نداء للأخت uae-moon 44 (ام سهيل)

احنا عيال البطه السودا ما استلمنا ولا حد راضي يرد علينا لا على اتصال ولا على مسج

يا بنات لا تنسون أنه أم سهيل مؤسسة فردية مب شركة ..

و بس عليها أنها قادرة على التعامل مع هالعدد الكبير من المستثمرات عندها...

و لا تنسون أنها حرمه عندها ريل و عيال و مسئولية بيت...

و ما عندها حد يساعدها و يشتغل وياها غير أختنا عيون..

أنا من اللي ما استلموا أرباحهم هالشهر .. صح أني قلقة شوي لأن البيزات مب بيزاتي بروحي .. و لكني مطمنه لأني أتعامل ويا ناس ثقة عرفتهم من معاملتهم...

فاعذروهم محد يعلم الظروف غير الله سبحانه و تعالى...و ادعو الله ييسر أمورهم...

و قولوا يزاهم الله خير أنهم مستثمرين لنا فلوسنا و نحن مرتاحين....

السلام عليكم ورحمة الله وبركاتة

اخواتي العزيزات لا تكبرون الموضوع ... وانشالله المانع خير

خاصة ان في بنات استلموا ارباحهم كاملة ولله الحمد

قد يكون الباقيات معلوماتهم غير كاملة عند اختنا الغالية ام سهيل

بعدين بنات احمل اخاك المؤمن على سبعين محمل خير .. والاخت ام سهيل ما قصرت مع الكثيرات طوال الشهور الماضية .

وندري كلنا ان عليها ضغط شديد الله يكون بعونها

انا معاكم فقط في ان المفروض يكون لنا باب للتواصل معها .. واعتقد ما تأزم الأمر الا من يوم اغلق هذا الباب (باب التواصل) لابد من صفحة نتواصل فيها ولابد ايضآ يكون فيه اخت تتكفل بالرد على استفسارتنا لراحة الجميع فقط لا غير.

وعمومآ بنات انا اقترح ان يكون في شبه احصاء لاعداد البنات اللي استلموا واللي ما استلموا

يعني اللي حابة مثلا ترد على هالأسألة حتى تتضح الصورة وبعد يصير دليل لاختنا الغالية ام سهيل تعرف منه اللي استلمت واللي ما استلمت.

مثال

متى اول مرة اشتركتي مع اختنا ام سهيل ؟؟

هل استلمتي ارباح من قبل ؟؟ كم شهر تقريبآ ؟؟

متى اخر ربح استلمتية ؟؟

هل استلمتي ارباح هاذي السنة عن شهر 1 او 2 او 3 ؟؟

كم راس مالك مع اختنا ؟؟؟ هذا السؤال اختياري اللي ما تبي ترد عليه لا ترد

هل عندك اي معلومة عن ارباح شهر 4 بعض البنات يقولون ما في ارباح ؟؟؟

هاذي مجرد كم سؤال حول تسليم الارباح اللي تبي ترد اوكي حتى ينحصر الموضوع ونعرف اذا الاكثرية استلموا او لا .

ونتمنى من الاخوات الكريمات عيون ومون انهم يردون ويطمنون البنات وجزاهم الله الف خير

ويسامحونا على اي شيء لان كلنا خوات بالاول وبالاخر .

...

صح ما كبر الموضوع الا لما اغلق باب التواصل بينا وبينها وزاد الطين بله عدم ردها على الاتصال ولا على المسجات مع العلم انها ترد على المشاركات الجدد ووقت زياده راس المال بس لما نطلب ارباحنا محد يرد !!!

صدقج والله اكيد عندها ظرووووووووف ولا مابتتأخر علينا ..هي وحده موب عشره ...ومثل ماوقفت وياكم وقفوا وياها

وبصراحه الحق ينقال وانا مرتاحه لام سهيل واااااااااااااااااايد والحمدلله حتى مجرد تفكيرررر مافكرت انها تسوي الي في بالكم يعني الي تفكرون فيه وعيون بعد كلموها مابتقصر وياكم وقدروا ظروفهم عندهم بيت وعيال والتزامات والشغل موب سهل ...والي يحترم نفسه الناس بتحترمه وحرااااااااااااااااام تحطون في ذمتكم الحرمه محترمه وصار لها أكثر من سنه لو كانت تبغي اطنشكم جان طنشتكم من زمان....


والسموحه ما اقصد اني اغثكم بالكلام بس مثل ماقلت الحق ينقال...والي له حق بياخذه بدون هذا كله...

بحفظ الرحمن

بسم الله الرحمن الرحيم
شو صار وشو مستوي عندكن؟؟؟؟
عنبوه تاخرت شهر وشهرين كلتن الدنيا
خذوها بالعقل خواتي
المشاركات القداما من 9-8-7 شهور
يستلمن اربلحهن شهريا صح والا لا؟؟؟؟؟
ويعني راس المال الي حطنه اساسا استلمنه من الارباح.
والحرمه الله يحفظها ماعليها اي شبه
هذي مب وافده بتشل بيزاتكن وبتشرد
هذي بنت البلاد ومن اصل وفصل

كل انسان وعنده ظرووووفه
اصبرن خواتي جزاكن الله خير
انشالله قبل لا يخلص شهر 4 بتكونن استلمتن ارباحكن
بس عطوها فرصه شوي تاخذ نفس
ترى المشاركات مب وحده او ثنتين؟؟؟المشاركات بالهبل عندها
وبعد لين الحين في ناس تتمنى تشارك مع ام سهيل
خذوا الامور برويه وسعة صدر
والله يجدم الي فيه الخير

بنات رجاءاً لا ينكتب اي رد بعد ردي هذا .. انا مافتحت الموضوع للشكاوي

الي بتوصل لام سهيل شي تراسلها وتكتبلها وش تبي

انا فتحت الموضوع نداااااء لها فقط ومشكورين

رجاء من المشرفات حذفه