أخبار التخفيضات// خاص لبنات البحرين

هلا وغلا ومرحبا أنثى
هلا بأم سيد صادق
حمدالله على السلامة وسلامة المولود سيد رضا
والله يجعل سيد رضا من مواليد السعاده
ويخليه ويحفظه ويتربى بعزكم

[QUOTE=حي إبنتي اتي;9263787]AL'MaNaMeA
اذا تسالي عن شنط خلق في بوتيك في الديه يبيع مثل شنط مونسون الخلق بس عاد بين فترة وفترة تجيب ما ادري اذا الحين موجودين او لا هي تعرض بضاعتها في منتديات

هلا اختي بس وين المحل بالضبط ؟
اي منتدى ؟

هلا بنات اني الحين بروح 1002 وبروح دسكفري بشوف ان شاءالله احصل لي ثياب

احد راح 1002 وحصل تنانير حلوة؟

اليوم كنت في الستي سنتر دبنهامز عندهم تخفيض 50% ,H&M للحين فيه تخفيض وسنتر بوينت للحين العرض أشتري ب20 وأحصل على كوبون ب5 دينار وكم محل بعد ما أتذكر

http://forums.3roos.com/t449929.html

بناااااااات انا سنعت ان لاسنزا مسوين تنزيلات 20 % صج ؟؟؟

السلام عليكم.. رحت 1002 و تخفيضات على كل المحل.. وتخفيضات تسوى من 11و900 الى 7 دينار .. واشياء حلوه..

أمس رحت الستي بصراحة محلات وايد عندهم تخفضيات
ومحلات الاطفال اللي في الطابق الثالث اسعارهم مناسبة بعد التخفيض
و ان شاءالله اليوم لي زيارة مرة ثانية :ss:

خل ينزل المعاش بس
وراح انتفه على المشترى الف شي وشي ابيه وانظر الراتب

امس كنت في السيتي
ومريت على وومن سيكرت عندهم عرض تشترين الستيانه والاندروير مجان
وخذيت لي جم شغله من عندهم

اففففف متى ينزل هالراتب
لاعت جبدنا واحنا ننتظر

انزين باقول لكم 1002 صج تخفيضاتهم زينة
يعني أغلب الاغراض على دينارين و3 و4
والبنطلونات على 7 تقريبا

بسسسسس جيكوا الثياب عدل قبل لا تاخذونهم، لان انا رجعت البيت طلعت التنورة سحابها مقصوص والبدي مشقوووووووق شق شكبره من على صوب

ومب أول مره يصير لي جذي، ذيج المره بعد خذت قميص شيفون حلو بدينار ونص ويوم ييت بالبسه الا مشقوق من على صوب

فيعني جيكوا الثياب عدل
لان انا ماجربتهم وخذتهم على النظر بس

هو انا رديت وبدلت البدي بس التنورة ماكان في غيرها فخذتها وباوديها الخياط يعدلها

بنااات نعوومي مسوين تخفيضااات او لااا؟؟
واذا تعرفون محلااات يبيعون ثياااب نوووم واسعاارهم معقوله او عندهم تخفيضات يا ريت تخبروني

لانه زوواجي قريب فابغي اجهز من الحين

وتنصحوووني اروح السعووديه حتى اشتري ثياب نوم وجلابيااات وثيااب عاديه او لاااا
واي مكااان حلوين ثياابهم همتكم يا اهل ديرتي والله محتاااجه مساااعدتكم



هههههههههههههه جننتكم صح بالاسئلة
اخر سؤال متى بيفتحووون المعرض السوري

اللي تسال عن نعوومي اليوم رحت اللي بالسيتي مو مسويين تخفيضات



ورحت 1002 تخفيضاتهم حلوووه صراحه كله على 3 و 4 و5 بس ماحصلت شي عجبني



ورحت السيتي وناااااااسه اغلب المحلات عندهم تخفيضااااااااات



رحت نيوو لووك تخفيضاتهم وايد حلوووه خذيت لي جم نعال ( مكرمين )على السريع لان خواتي كانو يبوون يمشووون اووووووف حدي انقهرت

شكله يوم الجمعه برووح اكمل عاد انشاءالله مايخلصون تخفيضاتهم :(



ونضارات يتيم عندهم تخفيضات خذيت لي نظاره شمسيه



ورحت ماكس ماعندهم تخفيضات بس خذيت لي بديات للبيت




سنتر بوينت تخفيضاتهم مو حلوه بس 20% و مو على كل المحل




و فور ايفر عندهم تخفيضاااات على الملابس



وفي محل ساعات صاير برووحه عند الدري عجبتني ساعه مسوين بعد تخفيضات اهي ب 45 بالتخفيض 30 بس ماتشجعت اخذها محد كان معاي :(



ورحت بيكوكس مسوين تخفيضات 50 % عجبتني جبيله ( مكرمين ) كنت باخذ بس حسافه ماكان فيه سايزي :( بس ملابسهم ماعجبتني شفت شنطه على تايغر وورود حمر عجبتني بس محد معاي يشجع ترددت اخذها شكلي برد اخذها يوم الخمييس


وخذيت لي من محل اسمه ريحه العطور دعون عود مسوين بعد عندهم تخفيضات على عطورهم



وبببس هذي الامحلات اللي رحتلها والوقت ماكفاني انشاءالله بكمل يوم الخمييس والجمعه

مرحبا بنات
يا ريت تخبرونا تخفيضات 1002 متى بتخلص تاريخ جم؟؟

بنات ما تحسون انه السيتي من فتح للحين على طول تخفيض؟؟ اني رحت بيكوكس اللي مجمع البحرين بس مو كلش عجبوني الثياب و ما تشجعت اشتري الحين ..

ان شاء الله في شهر 6 اكيد راح تكون فيه تخفيضات اكبر و باخد لي منها .. ادعولي اتوظف في التربيه و اشتري السيتي كله ..

عروس البحرين تخفيضات سنتر بوينت ولا لحين العرض مال 20 وتحصلين كوبون؟؟؟

هلا بنات
اشلونكم؟؟؟؟؟

محل بدون اسم
50% على بعض الشنط
20%على العبايات والشيلات

اكسيسريز
25% على بعض مجموعة مختارة

سناء
تخفيضات تصل على 50%


مركز المعارض فيه بازار اليوم يبتدي ولغاية 3/5/2009م
والمحلات المشاركة اهي :
seventh heaven
المحل الموجود في مجمع العالي تخفيضاته على 90% على اثياب مب حلوه وقديمة
و65% و75% على باقي الثياب من نفس الماركة والصراحة اول مادشيت قلت ولا شي حلووو
شنووو هذي....بس لما دورت وافتريت عدل لقيت لي جم بدي حلوييين ومميزين يعني ماراح احصلهم
بمحل ثاني مثل ما اتعرفون هذي المحل مميز بثيابه وموديلاته وقصاته الحلوه
وبنفس النسبه السابقه تخفيضات على الشنط ....واهوه القسم الي متيمعين عليه البنات اكثر شي

عجبتني شنطة كانت 123 دينار وجم فلس وبعد التخفيض صارت على 40 دينار تقريباااا لونها اسود بس متردده اخذها او لا احسها غالية...........بس المعروف في بضاعتهم انها غير عن باقي المحلات......متردده

في ركن بسيط لثياب الشباب بس مافيه شي حلووو

وماركة Pink

محل الجواتي وعارض مجموعة من الجواتي والصنادل والنعل والجواتي لفلات
ومقسم تخفيضاته على جزئين قسم 20 دينار والقسم الثاني على 40 دينار

بشكل عام ولان اليوم اول يوم كان في اشياء حلوه بس مادري بعد جم يوم لان هذي البضاعة وماراح ايغيرونهاااا
وطبعا بما ان اليوم الاربعاء جفت واااايد بنات سعوديات بالبازار(حياهم الله ببلدهم الثاني البحرين)
شكلهم بنات البحرين ما يدرون عن البازار......

اتمنى للجميع تسوق ممتع.............وانتظر اخر اخبار تسوقكم

ماكس عنده تخفيض بعد

ماندري عن البازار

باجر بروح عجل

وعن بي اتش اس محد يدري اذا عندهم تخفيضات

ابي اروح اشتري ملابس داخليه