الله يستر عليكن ساعدوني أنا في مصيبة

الشي اللي انتي سويتيه غلط سواء بتمين معاه او لا
الخوف ما بيوصلج لمكان
لا تخلين هالخوف يسيطر ع تفكيرج و ع قراراتج
و في نفس الوقت فكري زين في الاسباب اللي انتي تبين تنفصلين عن خطيبج بسبها
هل هي فعلا اسباب تستاهل او لا
و استخيري و كلميه و تفاهمي معاه
خبري باللي متضايقه انتي منه من صوبه
حاولي تحلين الامور من بينكم
و عقب قرري تنفصلين او تكملين معاه
بس لا تخبرينه عن اللي قاعده تفكرين فيه انتي الحين
لا تخبرينه بقرار الانفصال الا بعد ما تكونين متاكده من نفسج انه خلاص مافي مجال يتحسن الوضع اللي مضايقنج
و اتمنى ما يكون بعده للدراسه هو السبب لانه في هالحال مفروض توقفين معاه مب ضده

تبين نصيحتي .... اقري سورة البقرة يوميا ...يوميا ...وبتشوفين العجب العجاب باذن الله وعن تجربه

اختي الكريمه بقولج شغله .. لوكنتي مب ملكه .. انتي غلطتي والملام الوحيد انتي .. والشغله الثانيه تقدرين تطلبين منه ان يتفهم ان كل شي قسمه ونصيب وهو وضميره لو كان ولد ناس ومحترم .. راح يمسح كل شي وينساكي ....

اما اذا نذل .. فاستعيني بالله عليه والله يعوض صبرك خير و, الحين كل شي ممكن يكون مفبرك .. يعني لو صار ونشر الصور .. ممكن تقولي انو كل شي مفبرك ...

الشغله الثانيه لو كنتي ملكه عليه .. مكتوب كتابك.. لا حرج اختي هذا زوجك ومن حقه يشوف لك صور .. بس اطلبي من اهلك ان يسترجعون صورك ,,, ومثل ما ذكرت لو كان ولد اصل راح يرجع الصور او يمسحهم ..

واتمنى انج ما تخسرين خطيبك .. لمجرد البعد ,,حاولي تفهمي خطيبك وتدرسيه زين... وبعدين صلي استخاره وقرري .. تحياتي

رايي من راي ام جنى

عادي لا مصيبة ولا شي
اذا اهو خطيبك وشايفك بعد مافي اي مشكله
واذا انتي تفكرين تتركينه قبل اخذي الصور وبعدين تركيه

والله يوفقك

اذا كنتي مخطوبه اهليه مثل ماقالت الاخت يعني صار في كلام بين الاهل او يمكن قريب تحددون كل شي اكيد ماراح يقدر يسوي شي او مثل ماقالو الخوات كل شي قسمه او نصيب او في وايد حاالات بالخطبه بناات تصير لهم اغلاط بحكم انه الوحده مبارده بشي جديد او كل البنات يتمنون هل الشي او انها تبي تتزوج بسرعه يعني..

حبيبتي من له حيله فل يحتاااااال

شوفي وصدقيني بتنحل مشكلتج

قوليله حبيبي صوري ليمن الحين عندك اذا قالك اي قوليله ممكن عشان خاطري تمسحهم اذا قالك ليش قوليله والله انا خااييفه ممكن هكر يدخل جهازك وبيسرق الصور وووووو كبريله السالفه وانا خايفه احد يطيح عليهم وانا اثق فيك عشمييييييييييييييييييييييييييييييييييه لمن يمسح الصور
وقوووليله انا مامنه فيك وواثقه فيك انك راح تمسحهم من كل اجهزتك وانته انسان خلوق ولومه انك انسان محترم كان ما دزيتهم بس والله ما يجوز وحرام ومن هل كلاااااااام صدقيني بيمسحهم

بعد كذا تمي فتره وقوليله ابي ننفصل وسوي الي براسج

اشرايج بالحل سويه وقوليلي عقب اشصار معاج

انتي لين الحين ماسويتي اي خطوة عشان تقولين وش ناوي يسوي بالصور

اذا انتي تبين تتركينه اتركيه

وتحملي شوي اللي راح يصير بس لازم تبلغي اهلك وشيلي الخوف لان قرارك يبيله وحده مو متردده وقويه
ولازم تواجهي نتيجه قرارك اللي انشالله بتكون في صالحك وشيلي الخوف

ادعي ربك ان الله يفرج كربتك