملزوم فيهم،، يعني هي اللي تقرر الحين،، يا طلاق يا تقعد على هالحال،،
طبعاً المفروض انها اوردي تكون متفاهمه مع أهلها وأهلها مفروض يمسكون الموضوع ويبدئون بالعلاج،،

المشكله ان محد حاسس بالوضع الا هي،، لان المشاعر تهلك الإنسان،، الله يعينها

ويسخر لها الدنيا وما عليها



الله يعين

*عذٍبة آلرٍوٍح*;5828622:

مرحبا أختي ..

حبيبتي أنا زوجه ثانيه .. ولكن لأني أخاف ربي ماأرضى بغير العدل سواء لي أو لزوجته الأولى وهم عشان زوجي أهو اللي بيتحاسب في الأخير ..

حبيبتي أنا أنصحك أنها تحاول تقعد مع زوجها وتتكلم معاه وتتفاهم وتدخل له من باب الدين وتقول له أني رضيت تتزوج علي ولكن ماأرضى بغير العدل ومثل ماهي لها حق عليك أنا بعد لي حق عليك وأنه لازم يقسم الأيام من بينكم وكلميه بأن هو اللي راح يتعاقب بالأخير وأن الله سبحانه وتعالي صحيح حلل الزواج بأكثر من وحده ولكن هم قال بالعدل مو يظلم ويفضل وحده على الثانيه لقوله سبحانه وتعالي قال " فأنكحوا ماطاب لكم من النساء مثنى وثلاث ورباع فإن خفتم إلا تعدلوا فواحده "

وهم أختي خليها تغير من نفسها يعني شنو مضمون التفاهم اللي تتكلمين عنه ؟؟ يعني 8 سنوات مومتفاهمين ؟؟

أختي أكيد أنه حصل عند الثانيه الشي اللي ماحصله عند الأولى .. والشي الثاني تأكدي أختي أنه أكيد شكى لزوجته الثانيه عن أسباب عدم التفاهم اللي بينه وبين زوجته الأولى وأكيد أهي أستغلت هالنقطه لصالحها يعني تتجنب الأخطاء اللي وقعت فيها الأولى .. والأخير إذا كانت زوجته الثانيه ماتخاف ربها أكيد راح تاخذه منها وبقوه وتجره صوبها ..


ولو تبين أي شي أختي أنا مستعده أساعدها بس لا تطلب الطلاق قبل لا تحاول معاه بكل الطرق عشان بيتها وعيالها ..

ومسامحه أختي بهذي الكلمه .. بس دايما الزوجه ماتحس بقيمة زوجها إلا بعد مايروح منها يعني وين كانت عنه من الأول بعد ماراح عنها تحاول تسوي أي شي عشان ترجعه لبيته ؟؟ .. ترى الريال ماهو إلا طفل صغير ..


الله يهديه ويرجعه لها أختي ..


وسامحيني على الأطاله ..

خوخه1001;5828698:
انا شايفه انها تطلب الطلاق .. وش تبي فيه هذا بس لاراحت زوجته الثانيه جا عندها عشان حاجته ....!!!
الوحده يكون عندها كرامه .. واذا خايفه انه مايصرف عليهم ويختفي عنهم في محاكم يخلونه غصب يصرف على عياله .. اب زي هذا الصراحه مايستاهل يكون اب ..


الله ييسر امورها .. يااااااااارب