بنات البحريــن !( عبايه)

السلام عليكم و رحمة الله تعالى و بركاته،

حي الله أهل قطر .. شوفي حبيبتي عندج مكانين رئيسيين شارع سوق المحرق و شارع سوق البوكوارة .. أحسن شي إنج تاخذين الشارعين من أولهم إلى نهايتهم و تفترين على محلات العبي و إن شاء الله تحصلين إللي تبينه .. المحلات مختلفة و أذواقها مختلفة .. أنا مجربة سديم (المحرق) و دنيا (بوكوارة) الصراحة أحسن كواليتي .. ما يختربون غالباً و أقمشتهم زينه و خياطهم وايد مرتب .. جربت بعد الخيار الأول (بوكوارة) عنده موديلات حلوة و بعضها غريبة و بعضها من النوع إللي مليان تطريز و شك ذوقهم حلو و خياطهم مرتب بس قماش الشيلة ما عجبني و غير هذا تمللت من زود ما الفصوص (السواروفسكي) يطيحون و أوديها يعدلونها و ترجع تطيح ... و يمكن أنا من زمان ما غيرت عن دنيا فخبرتي بأضل المحلات حالياً مو كبيرة بس غالياً هي موجودة في الشارعين إللي ذكرتهم ...

بالنسبة للجزيرة فخبري فيهم من زمان من قبل أكثر من خمس سنوات .. كانت موديلاتهم حلوة و كنت مدمنة على محلهم بس الصراحة الشك كان يطيح و أقمشتهم ما كانت ذاك الزود .. بس يمكن ألحين تغيرو ما أدري؟؟

قد أكون أميرته !;5804731:

سلام عليكم ،،

شلونكم يا شعب البحرين الأبي :shiny:

بنوتــــــــــات
حدني محتارة ..

آبي آسوي لي عبايـة ومو عارفة شلون آسويها .. :schmoll::schmoll:
و إذا أحد يعرف أماكن تسوي مرتب وأسعارها تكون معقولة ..

:
.
فديتكم لا تطنشوني :BYE2: ..

محل كراميلا وشيلاتي في محرق وايد زيننين

بنت البدووووووو;7209044:
بنات البحرين حبيباتي :

ياريت تفيدونا أكثر عن محلاتكم واللي تسوي الشي الغريب وخصوصا للعيد ..

أنا مايهمني السعر أبي عباياتي تكون غريبه وحلوة وكشششششششششخه هذا أهم شي ..

أنا من قطر وابي شي راقي ..لاني ناويه أجيكم بإذن واحد أحد ..

والمشكلة أشوف مناطقكم بعيده عن بعض ..

اتمنى تعطونا اسماء المحلات وأين تقع .؟؟

يا هلا وغلا فيج في ديرتج الثانيه تنورينا :D

عن محلات العبايات عندنا واييييييد محلات وطبعا الاسعار تختلف من مكان لمكان


واذا تبين شي مميز وحلو وراقي عندج هالمحلات

محل اسمه حلاتى يصير في عراد بالضبط عند الدكاكين الى بمحطه البترول عباياتهم حلوه وكلا تطريز ونقش وحركات وكرستال واسعارهم شوى اغلي من غيرهم

وعندج محل اسمه زمرم بمجمع السيف عباياتهم روعه وخصوصا الى فيها كرستال كرستال اصلي 100% يلمع لج كانه الماس بلاحظين الفرق بينه وبين كرستالات المحلات العبي الثانيه وعباياتهم فخمه من قلب تصلح اكثر شي لحفلات واعراس

وعندج محل اسمه عبايات الجنادريه وشيلاتى والسديم بسوق المحرق عندهم شغلات ما تلاقينها محلات العبي الثانيه

وعندج عبايات الفيروزه يصير بالخارطه بعد ماكذونالز ويم يم تري نفس الشارع بس تمشين سيدا شوي جدام وبعد عندهم شغلات وايد مميزه عن غيرهم

وعندج عبايات الخدر بتلاقين بالمحل حرمه بحرينيه المحل لها وذوقها وايد حلووووووووو كذا مره اروح المحل ويكون فيه حريم خليجين يفصلون عندهاا عندها شغلات مميزه بس بمحلها والمحل تلاقينه بسوق واقف بمدينه حمد الدوار الاول اول ما تدشين السوق ثانى لفه على يدج اليمين المحل

بنات البحرين ماقصرو ادا لج طلب ثاني مايردج الا الكيبورد

يعطيكم العافيه

ومنكم نستفيد :)

السلام عليكم ورحمة الله وبركاته خواتي
بصراحه انه رحت محل عبايات الهوانم اللي في مدينة عيسى اللي خبرتكم عنه
احترت شاسوي من زود العبايات الروعه
وماطلعت من المحل الا وانه مفصله 3 عبايات
العبايه الاولى فيها شغل كروشيه
والعبايه الثانيه فيها شغل تطريز مع كرستال
والعبايه الثالثه فيها شغل شك
وكل وحده احلى من الثانيه
والاسعار مناسبه على هذا الشغل اغلى وحده ب 65 دينار

انا الصراحة من المدينة او ما انصحج كله غالي او مب حلو روحي المحرق احسن لج او اتحصلين اهناك اشكال وانواع

عندج مثلا حنيف رخيص او حلو بس ما عنده اشكال وايد بس ايسوي حلو
السديم
بنت الطواش او غيرة البنات ما قصروا

يا بنات البحرين او اي وحده مخيطه بالبحرين ياليت تحطون لنا صور نشوف بليز ياليت عندها موديل حلو طرشلي ع خاص والي يعافيكم

انصحج بسوق المحرق وايد روعه وواييد شغلات حلوة عندهم

تقبلي مروري

موضوع وسؤال مفيد جدا صراااحه لان انا بعد كل احتاار وين اسوي لي دفااف وكل ما يعجبني