زوجي يخونني!!! معأنني......

لا كل ماتسويه حلال فيه

وخليه على الطين ايلين مايلين

تمشي معه على هالاسلوب وتطبخه على نار هاديه وخليه يعرف ان الله حق

ونصيحة لله اختي

اذا عزمت ترجع له وبما انه مقتدر تشترط عليه انه يوديها لمكه عمره يومين ثلاثه

يستغفر ربه فيها ويعزم التوبه مما هو فيه ويسأل ربه التوبه عند باب الملتزم فان الدعوه عنده لاترد باذن الله وبعد ماترجع تروح معه للدكتوره ناعمه الهاشمي تطرح مشكلتهم عليها حتى تساعدهم على حلها

واذاهو عازم التوبه بصحيح وشاريها بيوافق وبدون تردد

واذا تلكك والا تعذر فهنا نقطة الانطلاقه وانا لو مكانها اصر اصرار تام وعن قناعه على الطلاق وفي اسرع وقت

وبدون اي تردد

وان شاء الله ان ربي يكتب لها الخيره في امرها ويقربها منه ان كان في قربه خير

و ان كان في قربه شر ان الله يبعد بينها وبينه بعد المشرق عن المغرب اللهم آمين

هلا اختي

احس الحل إن اختج ما تخلي ريلها بروحه مول يعني ما تخليه يتنصخ ودامنها حلوه وهو يحبها يعني ما بيعارض ما تودره مول
ام سلامه

حكاية روح عاشقه تقولج اختي مشكووووووووووره وفرحتيها برايج فيها،، بس تقولج هل فعلا انتي تعتقدين انها ذكيه ولا الي اتسويه مجرد عناد؟

الجوهره 2000 والله انتي تشوفي تصرفها صحيح؟ تقولج اختي انتي من القلائل الي ريحتي خاطرها لانالاغلبية تقولها اصبري ولا استخيري ولا تحمليه ولا ولا،،، قليل الي شجعها على حل عملي،، وتقولج يعني رايج اتم على وضع البرود هذا؟ ولا اتغير؟ وبالنسبة لدكتوره ناعمه نخاف تطلع وايد غاليه والريال ترى مب من ذاك الزود حالته الماديه عاديه جدا

ام سلامه: حبيبتي صح كلامج بس صعب،، لانها تدرس ودراستها اطول لين العصر ومرات عقب العصر،، وفوق هذا وذاك دوام ريلها يجبره انه يغيب عنها يومين وثلاث( دوامه مثل الشفتات الي برع بوظبي ومافي مجال ياخذها،، اتصور فهمتي وين يداوم)
مشكورييييييين كل البنات ونبى اراءئكم الرائعه الله يعافيكم يا حلوات

أختي كلامج شوي غريب تقولين معيشها في رفاهية يعطيها بال20 ألف ومو قادرة تدفع تكاليف زيارة طبيبة...

المهم هذي مو عيشة باجر بييبلها مرض، إذا هي مستغنية عن عمرها تبقى معاه...

واسمحيلي اختي مافي وحده في هذه الدنيا تحب واحد يخونها،،، يلست بيت أهلي ولا عذاب الشك والقهر والإهانة (الخيانة أكبر إهانة للمتزوجة)...

يمكن يكون كلامي شوي قوي بس الواضح أن اختج خايفة لو اطلقت تنحرم من وايد أشياء أهو مخلنها تسويها على راحتها: مثل الطلعات... الفلوس... الهدايا... المطاعم.... أو أنها خايفة على نفسها من الحرام وما اييها رجل ثاني يتزوجها،،، مو كل حرمة تقدر تقاوم هالشي بعد الطلاق إلا إذا كانت ذاكرة ربها...

إذا ما في زعل، أحس أن العلة في اختج لأنها مو قادرة تاخذ قرار، هي كم عمرها؟؟؟ وشو تجاربها في الحياة؟؟؟ وشو رايج في اختك لمن كانت تحل مشاكلها قبل الزواج؟؟؟ وبعدين وين أبوها ما يحط حد فاصل للموضوع يبغي البنت تضيع إلين ما ييبلها مرض!!

الله يهدي اختج للقرار الصائب لأن شكل ريلها ما من فائدة إذا كان كلام أختك حقيقة؟؟؟ يحلف على المصحف ويكذب، ما خاف من ربه بخاف على حب إختج له!!!!

انا لو انا مكانها ما ارجعله

الكرامة فوق الحب

قصة حب
بداية مشكووووره على ارائج الرائعه حبيبتي
و بالنسبة لكلامج ان اختي مب عارفه تتخذ القرار فانتي 100000000000000% صح
وفعلا كل الي ذكرتيه مخلي اختي تحتار،، لانها مثلما قلتي حابه حياتها مع ريلها من ناحية الطلعات والهدايا والمطاعم والفلوس والحب معأنها تعرف انه حب وهمي بس تقول يخليني مستانسه حتى وانا عارفه انه يكذب!!!!!

وبالنسبة لزياره الطبيه حبيبتي انتي شكلج ما قريتي كلامي عدل انا قلت ريل اختي حالته الماديه عاديه جدا جدا جدا ما قلت ميسوره!!! ويوم قلت يعطيها 20 الف هاذي رظاوتها(يدبرها باي شكل عشان ترجع له) وما تبى اطيرها سوري ع الكلمه على كلام الاخصائيين النفسيين الي مرات يفيد ومرات لا، غير انه موجود ع الانترنت!!! وغير ان الدكتور ناعمى بالذات اساعارها فووووووق فوووووق(خصوصا بالنسبه لنا كناس حالتهم الماديه مش مره) يعني اختي اولى بهالفلوس خصوصا انها تدرس واتساعد ابوي وخواتي منها يعني تستخدمهم فأشياء بصراحه اهم عن كلام الاخصائيين الي ومع احترامي للجميع يحاولو يطولو السالفه عشان الجلسات اطول ويزيد المبلغ، وبس لعلمج ترى العلاج عادة فوق ال20 الف!!! هذا اذا كان في حل للموضوع!!
وعمرها 19 سنه
وابوي يقولها اطلقي ما تبينه الي -مثلما قلتي- ما خاف ربه ما بيخاف مننا حتى لو نحن هلج ويقولها بعد والي باع دينه باكر بيبيعج ... بس هيه تباه!!!!!
وعن حياتها قبل لا اتزوج اختي كانت من النوع الي عقلها اكبر عن سنها وواقعيه ومش من النوع ينكسر بالعكس قلبها قاسي(ولو اني كنت الاحظها مرات اتكون حساسه جدااااااااا جدااااااااااااا) بس عقب ما تزوجت صارت حساسه وايد وصارت على اي شي اتصيح وهوه علمها ايطب طب عليها حتى لدرجة انها لو استوى عندها اي شي فالجامعه اتكون عاديه بس من يتصلها ويقولها: شفيج ، صوتج متغير حياتي في شي؟؟
اتصيييييييييييييح وتصيح وتشتكي له مثل اليهال لزغار يعني احسه علمها ع الدلع
والله لدرجة اني سمعتها زمان تقوله انا احسك مثل امي !!!!!!!!!!! (امنا متوفيه ونحن صغار)
قالها شو امج قولي اخوج ابوج ع الاقل لكن امج !!!! قالت له والله هذا الي انا احسه
قام قالها اوكي امج امج المهم اتحبيني وما تستغنين عني!!!!

[COLOR="SeaGreen"]وعلى طاري الاهانه هيه تقولج:
اذا هوه يهويني فالخيانه فأنا اهينه مليووون مره بكلامي له واخليه يذل عمره جدام الي يسوى والي ما يسوى يعني الحمدلله ماخذه حقي منه بالطول وبالعرض يكفي انه يلحق ورايه مثل ....... حراميه كيوت انا معاج يا عمري ومشكوره ياعسل
واتريا اراء البنات الباقيات
[/COLOR]

اذا على النظرات مو شي ثاني تتغاضى

وتكثر من الدعاء

تستخير وتشوف ربنا هيدلها على ايه

ينظر للفتيات في الشارع

انتي تقولي ينظر طيب خليييييييييه ينظر ويطالع عادي

اما اذا كان يعاكسهم امامها فهذا شئ ثاني بس انتي كاتبه ينظر والنظر عادي

وبعدييييين مو هو يعطيها 20 الف خليها تروح لناعمة الهاشمي وتقدر تعالج حالتها

والله انها رائعه جدا وياما حريم استفادوا منها

لكن انصحها واقولها اشتركي في دوراتها اللي تعرضها عالنت لانها مفيييييييييييدة

بالنسبة لزوج اختك ينفع معاها دورة الاخرى في حياتك اللي هو الرجل الخائن وطريقة التعامل معه في منتديات مملكة بلقيس

موووووووووووووووفقه

والله حيرتيني في ردودك


شوفي ياعيني

تلجاء لربها وتستخير بكل صلاة تصليها وتكثر من الاستغفار بنية ان الله يرده لها رداً جميلا

ومايشوف ولايسمع ولايحب بالدنيا غيرها

وان الله يسخره لها ويسخرها له وعليها يكثرة الدعاء والالحاح فيه فان الدعاء مخ العباده

وخليها تحاول تغير من اسلوبها معه

بحيث انها تجلس معه جلسة مصارحه وتكون هاديه جدا وتاخذا مافي راسه بحكمه وصبر وتريث

ولاتستعجل بالرد عليه علشان تعطيه الامان وتزيد ثقته فيها

ويحيث يكون بينهم حوار هادي وهادف تاخذ وتعطي معه بالكلام وتلين راسه وتشوف وش الاسباب

اللي تجره لهالنزوات واذا هي مقصره معها بشي تخليه يصارحها فيها علشان تقدر تعالج نفسها

بنفسها ويركزون على اخطائهم اثنينهم ويقطعون وعد على انفسهم انهم كل واحد يحافظ على وعده للثاني

بعدم الرجوع للاخطاء السابقه

وتقول له كلمه بصريح العباره ( شوف ياولد الناس انت رجال عندك نزوات ورغبات مابعد شبعت منهاولا ادري متى بتشبع منها )

وانا الصراحه اذا باظل معك على هالحاله يابنجن يابمرض واموت من الغيره والشك وتوتر العصاب

وانت حط نفسك بمكاني و قلي بامانه لو انا اللي تحدث من هالخيانه معك وش بيكون شعورك بذيك اللحظه

بتقدر تتحمل مثل هالمواقف )

انا الحين ابغي منك كلمه وحده واثق من نفسك وتضمن لي انك ماترجع في هالسخافات

عمرك كله انا لك ورهن اشارتك وحط في بالك ان هذي آخر فرصه باعطيك اياها

وبشرط بشهادة ثنين او ثلاثه من الرجال الكبار في عيلتكم ويشهدون بذلك ويضمنونه لك



رجال تشوف نفسك باقي عندك نزوات ورغبات وودك تستنفذها الله وياك وماتشوف شر

انا عنداهلي معززه مكرمه ورجال بدالك الف رجال والحمد لله الكل يتمناني (خليها

تشعل غيرته بهالكلمتين

واذا عندها زود تزيد عليهم بعد وكثر الدق يفك اللحام ) زين

وانا الحين باعطيك فرصه اخيره وقدامك اسبوعين شاور نفسك فيها وراجع كل اوراقك

وانا بانتظارك


وخليها بنفس الوقت تذكره بالله وشديد عقابه وان الدنيا دواره ومن زنا في الناس زني به ولو بعد حين

وبكره لاجاتني بنات منك قلبي مارح يطمئن عليهم وبخاف عليهم لا ينلعب بهم مثل مانت تلعب ببنات الناس

ولوهم اللي يجونك مااستبعد ان ربي ياخذ حق اهل هذولا منك في عيالي



طولت عليك واتمنى ان هالاقتراحات تجيب نتيجه وربي يهديه ويهدي امثاله لطريق الصواب اللهم آمين


ونسيت لاقول لك اذا الله تم لهم وارجعوا لبعض على طول تروح معه لمكه كم يوم ويدعون الله عند الكعبه

ان الله ييسر امورهم ويالف مابين قلوبهم ويجمعهم على طاعته وتحاول بقدر الامكان انها تقربه لله

بالعبادات والطاعات واهمها الصلوات باوقاتها في المسجد مع الجماعه

وتذكره بقول الله تعالى ( ان الصلاةتنهى عن الفحشاء والمنكر )وتهمس باذنه انك اذا صليت مع الجماعه احس براحه كبيره وقلبي يطمئن لك ويطمئن عليك وترسخ هالاحساس براسه

لحد مايتعلق قلبه بالمساجد وهذا هو اساس علاجه

ولاتغفل من تشغيل القرأن الكريم بالبيت بسورة البقره يوميا وتبتعد عن الاغاني والمحرمات المؤديه لغضب الله

وتذكروا يا اخوات

ما اصابكم من خير فمن الله وما اصابكم من سوء فمن انفسكم والشيطان

وهذي مصيبتنا تقصيرنا في حق خالقنا هو اعظم مصائبنا هدانا الله واياكم طريق الصواب

اللهم الهمنا ذكرك وشكرك وحسن عبادتك يا رحم الرحمين

مشكورين جميع الاخوات وبالنسبه للي نصحوها بالدكتوره ناعمه اخواتي اختي مش قادره ماديا على هالدورات،، شكلكم ما قريتو القصه كامله، انا قلت صح ان ريلها يعطيها 20 الف لكنها اتساعد خواتي واهلي من هالعشرين الف ..

واخت جوهرة 2000 مشكووووووووووووووووووووووووووووره وجزاك الله كل خير
بس للاسف ريل اختي مش من النوع الي ملتزم وياما حاولت معاه من ناحية دينيه ومافي فايده،، يباله اسلوب تأديب وتعليم من اول ويديد بس كيف؟؟؟ بعدنا ندور ونحاول

عليها ب الاستغفار و تصلي استخارة والله يكتب الي فيه الخير

و الصبر مفتاح الفرج

الخيانة امر لا يغتفر و اقصد الخيانة الفعلية مش نظرات و كلمات لانها مش بس تجرح الزوجة و تهينها لكن ممكن تتطور لا قدر الله انه ينقلها مرض من وحده خانها معاها لازم تحسم امرها و اذا لم تتاكد انه سيرجع الى الله و يتوب الطلاق افضل و انى فى رائى ان ايمانه ضعيف لانه يحلف عالمصحف بسهوله و يزنى و يكذب و العياذ بالله
تخلى شيخ يكلمه و يخوفه من اعماله يوم القيامة و اذا حست انه بيتحسن تعطيه فرصة تانية يمكن تكون سبب هدايته و تكسب اجره بس فى رائي انها لا تنجب قبل ان تتاكد من حسن نيته

اختي نور
اختي السمسم
مشكوووووووووووووووووووووووووووووووورات وجزاكم الله كل خير فعلا كلامكم سليم ولو انه ماظن ينفع مع هالانسان

السلام عليكم
اختي
الاحساس بالخيانه
جرح وطعن في القلب صعب انه يبرى
ولكن اذا فكرت بالانفصال وتضحي فيه وفي حبه وترتاح فلتتطلق
واذا ترغب فيه وترغب في ان يتعدل
عليها ان تلجأ الى الله وحده سبحانه قادر على تغييره
تقابل ربها في الثلث الاخير من الليل وتدعوه دعاء من القلب بان الله يهديه ويصلحه ويصده عن الحرام وعن اصدقاء السوء
والله كريم قادر سبحانه على تغير حالهم من هالحال الى افضل الاحوال والله كريم ان شاءالله



دمتم سالمين
اختكم شريفة

اذا نضرات عادي اما اذا مكالمات وزنا الطلاق احسن لانه في بدايه حياته وخوان اجل بعدين وش بيسوي

اختج صغيرة و ماعندها خبرة في الحياة ،،
و شكلها قاعدة اتعيش مراهقتها >>> اسمحيلي على هالكلام ،،
عيل وحدها مكانها تدري انه ريلها خوان و ما منه فايدة و موب ملتزم ابدينه ،،
و تقول ما تبي تتطلق علشان شو علشان طلعات و دخلات و تاخذ راحتها و من هالكلام ،،
اسمحيلي اختج بعد غلطااانه و لو وحده مكانه مستحيييل تعيش مع هالريال خصوصاً انها بعدها صغيرها و الطريق جدامها طويل و انشاء الله بتلقى ريال زين و يقدرها ،،

الحل انها تتطلق ما تبي معناتها تتدلع و خلاص لا تعورون راسكم معاها و خلها تلعب هاللعبة السخييفة برووحها
السمووحة اذا كان كلامي جارح بس هذا اللي انا اجوفها

ما دامت تعرف انه قبل ما يتزوجها طلق بسبب الخيان ليش تزوجته

انا مع نونو كتكو نايس 100% كلامها صح صح صح يسلمك تمك على قولتهم الصراحه كفت ووفت وعطتك الزبده اختي الله يسخر زوجها لها وعليها بسورة البقره والله القصه ذي كررتها واجد بذا القسم ان خالتي كان زوجها يعامل الشغاله احسن منها وانصحتها وحده بسوره البقره والله والله والله ان ربي سخره لها وصار انسان ثاني ودعاء الليل مع الصلاة سهام لاتخطىء .. وربي يسخر لكل زوجه زوجها ويسخرها بعد له ودامه يحبها وطيب معها تصبر والصبر مفتاح الفرج انا توني ادري ان خالتي اللي اتمنى زوج المستقبل انه يكون مثله كان في بداية زواجهم يخونها ومجننها واللحين شوفيه حاشمها ويادهينه لاتنكتين ادعي له بالثبات ولاتتركه ابدا لان الزوج اللي اساسه طيب صعب ينلقى ..

لاحول ولا قوة الا بالله الله يساعدها