أستفسار عن عملية استئصال اللوزتين

الله يساعدش ...اني الدور على بنتي شهر 6 ..يالله الا عندها فكره تقول عشان اني بعد اعرف

ولدي سويت له العمليه فبل فترة قعد اسبوعين ياكل ويشرب بارد

وبنت اختي سوتها قبل لسبوع بالضبط

اي استفسار انا حاضرة

اي أسيل شنو التعليمات المهمة إلا لازم أتبعها بعد العملية

انا انتظر ضروري

اهلين اختي ذا كوين


اولا الف الحمدلله على سلامة البنوتة :)


انا ولدي سوا نفس هالعمليات من اكثر من 5 اشهر والحمدلله قام بالسلامة ..

الاكل اللين حاولي تعطينها اياه لمدة اسبوعين تقريبا وبعدين شوي شوي دخلي لها الاكل العادي وعن الايسكريم اعتقد عادي مو شرط تلتزمين فيه لان انا ولدي رغم انه كان يحبه ويموت عليه الا انه بسرعه تملل منه ..

وطبعا لازم في البداية الموضوع بيكون صعب وبتتألم شوي خصوصا لما تاكل او احيانا بتقوم الليل تصيح لكن مع الايام بتصير احسن :wink:

اهم شي واضبي على ادويتها وبتتحسن ان شاء الله ..


وعن عملية الاذن ولدي توه اليوم كان عنده موعد المتابعه والدكتور قال ان الربلة اللي حطوها في العملية للحين ما طاحت وعطوه موعد بعد 6 اشهر يعني لما يكمل سنة على العملية واذا ما طاحت الربلة بروحها هم بيشيلونها ..



وسلامتها ان شاء الله (f)

الحمدلله على سلامت بنتك

الدكتور قال لولدي زيادة عن اسبوعين لاتعطوها بارد

يعني بس اسبوعين


اعطي بنتك اكل بارد وفي نفس الوقت مسلووووق

وتجنبي تعرضه للهواء

وماشاء الله ماما حسون كففت ووفت

الحمد لله على سلامة أبنك
ذكرتيني بالذي مضى أنا عملت نفس عمليات أبنك وعمري عشر سنوات آآآآآآآآآآآه

الأخت ماما حسون ماقصرت

مشكورين وجزاكم الله ألف خير

الحمد لله على سلامتها و ما تشوف شر

و البنات اللي عندهم خبرة ما قصروا

يوم العملية الايسكريم عشان تكوي الجرح وتوقف النزف

والاكل عادي من تاني يوم يحاول ياكل الرز والاكل اللين مو القاسي اللي يجرح

زي بطاطس شيبس زي شابورة زي خبز قاسي لكن اللين مافي مانع لمدة اسبوعين ثلاثة بعد كدا ممكن

مافي مانع ياكل ايي شيي

والله يقومها بالسلامة

مايشوفون شر كتاكيتكم والله ماعندي خبرة ان شاء الله الاخوات يفيدوكم

بناااات

مايشوفون شر عيالكم

بس حبيت اسألكم ؟؟

شلون تعرفون وتكتشفون ان اولادكم عندهم لوز؟؟ وانه لازم يستأصلونهم؟؟

ياريت تفيدووووني؟

لانه ولدي عمره ستة شهور ومن جبته للحين كله بلاعيمه ولا يرضى يرضع عدل

بس هاي فترة بسيطة الي قام يرضع زين...

ولا يرضى ياكل لين بأكله يقعد يصيـــــــــح...

وكله يطلع (ريري) لعااااب..

فياريت الي عندكم خبرة تفيدوني واكون شاكرة لكم::)

وينكمـــــــــ اخواتــــــــــــــي

مارديتـــــــــون علــــــــــــــــــــــي

اهلين ام حمود وبرور


بالنسبة لولدي الكبير كان على طول مريض واللوز عنده ملتهبة وايد ولازم يمرض ويصخن على الاقل مرة في الشهر وغالبا اكثر وتأذينا معاه واخر شي لما صار عمره سنة و9 شهور قالوا الافضل ان نسوي له عملية استئصال اللوز ..

يعني يعتمد بعد هل هو متأذي وايد منها !! الدكتور لازم بيسأل كم مرة تجيه في الشهر او ترتفع حرارته ؟؟ هل ياكل عدل ؟؟ هل يتكلم عدل ؟؟

مشكوورة ماما حسووووون
اني ولدي من جبته كله مريض كله بلاااعيمه وفي البداية كان كلش مايرضى يرضع خير شر بس لين نااام
ولين اوديه كله يقولون احتقان في بلاعيمه...
وشهريا لازم اوديه المستشفى وكله يقولون بلاعيمه... ومن بديت ااكله كلش مايرضى ياكل ولاشي
كله صياااح ونياح لين احط في بوزه الاكل ولحد الاحين .. بالعلم اني بديت ااكله من اربعة شهور والحين اهو يمشي في السابع ولحين مايرضى ياااكل..

هل يأثر على نطقه؟

الحمدلله على سلامتهم

مرحبا نفس ما قالت ماما حسون بنتي من ولدتها كله بلاعيمها ملتهبة واحيانا مرتين في الشهر تاخذ مضاد حيوي تعبت ويها والحمدالله سوينه العملية

ام حمود وبرور;5939237:
مشكوورة ماما حسووووون
اني ولدي من جبته كله مريض كله بلاااعيمه وفي البداية كان كلش مايرضى يرضع خير شر بس لين نااام
ولين اوديه كله يقولون احتقان في بلاعيمه...
وشهريا لازم اوديه المستشفى وكله يقولون بلاعيمه... ومن بديت ااكله كلش مايرضى ياكل ولاشي
كله صياااح ونياح لين احط في بوزه الاكل ولحد الاحين .. بالعلم اني بديت ااكله من اربعة شهور والحين اهو يمشي في السابع ولحين مايرضى ياااكل..

هل يأثر على نطقه؟

للاسف انا ولدي كان وايد نطقه متأثر بالبلاعيم وكان لسانه ثقيل شوي ومخارج الحروف عنده مو عدل والكل كان يقول ويلاحظ عليه انه ما قادر يتكلم من بلاعيمه والاطباء بعد قالوا انها مأثرة على سلامة نطقه .. وفعلا اول ما سويناه العملية تحسن نطقه بشكل كبيييييير من اول يوم وكنا بعدنا في المستشفى ولما احد يزوره ويقعد يكلمه يلاحظ عليه الفرق:D والحين الحمدلله بعد 6 شهور ونص من العملية صار لسانه تقريبا فصيح او على الاقل في مستوى باقي الاطفال اللي بعمره..


ما يشوف شر ان شاء الله (f)

السلام عليكم انا بنتي تو ما سوت العمليه
والحمدالله نجحت وليوم ثاني اكلت عادي بس اكل بسيط خبز وعصير بيض ايسكريم حليب بارد
بس الحظ في نفس المكان صديد مدري عادي ولا لازم اروح الطبيب