اختي ام شجاع
من علامات انه الطفل ممكن يبدي ياكل هو انه يحب الأكل بالملعقه
إذا بنتك ما تريد تاكل عادي
انتي دايما حاولي
و لو كلت لقمه واحده و ما رضت الثانيه عادي حاولي بعد نص ساعه او ساعه مثلا
و تطمني بتاكل ان شاء الله في اطفال يحبوا الأكل و بعد كم مره يكرهوه و ما يحطو و لا لقمة في بوزهم
الله يحفظهم جميعا
المهم انك تظلي تحاولي و لا تتوتري هي تحس بتوترك
هذا الشيء طبيعي الطفل لما تاكليه ما يعرف كيف يبلع تشوفي شيء في فمه والباقي يطيحه
واشوي اشوي وتعرف للاكل
الحليب انشاء الله الاخوات يفيدونك
لا تيأسين وعوديهااااا بالملعقه وراح تتعود
ترى الطفل كل شي على التعويد
مو انا اخاف انها ما تاخذ كفايتها من الاكل وخصوصا وزنها ناقص
حبيبتي وكليها بايدك بالبداية و شوي شوي بالملعقة راح تتعود
و عن الحليب استمري بعد كم يوم اذا استمرت الحساسية بدلي
بالتوفيق
يوووووووه يا ام شجااااااااااااع
انا تعبت بولدي الاخير تخبللللللللللللللت..
لين ما تعود على الملعقة
والحمد لله الحين اوكي ماشي الحال بس احيانا يغصص فيني
يعني اصبري حبيبتي
ان شاء الله بتتعود انتي خلج على طول اكليها بالملعقه بالبدايه بتلوع جبدها شوي شوي بتاكل ولدي اذاني من اربع شهور لي ماوصل ست شهور مايبي الاكل وكله في الرضاعه بس بعد ماخلص السادس صار ياكل عادي اهم شي لاتغصبينها
اي والله يا فاطمة ان شاء الله تتقبل وايد احس نفسي مو مسيطرة على الموضوع
اليوم اكلتها بايدي مثل ما قالت ابرار ويعني شوي مشى الموضوع
انا بنتي داخلة على السنة ... وتاكل بالملعقة عادي ... بس ما تحبها ... يعني بسرعة تتملل وتبطل اكل ... وبس لما اوكلها بايدي ... احسها تاكل احسن يعني تعضض فيني شوية وتاكل شوية
الخلاصة حبوبة ... نوعي في التاكيل ... مرات بيدك ومرات بالملعقة
كريم متى بنتك تعودت على الاكل عادي مثل الكبار؟؟؟
جربي تعطينها الاكل في المرضاعة اللي فيها
ملعقة من بيجون تحصلينها
انا ولدي ابتديت معاه هلون لين ماتعود
الموضوع أختيأم شجاع يباله صبر وطولة بال منك وعد يأس مع تكرار المحاولة دائما ..
شوفي نوع الملعقة اللي عندك يمكن حجمها كبير أو صغير بزيادة بحيث إنها تتفاجأ بحجم اللقمة أو العكس ما تشبعها الصغيرة وهاي إنتي الوحيدة اللي تقدري تحدديه ..
وبعدين إسمحي لي أختي في هالكلام اللي بقوله وممكن وايدات حريم راح يعلقن على هالشي ..
هاي نتيجة التأخير في تأكيل الطفل صار يستغرب كل شي يعني إنتي عودتيها بس ع الرضاعة والحين تنشد عنها أكثر من الملعقة ما تلوميها إذا شفتي تقبلها للأكل عن طريقها صعبة .. يعني ع الأقل لو كنتي بديتي معاها قبل الست شهور بشوي فواكه وبالملعقة تاكلهم أو خضار خفيفة ما راح يأثر بإذن الله ..
المسألة وما فيها عند بنتك هي سالفة تعود ، لين الحين ما تعودت على الملعقة وعشان كذا طولي بالك شوي وعسى خير يا رب .. طمنينا عليها ..
ام حمودي عندي هاي الرضاعة بس نجودة مو متقبلة الملعقة مالتها صرت استخدم لها ملعقة الشاي
ام المهند صدقتي يا اختي