اخت زوجي الجزء الثاني .. لا حول ولا قوة الا بالله

تقول تبغى اذا ماتزوجته راح تنتحر تشوف لحين وش تسوي ومنو لي يربي هذا الطفل الصغير صدقتي الحب ماهو كافي لاستقرار بالحياة الزوجية
بس شقول خلص الكلام والنهاية واضحة وياريت تكون اخدت الدرس جيد

ام جنى لك وحشه والله ماعاد شفت من زمان يمكن عشان ماادخل لهذ الركن كثير

فعلاااااااااا
الحب حتى لو كان جنوني ونمى في جو غير مناسب وقام على ارض غير صلبه نهايته انه يتبخر
ويزول بالذات اذا كان في فتره مابعد المراهقه يكون مبالغ فيه ومع الوقت يتغير شعور الانسان
ويتطور تفكيره وتتبدل مشاعره
اتمنى هالموضوع يستفيدون منه بنات عروس الصغار علشان يفهمون هالشي
تحياتي

من جد عالم غريب

الله يعينها خليها تفكر بنفسها وولدها

وانتي خففي عليها

صح غلطت بس خلاص هيا عرفت غلطها وكل الناس تغلط

الله يعينها بس الذنب ذنب امها وابوها شلوون يرموون بنتهم هالرميه يكفي انه ولد زنا والعشره تهووون على ولد الحرام مثل ما يقولون

هي بعده صغيره ومو حاسه بالي صادها اذا كبرت رااح تعض اصابعها ندم

اعوذ بالله!!!

شو هالقصة؟؟؟؟؟


لا حول ولاقوة الا بالله

[GRADE="00008B FF6347 008000 4B0082"]
يا حرام الله يصبرها
ويعين هذا الطفل المسكين على ما بلاه
هو اللي الواحد يحزن عليه
هذا كله بسبب تهور الاهل وتسرعهم
يالطيف
الله يعينهم
[/GRADE]

السلام عليكم ورحمه الله وبركاته ..

اخواتي .. كلكم مشكورين على ردودكم ...

الجوكره ,, والله انتي لج وحشه حبيبتي .... بس انا افتر على كل الاركان ... انتي يمكن ما تدخلين المنتدى وايد ,, انا يوميا من الصبح لين العصر هني ... ( على اساس دوامي )

عموما .. انا اشكر تفاعلكم ... والله انا نزلت الموضوع للعبره اولا .. وعشان تعرفون تكمله القصه ثانيا .. ليــــــــــــــــــش,, لان مااحب اخلي موضوع معلق ونهايته غير معلومه ....

عموما هي رفعت عليه الحين 3 قضايا حسب علمي .. اول قضيه نفقه مستعجله . ثانيا شبكتها الي باعها ... وثالثا الحضانه .... لان ما تبيه ياخذ الولد منها ..

يا بنات ... مو بس هي قاعده تعض على اصابع الندم هي الصراحه ماتنام من القهر ... القهر ان ما ينكر ان يخونها ... بالاول كان يخبي ,, الحين لا .. وثانيا هي كانت قاعده ببيت اهلها لان هو طاردها .. وهي من الخوف ما تكلمت .. امس وصلت هلالكلام لزوجي وقلت له ,,

يقول مهما كان لازم كانت تتكلم ان طردها عشان نعرف نحل الموضوع صح مو تسكت .. صح هي ياهل ومراهقه... وانا عيزت وانا انصح ...

حتى الي تقول ان المفروض الخطوبه تصير وبعدين .زواج ,,, مو هذا الي صار اول شي قالو خطوبه .. واول ما ملكو ..طالب فيها بأسبوع .. وهي اصرت تروح معاه ... مع ان اهلها حاولو يقنعونها انها ما تروح .. هي ارخصت بنفسها بالبدايه . لمن رضت تروح معاه البيت .. في فتره الخطوبه .. حتى عرس ما سوت .. لا سفر ولا شي ...

يعني يا بنات الي قاعدين في علاقه محرمه .. اي شي يبتدي حـــــــــــــــــــــــــــــرام والله ان الله لا يبارك فيه ... واي شي من ورا الاهل وبدون رضاهم والله ان ما يتبارك ....
الزواج اكبر من الحب ,,, ليش يقولون ان الحب بعد الزواج .. لان التضحيات والتفاهم ,, الصبر والتعاون والعشره هو الي يخلق الحب ...

بركه الاهل وموافقتهم شي مهم ,,, والله مهم ... والي تقول اهلي يرفضون .. وانا اكبر في العمر .. معلش تحملي .. الله بيحاسبهم ,, لكن لا تصرين على شي هم مب راضين فيه .. حتى لو تحسين انهم هم الغلط وانتي الصح ...

الله يهون عليها .. وانا ما بتركها ... وبظل معاها ,, هي متحاجتني .. وانا مارحت لها االا لمن طلبت اني اوقف معاها ..

تحياتي
ام جنى

الله يصبرها
ويبارك فيك ماشاءالله عليك، ونعم فيك

ايه حياتي خليك قريبه منها ولك الاجر
الله يوفقك

اختي حرام تنلام بهالطريقة، هي كانت صغيرة وغلطت المفروض ما يخلونها تعيش طول عمرها مع غلطتها، وخاصة زوجج، دام كان يحبها اكثر واحد خليه يرجع يحبها مثل الاول، البنت توها صغيرة والله حرام تضيعونها بهالسهوله، المفروض اهلها يعرفون ان اللي صار قدر من رب العالمين ومحد يقدر يرد القدر! فليش يسوون هالدوشة!! نفس سالفة وحدة تجننت من زوجها وتبي تتطلق بس خايفة من كلام الناس، واخوها دوم يلومها انا قلت لج من قبل وانا حذرتج، الواحد ما يتم يلوم بهالطريقة!! كفاية اللي هم حاسين فيه الحين... الله يعينها ويعوضها خير، والحمد لله انها تطلقت منه، والا شتبي هي من هالعيلة، والواحد لازم يمر بتجارب علشان يفهم الحياة، والله ييسر لها طريج الخير ويهديها، واسفة حبيبتي على الاطالة بس واللي يعافيج حاولي تساعدينها وتشيلين عنها بعض الهم، وشجعيها تكمل دراستها وانتي اهتمي بولدها وهي محد وخلي الخادمة تساعدج فيه، بتؤجرين عليه ان شاء الله

مرحبا اختي ام عبدالله شلونج ..

على فكره عجبني طارد السموم الياباني بس انتي بقطر ..

بالنسبه لردج اختي ... صح المفروض ما تنلام .. بس تدريمن الحره .. ما تدرين زوجي قعد يصيح دم ليله ملجتها .. كان بيموت علي من الصياح انهار اول مره في حياتي اشوفه يبجي جذي ...

بس صدقيني محد بيوقف معاها وقت الجد الا هو .. وانا ادري فيه .... لسان .. بس قلبه طيب ...عموما بالنسبه لاهلها كلهم الحين واقفين معاها .. بس ما يخلى من العتب و اللوم .
هي عارفه غلطتها ,,,, بالنسبه لي مممممممممممممم

بسوي لها مفاجأه اخر الشهر .. بوديها سبا .. المرديان ..بغيرها 180 درجه وبغير نفسيتها بخليها ..تنسى كل شي .... ولدها . لا توصين حريص .. هذا ولدي الثاني ... ولا تخافين .. ما بيضيع .. على الاقل هو بين عيله محترمه ,,, وعارفه الله ...

تحياتي ,, والله ..ماطلب منكم غير ان الله يمسح على قلبها ويهون عليها ..

ام جنى

مسكينة حتى شبكتها باعها وليش هي سكت للحين كان المفروض تتكلم قبل ماالمشكلة تتعقد اكثر بس لحين ماعندها حل
الله يصبرها
وان شاء الله المحكمة تقدر تسوي لها شي وماتطول الاجراءات بزاف

ممكن زوجك يكلمه ويتفاهم معاي بالعقل ولالا الا اقولك اصلا هذا مااظن لسه معاه كلام وامه وش تقول كلمتكم ولالا هي خالتها صح

اختي الجوكره .. اهلين بيكي

اختي زوجي لو شافه يمكن يضربه ... لان زوجي عصبي وغيور على عيلته ... أفضل ان يخلي الموضوع ينحل بشكل قانوني والموضوع في المحكمة ...الحين ... والله يسر امورها ... بالنسبه للشبكه اختي .. انا ادري ان هالكلام يمكن يزعل .. بس دام انا عايشه في بيت مو بيتي .. انا حتى خاتم ما اخليه .. كل ذهبي ... في بيت اهلي.. لين اطلع ببيت بروحي ... كان غلطه منها .. اكيد امه حرضته ان يبيع شبكتها ...

تحياتي
ام جنى

شهالعايلة أعوذ بالله !!!!!!!!!!!!!!!!!

عيلة ما يعلم بيها إلا ربنا :mad::mad::mad:

صيحني ردج ام جنى الله يحفظج
والله يكثر من امثالج في هالزمن... قليل من الناس الحين يكون فيهم خير للغير... والله يأجرج على نواياج وويسر لج درب الخير ويحفظ لج زوجج ويخفف عن اخت زوجج كربها...

بالنسبة لطارد السموم عادي ارسل لج ياه عالبريد والشحن مجاني ؛)

ياحبيبتي ياام جنى

الله يكثر من أمثالك والله انك مره وينشد بك الظهر

الله يجزيك الخير

وصدقيني هالشئ مب ضايع عند الله وبتشوفينه دنيا وآخره

والله يصلح حال حماتك ويعوضها أخير من طليقها

والله يحفظك

احين صار كل شي مانقدر نلوم
واهي صغيره كانت فترة مراهقه وتعلقت فيه
شي طبيعي بتقول بذبح روحي وبنتحر وهالكلام
اهي لو امها وقفت لها وقالت لها مانزوجج وتعطونها الاسباب
راح تقتنع واول سبب انه ولد حرام وقلتي فموضوعج الاول ان امكانياته
ماتسمح له يوفر اللي تحتاجه البنت احين ان شاء الله تربح القضايا
وامه كل ظالم وكله يوم
وانتي يزاج الله الف خير عالوقفه اللي وقفتيها وبتوقفينها معاها

لا حول ولا قوة الا بالله

اللة يعنة ويقوية

هلا ..

العيب مب فيهاا العيب في اهلهاا ..

وين دور الاهل في هالمواضيع يعني من هب ودب زوجوه لبنتهم ..

عنبو هاي بنتهم مب حد غريب ..

عزيزتي ام جنى انتي ماعليج بحد اعتبريهاا مثل اختج وحاولي تنصحينهاا بطريقتج الخاصه وحاولي تكسبينهاا .. ومب مشكله علميها الصح من الغلط ..

اعتبريهاا اختج الصغيره ..

هااي مب انسانه غريبه لج هاي اخت زوجج .. خليهاا اتي عندج وخليهاا تقول الي بخاطرهاا .. وانتي واخوهاا (زوجج) دورو حل لهالموضوع ..

مسكينه عورت قليي هالمسكينه وهالطفل المسكين .. يا حليلهاا ..

الله يعينها لانها طلعت خسرانه لاكسبت زوج ولا دراسه

بس الحين لازم تعرف ان بهالزمن الضمان الوحيد هو الدراسه لانها تحقق استقلاليه للبنت يعني لو متوظفه كان تقدر على نفسها وعلى نفقات الولد حتى لو بتقولون اهلها يصرفون عليها
قصدي ماراح تحتاج او تنضام لاقدر الله

لازم تررجع تدرس وتغير طريقه حياتها لازم تكون جديه لانها صارت ام وكمان مطلقه

لازم تقونها والا ماراح تستفيد وتاخذ درس من اللي صار

والله يكون في عونها ويعوضها ويقدرها على رعايه ولدها