حبيباتــي اتمنى اسمـع نصيحتكــم بـشيء ضـروري ...
أنا حفلة الحنه والزهبة بسويها في نفس اليوم اللي هو تاريخ 19 / 8 يوم الثلاثاء
لأن العرس تاريخ 21 / 8 يوم الخميس
وطبـعا اتفقنـا انا وامـي وخواتي ان مااودي اغراضي عمان قبل العرس
لأن حابين نسوي حفلة الزهبـة ...
وقلنـا بعد حفلة الزهبة ببدأ ارتب اغراضي في الشنط
علشان اخذها وياي في ثاني يوم العرس لما اروح عمان
طبعا بيحتاج لي اكثر عن سيارة علشان هالشنط والاغراض :confused:
وهاليوم بيكون يوم الجمعـه واتوقع اذا طلعنا من بوظبي بعد الغدا بيكون الساعه 4 او 5
الين مااودع امي وحبايبي كلهم ( الله يعين ع الصياح ذاك اليوم :( هههههههه )
واتوقع بنوصل عمان بالليل :(
وتخيلوا بيكون تعب من الخااااااطر
تعب العرس وبعدها تعب المشوار
فكرت اروح بالطيارة بس ريلي مايقدر لازم يرافق اهله بالسيارة
ولأنه ياي بسيارته فشي اكيد بيرجع فيها
المهم امي قالت لي بتسوي لي شنطة صغيرة حق الاغراض اللي احتاجها لمدة اسبوع
علشان ارتاح اول مااوصل عمان وماارتب اغراضي الا على يوم الخميس والجمعه يعني عالويكند اللي بعد العرس ...
فهـل تشوفون هالشي صحيح ومافيه اي شي ؟؟
ولا من رايكم اني اسوي الزهبة قبل العرس بأسبوع واخليهم يودون اغراضي ويرتبونها ؟
مع ان امي ضد هالفكرة لأنها ماتبي غيري يشوف ملابسي واشياءي :ss:وتباني انا بنفسي ارتبهم
الله يعين زوجي ذاك اليوم ،، انا بطلع الملابس من الشنط وهو يحطهم في الكبت هههههههههه
بس يالله الحياة من بدايتها مشاركة :D
أتمنى اسمع رايكم في اذا كان الشي اللي بسويه صح او لا :(
moon2008;6160359:
هلا حبيبتي كيفك مع التجهيزات ؟
رحت محل سبلاش بعد خذيت تنورات وبنطلونات وقمصان طويلة عشان السفر
امس مريت جنب الملابس بس ما خذيت شي ما حصلت شي عجبني وزوجي خذله كم لبسه
حتى النعل مسويلهم تخفيضات وخذيتلي بوت .
انا تقريبا خلصت كل شي باقي المخورات ابي اروح البريمي ومستكاوده
هلا فيـج حـياتو ..
ممكن اعرف متى عرسـج يا احلى عروس .. :)
انا عن نفسي خلصت كل شي والحمدلله
باقي لي بس الميك اب + بعض الملابس الداخلية + اشياء للحمام مثل الشامبوهات والصوابين
والكريمات ،، هذي قلت بعدين اخذها
وباقي شيل البيت للحين ماشريتهم ... وباقي ازيد كم شي من الذهب مثل الخواتم والاسوارات
( اذا كان باقي لي فلوس )
لكن الحمدلله خلصت اهم الاشياء الكبيرة اللي لازم اشتريها في البدايه علشان الميزانيه
مثل
- الذهب
- العبي
- المخورات والجلابيات وملابس البيت
- المسكة وفستان العرس واكسسوارات الفستان
- فستان الحنه واكسسواراته
- فستان الصباحية
- الملابس الداخلية وملابس النوم
- التنانير والقمصان وباقي ملابس الطلعات
- الشنط والنعل والشباصات والاكسسوارات
وغيرها اشياء مااتذكرها هههههههههههه كل هالاغراض في غرفة امي وغرفتي
مسكينه امي بروحها غرفتها صغيرة :( هههههههههه
البريمي سمعت ان مخوراتهم حلوة واسعارهم حلوة
بس تصدقين انا كل مااروح البريمي مايفصلون لي عدل :(
ولازم القى شي مخترب /// ماادري اذا تعرفون خياط زين هناك بليز قولوا لي :)
انا عن نفسي مخوراتي فصلتهم من الشارقة وعجمان
في مركز سارة في عجمان ، عنده مخورات تجنن ،، كلها كرستالات وفصوص كبار
وبأسعار تترواح بين الـ 200 - 350 درهم بس شي حلو ويستاهل ...
وباقي المخورات العادية فصلتهم من بوظبي ...
فأحسن لج تروحين الحين اذا عرسج قريب
لأن انا عن نفسي بصعوبة القى الموديل اللي يعجبني
فشغلة المخورات تاخذ وقت :)
والله يوفقج ويعينج حياتي :)
غدووورة;6152705:
هلا حبيبتي
موجوده في سيتي سنتر الطابق الاول فوق
جربي من عندهم كريم اللوز للجسم ريحته رهيييييييييييييبة
انا اشتريته من استراليا قبل ما يفتح المحل عندنا
وبعد انصحكم تجربون مجموعه الشاي الاخضر من عندهم
العطر وكريم الجسم وغيره ،، ريحته وااايد حلوووووة
ومجموعة البرتقال بعد
بصراحة المحل رهيييييب ...
وفيه عطور وكريمات بروائح ماقد وجدتها بمحلات ثانيه
اللي تبي تشتري كريمات للجسم والعطور
ومعطرات الجو ،، او حتى مرطبات الشفايف تروح هالمحـل .. ( لوكستيان )
واذا تبين هدية متميزة بعد أكيد راح تجدين هناك :)