ادخلوا وشوفوا كيف انخدعت....!!!!هالمسكينه

nono 2008 23-04-2008 9 رد 1,289 مشاهدة
n


الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم

اسمحوا لي ان انقل لكم هذا الموضوع من شخص يريد ان يحافظ على اخواته المسلمات ...
وانا اولكن اشكره واكن له كل الاحترام وجعل الله يوفقه في حياته الجايه ....
واتركن مع الذي كشف لنا الشئ الكثير ...
ما اقول الا حسبي الله ونعم الوكيل ...
عسى ان يستفدن اخواتى .....

وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يصير بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .

هناااااك تساؤلات كثيره حبيت اطرحها...
س) هل البنت يوم تتعرف على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يتزوجها!!

وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية

س) زين ليش الشاب يوهم البنت بالزواج ويعيشها في عالم الحب؟؟؟
لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويتزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.


س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل ***الشباب***؟

ملاحظة: هذا السبب الي ضيع الكثير من البنات هذي الثقة لشخص غريب محرّم عليهم.

هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافعن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب ونظر الناس) على أمل الوعد بالزواج، وللأسف والله الكثير من البنات اللي خدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدقة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.


والكثير من البنات اللي الي مشن بهالطريق ما تنصح صديقاتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.

س) وهل من المعقول ان واحد يبروح عند اهله ويقولهم انا أريد اتزوج وحدة تعرفت عليها أو شفتها في مكان وعجبتني وابغي اتزوجها؟؟

أكيد أهل الولد ما يرضون بيقولون تبغي تتزوج وحده ما أدري من وين محصلها أو متعرف عليها أو يقولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون الينت اللي متعرف عليها يأنها تريد تخدع الولد، وتريد ترمي بلاها على الولد... الخ.


س) وش تفكير الشباب ورايهم يوم يعرفون انه واحد متعرف على وحدة ؟؟

والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يقولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.

والله زين ( ***لا اختك ولا حرمتك ولا من اهلك ولاتقرب لك***)!!!!!.

وهذي بعض الدلإئل والإشارات التي تدل على الواحد ما يتزوج وحدة متعرف عليها من قبل!!؟ إذا البنت صدقت الشاب، وطلعت معاه، وعطته الي يبيه، واختلى بها او يعني صار بينهم شيء غلط.

بس خلاص بعد ليش يتزوجها يوم انه حصل وحده (فري) وعطته الي يبيه ليش يتزوجها وهذا الي يبيه منها خلاص اخذه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تقول وتلح على هذا الشاب اللي خدعها انت لازم تتزوجني، بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب

وفي طريقة سهلة وبسيطة دوم يستخدمونها الشباب عشان يستدرجون البنت يجول للبنت ابغي اكلمك على التلفون او اطلع معاك عشان نتعرف على بعض اكثر ......الخ

ونصيحه اخويه للبنات
اي بنت تبغي تحافض على عمرها تحافظ على أوامر الله تعالى لين ما يكتبلها الله تعالى الزواج ودعاء الله تعالى قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم ونصيحة اقدمها لكل شخص يعاني من مشكلة مهما كانت انة يشتري ويسمع شريط اعبر عنه بأنه أكثر من روعة وهو (قرع ابواب السماء للشيخ بدر المشاري) وأرجوا من كل شخص وصلت هذي الرسالة انها ينشرها وويوزعها على كل شخص يجدر يوصله هذي الرسالة حتى لو كان غني عنها لانه يمكن يرسلها لوحدة محتاجة وحتى اللي ما تحتاج يمكن تضعف في يوم من الايام وكل انسان معرض انة يضعف او ينخدع

تقبلوا خالص تحياتي
&
يشرفني حبيبتي ان اكون اول من يرد على موضوعك

ويشكرك من كل قلبه على الكلام الرائع والنصائح الثمينه وعسى

يارب اللي يقرؤها ينتفعوا بها ................
ا
الله يعافيك ويجزاك خير
a
مشكورة حبيبتي على هذه النصائح الثمينة..
ع
جعلها الله في موازين حسناتك اختي
مشكورة
n
الله يخليكم مقصرتوا
م
جزاااكِ الله خيراً
أ
تسلمي حبيبتي والله يضعه في ميزان حسناتك
*
موضوع قمة في الروعه والمفهومية

تسلمين اختي العزيزة على هذا النقل الموفق
ا
جزاكي الله خير

والله يصلح بنات وشباب المسلمين

والتوبة التوبة قبل فواااات الاوان

لاتنزلون روس اهاليكم بتراب عشان

اولاد الحرام

خافوا الله في انفسكم

عزوا انفسكم
X