كيف تهتمين بالخياطة بعد الولادة

نصيحه لج إختي لاتحطين الماي و الملح يوم حطيته و رحت للدكتوره بعد فتره قالت لي حطيتي ماي و ملح قلتلها هيه قالت الملح يهري الجرح و طلعت غرزه مفتوحه هي شالت لي الخيط بعدين وصفت لي ميبو و سرعه إلتأم يعني اول يوم طهري الجرح بالبيتادين عن طريق الشاش و قبل ما تنامين حطي ميبو على الخياطه و غطيه بالشاش و بتلاحظين 3 أيام و يلتأم الجرح و على فكره و لايبان الجرح...

هلا اختي ،،

انا نصحتني الدكتورة اقعد في حوض سباحة ساخن و ارمي فيه قطع الملح الايراني و فعلا سويته و كنت ارتاح لان الالم يخف و يتطهر الجرح !

و بعد بماء مع سافلون للتطهير .. !

و كنت استخدم كريم ميبو حتى بسرعة يطيح السيم و الحمدلله ما عذبني .. !

معليش بكون شوي جريئه

اول ماادخل الحمام وانتم بكرامه اتشطف بمويه ونشف جسمي

بعدها احط كريم وشلون الشاش او احطه على الجرح مباشره او على الفوطه الصحيه


وشلون كريم ميبيو والبيتادين ممكن صورهم علشان اروح اشتريهم

ان شاء الله ياخذ تقريبا اسبوع او عشر ايام وبعدين يبدا يخف وتقدرين تتحركين بسهوله بعد15يوم بالنسبه للخيوط على حسب اذا قالتلك الدكتوره تعالي اشيلهم او بعد 20 يوم واكثر يبتدون يطيحون او فيه بعض الخيوط ت1وب يعني ماتشوفينها وتروح من نفسها

وينكم يابنات خلونا نستفيد من تجاربكم

ماعندي فكره >>> لاني للحين بنوته


ان شاء الله البنات يساعدونك


للرفع

المستشفيات للحين يستخدمون الخيوط؟؟

بالسعوديه يستعملون ماده وينتهي كل شي

^
^

شو هاذي المادة ..

وشلون يستخدمونها ..

يعني من غير شق العجان !!

انا بولادتي الاولى استخدمت ملح خشن وماء اغسل فيه

وبعد مدة استخدمت غسول المر مع البخور

والحمدالله طاحت الخيوط في اسبوع ونص تقريباا


وبولادتي هذي ان شاء الله اذا فيه خياطه بستعمل كريم ميبو يمدحووووونه مره

عندي سؤال دايم يراودني, بليز لا احد يضحك علي ) :

المكان إلي يقصونه ويخيطونه بعد الولاده وين بالضبط!!؟

برى ولا جوى المهبل ولا وين بالضبط!!؟

كنت استخدم الماي والملح ايلس فيه لمده ربع ساعه،، وكنت اشطف بماي دافي يساعد انه الخيوط تطيح بسرعه،، اول شئ اتغسلي وخلصي ونشفي المكان عدل مدل وخليه يتهوا في حريم يستخدمون السشوار لتجفيف المنطقه وبعدين حطي كريم ميبو او فيوسدين هذا انا استخدمته اللي عليه صورة اسد،، والدكتورة قالت لي بعد 10 من الولاده تعالي بشلج الخيوط صح انه يعور بس الحمدلله افتكيت وقدرت اتحرك على راحتي

بنات مين عندها صوره كريم ميبيو تنزل صورته علشان نعرفه



بعدين بنات بسئلكم يقولون اشربي وقت الطلق مره منقوعه بمره علشان الشمم وبعدها اخذي شنطتك وروحي للمستشفي وهناك شمي حلتيته يقولون تساعد على فتح الرحم وبعد الولاده اشربي من المنقوع وشمي عطور علشان ماتشم الخياطه

بس بسئل خواتي للى جربوا الولاده هل صحيح الحلتيته تساعد على فتح الرحم

اتمني انكم تفيدوني وتفيدون خواتي البكريات مثلي

اتمنى انا كمان ان البنات يفدونا لان دا اول حمل ليا وشكرا على الموضوع الجمييل

[GLOW="3333CC"]افضل شي للعنايه بالخياطه وتعقيمها ومنع الالتهاب وعن تجربتي طبعا ماء دافي ومره وملح خشن حطيهم مع بعض واتشطفي فيهم ولاكن لاتتنقعين في الماء والملح لانه يدخل للرحم والرحم لسه ما رجع مثل ماكان فيؤدي الى ارتخاء الرحم فقط تشطفي فيه يعني توضي فيه من تحت جيدا واذا خلصتي حطي على الفوطه الصحيه قليل من منقوع المره والملء بدون ملح فقط والله ممتاز ونتائج فضيعه واي استفسار انا حاضره[/GLOW]

مشكوره اختي ركايز بس بسئلك وش رايك بالحتيته