* لكل من ولدت ... شوري علي محتاجتلج *

m

miss.purple

عروس جديدة

23-04-2008 | 12:19 AM

شحالكم حبيباتي ...

هذا أول حمل لي وأنا حاليا في الأسبوع التاسع والثلاثين ... اليوم الخامس.. موعد ولادتي ان شاء الله يوم 28 من هالشهر..

في بداية هالأسبوع سوت لي الدكتورة فحص داخلي وقالت انه بعدني عالولادة وقالت لي ما أزيغ اذا شفت بقع دم أو افرازات زايدة لأن هالشي بيكون ناتج من الفحص..

ومن يومين لاحظت مادة مخاطية لونها بني تقريبا .. أعتقد تكون "العلامة" ..

واليوم أحس عندي افرازات زايدة لونها مايلة للصفار ومالها ريحة.. مع العلم اني ما أحس بتقلصات بس بشوية ألم يوم البيبي ينزل تحت .. ألم نفس نغزة السكاكيين.. :ss:

سؤالي هو هل معقولة تكون الافرازات هو السائل الأمنيوني .. وكيف أتأكد من غير لا أسير المستشفى.. تراهم وايد يلعوزون ...

وفي شي ثاني .. قالولي انه مع اقتراب الطلق .. البطن تحت يستوي يابس وما بحس وايد بحركة البيبي.. صح هالكلام ولا لأ...

وشو ممكن أسوي عشان أعجل الولادة والطلق؟

وبس ... دعواتكم..

&

【 فجـــر 】

عروس مبدعة

23-04-2008 | 12:38 AM

السلام عليكم ..

السائل مال البيبي غير عن الافرازات .. يكون سائل اكرمج الله مثل البول

يعني مو لزج .. ويكون دافي نوعاً ما

يعني غير عن الافرازت ..

وفعلا البطن يستوي يابس مع اقتراب الولاده

وحبيبتي كثري من المشي الرياضي السريع لمده لا تقل عن نص ساعه كل يوم

عشان تسهل ولادتج باذن الله ..

ولاتوقفي من ذكر الرحمن والاستغفار :)

والله يسهل عليج وعلى كل الحوامل يارب

اتمنى اكون افدتج .. واي استفسار لاتترددي

f

fayona

عروس نشيطة

23-04-2008 | 02:59 AM

تدرين ميس بيربل انج معاي تقريبا , انا الدكتورة معطيتني تاريخ 27 انشالله ولادتي .. واذكر اول ما دخلت التاسع قبل اسبوعين تقريبا قالتلي بسويلج فحص مهبلي و قالتلي نفس الكلام اذا نزل منج شي دم او ما شابه فهذا من الفحص .. بس انا الصراحة ما خليتها تفحصني خفت من اول ما بغت تحط ايدها :tongue: انحشت ..

ونصيحتي لج حبيبتي انج تروحين الطبيب باسرع وقت ما تدرين يمكن تكون صج علامة من علامات الولادة بعدين تتحسفين , لان كل وحدة تختلف عنده درجة قرة العلامات عن غيرها :)

p

petooo

مشرفة سابقة

23-04-2008 | 03:44 AM

الافرازات تيجي قبل الولاده بكم يوم وتكون دليل على اقتراب موعد الولاده انشالله
بس اذا افرازات بها دم بيجي الطلق بعدها مباشره وقتها لازم تروحين المستشفى لانه معناها بتولدين انا صارلي كده بولادتي الاولى والله يسهل علينا جميعا(f)

m

miss.purple

عروس جديدة

23-04-2008 | 09:38 PM

ملاك قطر ... تسلميييين حبيبتي عالرد ... ريحتيني والله ... بس بعدني مب عارفة أميز .. باجر ان شاء سايرة المستشفى عشان يسوولي CTG (دقات القلب مال البيبي) وبشوف اذا قدرت أرمس الدكتورة... وبعدين الي مريحني انه الافرازات مب وايد وايد بس مزعجة..

fayona ... اللللله وناااااااااسة حد وياي.... خلاص بنشوف منو بيربي قبل... انتي بعد أول حمل ولا؟ واااايد حلو جي... انزين ما تحسين بأي آلام أو علامات ولادة ... طمنيني عليج أول بأول ...

بيتووو... مافي دم بس افرازات نوعا ما صفرا والدكتورة كانت مسوتيلي مسح مهبلي عشان الالتهابات وما كان فيه شي الحمدلله... عسب جي أنا محتارة.... بس ان شاء الله مثل ما تقولين وتقرب الولادة لأنه صدق تعبت....

ريووولي استغفر الله صايرات نفس البالونات .. ومب عارفة أمشي عليهن ... يعورن... قالولي المشي يساعد بس ماشي فايدة... الي أعرفه انه يوم بربي بيخوز الانتفاخ... صح؟

m

miss.purple

عروس جديدة

23-04-2008 | 09:42 PM

* > {فديتكن والله }< *

ت

تماظر

عروس مبدعة

23-04-2008 | 09:47 PM

اختي لاتحاتين عموما بكريه طول ممكن تعدين شهرج اسبوع وتولدين

واهم شي عليج المشي واشربي حليب بزنجبيل

m

miss.purple

عروس جديدة

23-04-2008 | 09:50 PM

عزيزتي تماضر ... مشكورة عالرد... بس حبيت أسأل .. الحليب بالزنجبيل أشربه في أي وقت من اليوم ولا أتريا الطلق؟ وهل الحليب بالزنجبيل يعجل الولادة؟؟

مشكورة ع اهتمامج D:

e

endless hope

عروس رائعة

23-04-2008 | 11:46 PM

مس بيربل،، السائل الامنيوسي اذا نزل بتحسين كانج سوينها على عمرج سوري عالتشبيه بس علشان تفهمين وبيكون دافي هو احساس غريب بتعرفين انه هذا هو الماي،، ومن تجربتي بطني كان ييبس يعني البيبي كان يتيمع في جهه وحده،،

ونصايحي لج:

1- اكلي تمر واشربي حليب يوميا صبح ومسا للطاقه
2- امشي مشي سريع

والله يسهل عليج