أميرة * A *;6228846:
جربت مرتين في البيت بس ما طلع الجلد الميت
اذا ممكن توضحي لنا الطريقة بالضبط ؟؟
هلا حبيبتي شوفي انا طريقتي فالمغربي بسيطة جدا
اول حاجة تجهزي العدة خخخخ (صابون مغربي - ليفة مغربية الخشنة - زيت زيتون - اي خلطة تحبيها )
تدخلي الحمام الله يعزك وتسكري البانيوم وتفتحي الماي الساخن وتسكري كل الفتحات اللي فالحمام ولا تفتحي المروحة لأن البخار بيروح ، بعدين لما تشوفي البخار تكون فالحمام ادخلي فالبانيوم واجلسي فالماي الساخن او الدافئ عشان ما تحرقي نفسك اجلسي 10 دقايق واطلعي وحطي الصابون المغربي عالجسم كامل انا فهالفترة اخلي الماي الساخن يصب عشان البخار ما يخف واسوي لشعري حمام زيت بعد ما اغسله بالشامبو ، واجلسي بالصابون لفترة وبعدين اشطفي جسمك وهاتي الليفة انا افضل ما اغسلها عشان تكون جافة واكثر تشيل الجلد الميت وكذا تدلكي كل جسمك بالليفة بتحسي يطلع الجلد الميت وركزي ع المناطق الغامقة وهيك لين تخلصي ، وشطفي جسمك مرة وبعدين حطي اي خلطة أو ممكن تستغني عن هاي الخطوة انا احط (دقيق الحمص - عسل - ماء ورد - ليمون ) وتنتظري شوي واغسلي الخلطة وبعدين حطي زيت الزيتون بدون ما تنشفي جسمك يعني جسمك يكون رطب ، انا بعد ما اخلص ابخر جسمي عشان ريحتي تكون مرة . وبس