طبقة بيضاء على لسان ولدي اتمنى المساعده

هذي مشكلة واردة مع كل الرضع عزيزتي لا تخافين .. !

استمري على الدواء ..

و انا كنت بعد كل رضعه ابل قطعة شاش نظيفة بماء ساخن و امررها بخفة على لسان ولدي حتى امنع تجمع الحليب اكثر و تكاثر الفطريات .. !

الله يشفيه ان شاء الله

مشكورة يالغالية
بسويها وانشاء الله مايتألم

حبيبتي اول شي ماكو داعي ابوه يعصب لان هذا الشي يصير عند كل الرضع تقريبا يعني ماكو داعي للخوف

انا صارت للولدي و قمت انقع عود الاذان بماي اللي فيه غازات و احطه راح تشوفين شلون تتفاعل و تنزل بعد 5 ايام

بالتوفــــيق

سلاام عليكم جميعا

الله يشافي ولدش انشاء الله

عادي لاتخافين اختي هذي عادي تصير عند الاطفال

ولدي مثلا صاده ووديته المستشفى وقالوا حقي بعد انه متجمع عنده فطريات من الحليب من بقاياه من بعد كل رضعة وعادي و بس نصحوني امر عند الحواج وآخذ من عنده ( خيار الشمبر )
هاي مجر د انش تفتحينه واللي داخل اتشيلينه وتنقعيه في ماي صحة واتخلينه ليما يصير لونه اشوي قريب حق

لون الشاي وتآخذين كلينكس او حتى بالسبابة وتمررينه على لسانه وانشاء الله بيروح بإذن الله وبتشكريني

اختي بعد وهذا عادي مايضر الاطفال سمعي نصيحتي وأخذيه ومابتندمين

تحياتي لكم خواتي

الغاليه لهالسبب دكتور الأطفال دايما كان يقولي بعد كل رضعه حتى لو كان نايم خذي ملعقه صغيره بها ماء و صبيه بحلجه .. هذا يغسل الفم من الداخل و يقلل تراكم الفطريات ..

و مثل الي قالت احدى الخوات انج تبيلن قماش بماي و تمسحين اللسان ترى بقولج لا تستهترين لأن لو زادت الفطريات بتعوره و بيتم منزعج و يبكي ...

الله يشفيه..

انا مع الاخت توتا..
خيار الشمبر وايد زين....
انا استخدمه لولدي ..

وبعد كل رضعة اعطيه شوي ماي عشان ماتتجمع الطبقة..

وبعد تقدرين تاخدين قطعة شاش نظيفة وتحطين فيها دهن الزيت شوووووية وتمسحين به لسانه...

والله يشافيه ان شاء الله..

ام حمود وبرور;5756519:
انا مع الاخت توتا..
خيار الشمبر وايد زين....
انا استخدمه لولدي ..

وبعد كل رضعة اعطيه شوي ماي عشان ماتتجمع الطبقة..

وبعد تقدرين تاخدين قطعة شاش نظيفة وتحطين فيها دهن الزيت شوووووية وتمسحين به لسانه...

والله يشافيه ان شاء الله..

طبيعي والعرايس ماقصرو

السلام عليكم ورحمة الله وبركاته..
انا وجهتني نفس مشكلتك بضبط والحل كان اني اطبخ نعناع مجفف مع الماي واقدمه لطفل والله بنفس اليوم تنتهي السالفة ولا كانه فيه شئ.. وربي يحفظ ولدك من كل شر

شكرا لكم حبيباتي
وعلى نصايحكم اللي تبرد القلب

اخت توتا اعرفة خيار الشمبر راح احاول جربة خوافة شوي:)

ملكة الصمت نعناع مجفف طيب اذا كان طازج

اكرر شكري للجميع

ما قصــرن البنـــات .. يعطيهــن العافيــة

[FRAME="13 70"]أما أنا لما صارت مع بنتي حسيبت انها محتاجة للماي

وفعلا لما تشرب الماي يروح عنها والحمدلله

حتى اللآن محافظة على هذا الشي

بالتوفيق [/FRAME]

طبيعي اختي
بس عطية ماي بعد كل رضعة

خيو مثل ما قالت توتا عطيه خيار الشمبر اني استعملته لبنتي ....وخبرينه بالنتيجه
لاتحاتين الامر عادي

[GLOW="00FF66"]البنات كفوا وفو ما عليه شر إن شاء الله[/GLOW]

حبوبة ريلك لا يزعل ولا شي ... هادا موضوع عادي ويحصل كتير للاطفال الرضع ...داومي على العلاج وراح يختفي باذن الله ... وبعدين لا تخليه ينام والحليب في فمه ... لازم يشرب ماي