يلا يامصريات تعالو نفيد بعض و نعمل جزء لينا

بنات انا لقيت ملح الحليب فى المنصوره ............ فى شارع الجلاء فى اوله فى محل مكياج اسمه ( العروسه )

عنده الملح ده تقريبا ب 10 جنيه

miss rony;6204612:
اولا بالنسبه للجل بيبى اويل انا مش عارفه لان الخلطه مش بتاعتىبس وان شخصيا لو جربتها مش هاحط البيبى اويل خالص
ثانيا بالنسبه للاستخدام الخلطه كلها عباره عن زيوت طبيعيه يعنى مش معقول تسبب جفاف ولو مانفعتش مش هاتضر وكمان انتى مش هاتستخدميها على طول انتى ممكن تستخدميها لمده شهر وبعدين تشوفى النتايج
وبالتوفيق ياجميل(f)

ممكن اعرف ليه مش هتحطى البيبى اويل خالص هو فى حاجه غلط ولا ايه ومتشكره اوىىىى على ردك يا جميل

bonbonaya شكرا ليكى اوى على ردك واتمامك
وكمان belle_fille الف شكرعلى الافاده

mishmish2010;6210132:
ممكن اعرف ليه مش هتحطى البيبى اويل خالص هو فى حاجه غلط ولا ايه ومتشكره اوىىىى على ردك يا جميل

لا ياحببتى مافيهوش حاجه غلط بس انا ماعنديش بيبى
وبالتالى ماعنديش بيبى اويل ومش حاشتريه علشان معلقتين
بس هى دى كل الحكايه

صحيح يا بنات اولاى فيه مواد مسرطنه؟؟؟؟
وكمان انا سمعت انه فيه نسبه عاليه من الكرتزون
وانك لو استخدمتيه فتره وبعدين بطلتى البشره بتبوظ وتبقى باهته ويظهر فيها حب الشباب
دا انا كنت ماصدقت لقيت كريم كلكو بتقولو عليه جميييلبس الكلام ده عرفته انهارده
ياريت اللى تعرف اى معلومات عن الموضوع ده تفيدنا

HOBBOZ;6208628:
بنات انا لقيت ملح الحليب فى المنصوره ............ فى شارع الجلاء فى اوله فى محل مكياج اسمه ( العروسه )

عنده الملح ده تقريبا ب 10 جنيه

ملح الحليب ده بيتعمل ايه انا عارفه العروسه بس استخدامه ايه

miss rony;6211027:
صحيح يا بنات اولاى فيه مواد مسرطنه؟؟؟؟
وكمان انا سمعت انه فيه نسبه عاليه من الكرتزون
وانك لو استخدمتيه فتره وبعدين بطلتى البشره بتبوظ وتبقى باهته ويظهر فيها حب الشباب
دا انا كنت ماصدقت لقيت كريم كلكو بتقولو عليه جميييلبس الكلام ده عرفته انهارده
ياريت اللى تعرف اى معلومات عن الموضوع ده تفيدنا

روني انا بستخدم اولاي يانهار ربنا يستر بقا بس مش عاجبني اوي

بنات حد نزل برشور ايروفليم شهر 6

ولو حد نزله ممكن يبعته لى

merci awi.............. what about oils

السلام عليكم يا بنات مصر
انتو بجد حببتونى فى اورفيلام وكنت عاوزة اشترك فيها بس عاوزة اعرف الاشتراك الشهر دة وشهر 7 مجانا ولا بفلوس؟؟
وعنوان اورفيلام اية فى طنطا والمنصورة
وشكرا مقدما

مليكه الاحلام;6222480:
السلام عليكم يا بنات مصر
انتو بجد حببتونى فى اورفيلام وكنت عاوزة اشترك فيها بس عاوزة اعرف الاشتراك الشهر دة وشهر 7 مجانا ولا بفلوس؟؟
وعنوان اورفيلام اية فى طنطا والمنصورة
وشكرا مقدما

انا اعرف فى شهر يونيو تدفعى 30جنية ولو عملتى 100 نقطة تاخدى ال30 جنية تانى

.* اميرة *.;6222531:
انا اعرف فى شهر يونيو تدفعى 30جنية ولو عملتى 100 نقطة تاخدى ال30 جنية تانى

شكراا يا اميرة بس انا اعمل ال100 نقطة ازاى؟؟(a)

مليكه الاحلام;6222628:
شكراا يا اميرة بس انا اعمل ال100 نقطة ازاى؟؟(a)

يعنى تشترى ليكى او حد من اصحابك ب225 جنية ولو صعبة عليكى مش لازم ادفعى ال30 جنية وخلاص

ملح الحليب ده بيتعمل ايه انا عارفه العروسه بس استخدامه ايه ( بنت مصر )

بيستخدم كده كصنفره للجسم كله بينعم الجسم وبيفتح الاماكن الغامقه ويعطى ريحه حلوه للجسم

انا جيت يا وحشين ياللي ما حدش فيكم سأل عليا

hobboz

حبيبتي روحي صيدليه الطرشوبي فرع حقوق هتلاقيه ادام كليه حقوق ده فرع ال cosmotics بتاع الطرشوبي فيه كل حاجه او فرع جيهان

و عشان تبقي عارفه مقشر المشمش بتاع ستيفيز منه 3 انواع مبيض و ده وحش بجد و العادي و البشره الحساسه لو بشرتك مش حساسه خدي العادي و لو بشرتك حساسه العادي هيلهبهالك فلازم تاخدي للبشره الحساسه و هو ب حاجه و تلاتين جنيه اللي للبشره الحساسه و التانين ارخص

و عندك المحلات بتاعه الزيني و حسني اللي في سيدي حاله

sovy;6223578:
hobboz

حبيبتي روحي صيدليه الطرشوبي فرع حقوق هتلاقيه ادام كليه حقوق ده فرع ال cosmotics بتاع الطرشوبي فيه كل حاجه او فرع جيهان

و عشان تبقي عارفه مقشر المشمش بتاع ستيفيز منه 3 انواع مبيض و ده وحش بجد و العادي و البشره الحساسه لو بشرتك مش حساسه خدي العادي و لو بشرتك حساسه العادي هيلهبهالك فلازم تاخدي للبشره الحساسه و هو ب حاجه و تلاتين جنيه اللي للبشره الحساسه و التانين ارخص

و عندك المحلات بتاعه الزيني و حسني اللي في سيدي حاله

ميرسى اوى يا سوفى ............ بس انا والله فى صفحه من الصفحات اللى فاتت سألت عليكى

وقلت اكيد عندك امتحان وزعلت عشان صاحبه الموضوع لازم تبقى موجوده معانا من غيرك الموضوع ما بيحلاش يا قمر

ازيكوا يابنات مصر الحلوين
انا اول مره ادخل على الموضوع هنا وجزا الله كل واحده شاركت هنا بمعلومه كل خير يارب
المهم ياقمرات انا عايزه حاجه لترطيب القدم للأسف فى الصيف عندى بيبقى خشن أوى من لبس الصنادل والشباشب فى البيت فى الشتا بقدر اسيطر عليها عشان ببقى لابسه شراب معظم الوقت
بلييييييز اللى جربت حاجه تنعم القدم تقولى
وشكراااااااااااااااااا

مليكه الاحلام;6222480:
السلام عليكم يا بنات مصر
انتو بجد حببتونى فى اورفيلام وكنت عاوزة اشترك فيها بس عاوزة اعرف الاشتراك الشهر دة وشهر 7 مجانا ولا بفلوس؟؟
وعنوان اورفيلام اية فى طنطا والمنصورة
وشكرا مقدما

زى ما الاخت اميرة قالتلك بالظبط كده مظبوط
فرع المنصورة
العنوان: 2 شارع الجمهورية - امام جامعة المنصورة

little cat;6205013:
بنوتات ماحدش رد عليا


وكنت عاوزه اقولكم على كريم طبي اسمه بيبانثين جبته ولسه هاستعمله مكتوب عليه انه بيعالج الجلد من عوامل الطبيعه زي الأكواع والركب والمناطق الي فيها احتكاك وبتسمر

يعني ممكن بعد ما الواحد يعمل وصفات التفتيح دي نستعمل الكريم ده بحيث نحافظ على النتيجه الي مش عارفين هانوصلها ولا لأ ههههههههههههه:D

استعملى مرهم ريباريل جيل
على الحتت المزرقه دى هيودى الزرقان

Jumanaa;6224120:
ازيكوا يابنات مصر الحلوين
انا اول مره ادخل على الموضوع هنا وجزا الله كل واحده شاركت هنا بمعلومه كل خير يارب
المهم ياقمرات انا عايزه حاجه لترطيب القدم للأسف فى الصيف عندى بيبقى خشن أوى من لبس الصنادل والشباشب فى البيت فى الشتا بقدر اسيطر عليها عشان ببقى لابسه شراب معظم الوقت
بلييييييز اللى جربت حاجه تنعم القدم تقولى
وشكراااااااااااااااااا

جمانه حطى جلسرين على رجلك فى اليوم مرتين

وعادى بعد ماتحطى تلبسي شبشب بالجلسرين بس المهم انك متمشيش حافيه بيه
وعلى فكره عن تجربه الجلسرين لو واظبتى عليه مش هتحتاجى تروحى تعملى باديكير لرجليكى
لانك لو عملتى باديكير مش هتعرفى تبطليه