أخباركم عرايسنا ..؟
قبل لاعرض لكم الجزء الثاني من تجهيز العروس للحفلة والا وهو الفستان خلوني أتكلم شوي عن المكياج ..؟
أول شي لاتخلين حبج للمكياج يسيطر عليج ...
سواء من خفتة أوثقلاته لازم تعرفين ان الناس أذواق وبالعرس راح يكون الحظور أقل
لاشخاص بحدود 200 شخص وبشوف العروس من مكياجها ونقطة اساس العروس فلازم عروستا قبل ما تختارين خبيرة التجميل اللي بترسمج بيوم العرس تروحين بنفسج تشوفين شتحط وما تحط ...
((مكياجج لايصير ألوان قواش على عينج ))
ولاتحطين في بالج ابد ان عيونج نفس
عين الممثلة الفلانية او ان (م) حطت المكياج عندها وطلعت روعة لا لان كل وحدة لها رسمة عين تميزها عن الثانية وكل رسمة حاجب تختلف عن الثانية رووحي انتي شوفي شغلها أكثر ممن مرة قبل لا تقررين لان هذي ليلة العمر لازم تطلغعين بأحلى حلى ...
نصيحة لاتكثرين المكياج باليوم هذا حطي بالقدر المعقول ولاتزيد الالوان بالعيون عشان ماتصيرين من ضحايا المكياج لان باليوم هذا الكل راح يحكم عليج واول الشي المكياج لاتخلينا طبقات خلج نعومة بالرسمة سحبي رسمة العين بالقدر المعقول ووتكون سحبة العين لي برة تكون خفيفة مو قوية لاتخلين فتحات الكحل بالعين وايد اذا تحبين الفتحة خليها بمكان واحد مو اكثر من مكان ولاتزدين الزري القلتر ....
حطي في بالج ريلج بشوفج ويقعد يمج خلي يعرف ان انتي اللي محلية المكياج وريال مايحب خرابيط المكياج ..
ولا تخلين ريلج ينفر من حلاة المكياج باليوم هذا
((انتي عروس لاتصيرين مهرجة بيوم عرسج ))
لا تزيدين البلاشر ع الخدود عشان مايصير كأنة في من عورج كوني احلى عروس بالمكياج حلي المكياج عروسي ولاتسعين للتغير باليوم هذا بالمكياج لا انتي حاولي تنزلين من وزنج غيبي عن الاعين لمدة أسبوعين أو أكثر رتبي حواجبج رتبي نفسج وصدقني راح يكون التغيير طبيعي باليوم هذا مو صناعي ...مابي أقارن بينا أحنا العرب والاجانب بس شوفي عروستكم حلاتها بالخفيف لان التسريحة والطرحة اهي تغير ولا تحطين أكثر من أكسسوار ع الراس لانة ابدا مو حلو ..
ويا خواتي لاتزعلون من صراحتي لكم عن المكياج لان حلاة مكياج العروس يكون كلاسيك مو موضة مكياج يدية مثل الفنتازيا ولا تكثرين من الوان ولا تعتمدي الألوان الترابية ولا الألوان الفاقعة
الألوان الترابية تكتم الوجه وماتناسب العروس
والالوان الفاقعة ماتخلي فستانج يبين تصير الناس تطالع وجهج ومو عارفة تركز على وين وماتناسب العروسة
استخدمي الالوان الهادئة اللي تناسب العروس (الوردي - اللؤلؤي - العاجي - البنفسجي - الزهري -البصلي وخليها توضح لج الكحلة )
الحين اقدر انزل لكم الفساتين ..
