ماهو الحل.....

الحل برايي تغيرين من تفكيرج ...

يعني الواضع انه ريال طيب وحباب ويحبكم ومو مقصر بشي ..
واذا عن صفاته اللي بموضوعج السابق .. احنا بشر ومحد كامل .. محد كامل غير الله سبحانه وتعالى .. مثل ما له بعض العيوب لج
مبين الخلل عندج ..
ليش تشوفين روحج بعيدة عنه ؟؟ شنو الشي اللي ينفرج منه؟؟
في شي في بالج تتمنينه يتحقق بعيد عن زوجج؟؟
وبعدين بعد هالعيال (وان كان جبتيهم ورا بعض) توج تفكرين؟؟ المفروض عشانهم تنسين فكرة الطلاق نهائياً!
واستغفر الله (سمحي لي)
ما تحبينه وعندج بنتين منه؟؟ يعني يوم من البداية عندج مشاكل او ما كنتي متفقه معاه ذاك الزود جان أجلتي الحمل لما تتأكدين من شعورج ورضاج عنه؟!

تراه دايماً يقولون (إذا فات الفوت ما ينفع الصوت)
الحين عيالج المفروض اهما اهتمامج الأوحد .. واهما يحتاجون ابوهم اللي يحبهم ومو مقصر عليهم
اذا تطلقتي شنو مصيرهم؟؟
وشنو مصيرج انتي بعد!

فكري عدل .. ولا تخلين تفكيرج أناني
الرجال مو مبين انه غالط بحقج .. عطي نفسج فرصة تتقربين له (شيلي من بالج انج ما تبينه وتبين تتطلقين وشوفي ميزاته)
والبنات حرام يضيعون وهم صغار ويعيشون وسط عائلة انت بايديج فككتيها!


وترى عن البنت اللي قالت تبينه نفهم انج ما تحبينه ..
انا ابي سبب بس يخليكم ما تحبون أزواجكم .. خصوصاً بعد عشرة وعيال!!
يعني اللي ما يحب ويفكر ينفصل .. ضروري ياخذ خطوات تحسباً للانفصال ..
ويوم أنا مو لاقية غير زوجي جدامي .. أعبر عن مشاعري لمن .. لأي واحد في الدرب؟؟ أحب منو .. أي شخص يعدي علي؟؟
هو الرجل الوحيد اللي بيكون في حياتي بشكل خاص (بعد أهلي) .. وما بيكون غيره ..
فلازم اعيش معاه وأقدم له كل شي ممكن ..
واذا من البداية شفت اني ما اقدر اتفق معاه .. احاسب واعطيه فترة ليما أشوف قرار نفسي "أواصل ولا أبعد" بدون عواقب تابعة لقراري!

استخيري الله قبل اي فعل

اختي المشكلة فيك وحاولي تعالجيها لانه اذا ما عالجتيها رح تكرر معك بكل حياتك

ومع كل الاشخاص اللي رح تصادفينهم وحتى مع بناتك وين المودة ووين الرحمة ؟

( عسى ان تكرهوا شيئا هو خير لكم )

اتقربي من الله سبحانه وتعالى وادعي الله يألف بين قلبك وقلبه ويهدي حاله

انا ما شايفة انه عندك مشكلة ويمكن تكون من وساوس الشيطان

مدام زوجك بيحبك حاولي تحبيه وحافظي على النعمة لا تنقلب عليك نقمة لا سمح

الله ويصير هيدا حاله وانت اللي تدوري على حل ليرجع يحبك



الله يهدي سرك يااااااارب

من قالك ان الانفصال سهل ؟؟؟

لا حول ولا قوة الا بالله

بينكم بنتين وهو متعلق فيك

وتعقيب على موضوعك الاول

بخصوص صفات زوجك

انصحك في كتاب برسله لك عالخاص

وتذكري ان احيانا بعض العيوب ماتتغيبر لازم انك انتي تغيرين اتجاهك وتتكيفين معاها

اريح لراسك خاصه اذا كانت عيوب ماتمس الحلال والحرام ولاهيب عيب
بتقضين حياتك هوشه وزعل ومحاولات تغير

الله ييسر امرك

الله يهديك يارب

الجوهرة السعودية;5727431:
اذا طيب معاكي ويحبك وفية صفات حلوة ليش ماتحبينة يمكن احد ساككم بعين شغلي سورة البقرة واقري قران واستخيري واستهدي بالله
وروحي شيخ ساعات لاقدر الله من تاثير العين ولا سحر تفرقة

صدقيني اذا تطلقتي بتعانين من المجتمع والبنات الان مو محصلين عرسان والواحد لاتطلقت ماياخذها الا شايب ولامطلق بعيال وشلك تاخذين واحد وتتركين عيالك وتربين عيال الناس
فكري بالعواقب انا متفاول عليكي بس ابغاكي تفكرين لبعيد
اذكري الله

نفس رائي لافض فوك يالجوهره

مو لازم تحبينه اهم شي تحترمينه وهو يحبج ويحترمج هذا يكفي علشان مركب حياتكم الزوجية يسير ... وهل تعتقدين انج بعد الطلاق راح تلاقين رجال بالمواصفات اللي تبينها ؟؟؟

مو شرط ان الانسان يكون طبق الاصل منك او حتى مشابهه منك علشان تحبينه

لااااااااا يا اختي لاا شو تتحمليين

ما نصحك بهالشئ


انتي عندك بنتين ما شااء الله و انتي اللي عايشة معااه و انتي ادرى بعيشتكم

ادا ما تقدرين تتحملين بعد لا تكملين حتى لو عندك بنتين

و هااي عن تجربة يا اختي

راح يصير وقت تكرهين الحيااة و راح ينتقل هالشئ لبناتك و راح تخليهم كمان يكرهو حياتهم

فعشان هيك شوفي شو الي راح يريحك لانه البنات راح ينظلمه بالحالتين فاحسن انك تكوني مرتاحة عشان تربي بناتك بجو مرييح

هدى زوجة عبدالله;5725932:
^
^
^
^

اذا كانت وجهة النظر تعتبر هجوم ، ومخالفة الفكره الواضحه بفكره فاضحه تعتبر هجوم فأعتبري انه هجوم. احنا في نقاش وتبادل اراء وحلول مش في ساحة معركه نعمل هجوم وانسحاب. اذا ما اعجبتك وجهة نظر الموجودين تقدرين تحطين رأيك وابعدي عن التنظير والافتراضات اللي امتلا فيها كلامك.
حتى صاحبة الموضوع الله يفرج همها كان ردها جميل وهذا دليل على انها استوعبت الكلام ، وانا بالمناسبة ماعندي اي مشكلة انها تهدم حياتها لأن كل شخص حر بحياته ولكن انا خايفه على البنات الثنتين . حرام تنهدم حياتهم بسبب ان امهم يا عيني بعد سنين ماقدرت تحب . اذا كان كلام الناس يقولك اصبري يمكن تحبينه فأتبعي كلام الناس واتركي عنك عقلك وتفكيرك وخلي الناس ينفعونك.
على كثر ما اشوف في هالمنتدى من شكاوى من البنوتات اقول في نفسي معقوله الرجال سيئين للدرجة هذي؟

ولكن بالحقيقه يوم ارجع للمحيط اللي حولي الاقي فيه تقصير من الطرفين ، وحنا في المنتدى نسمع رأي طرف واحد ونصدقه ونحاول نساعده بينما الطرف الثاني نحكم عليه انه ظالم.الحقيقه يجب اننا نكون موضوعيين بالحلول والاراء ولازم نلتزم الحياد ونعتبر الرجل شريك للمراءة مش عدو للمراءة ويجب ان نبتعد عن التعميم على نوع الرجل وتصرفاتهم وطباعهم.

اختي صاحبة الموضوع

انا مش ضد انك تتطلقين اطلاقاً لكن انا ضد ان البنات يضيعون وتتفكك العائلة بسبب تفكير ارعن مثل تفكيرك ماصحى الا بعد بنتين. انتي اخطأتي بأنك صبرتي وانتي الوحيده اللي لازم تتحمل الخطأ. اذا بتقولين انك تحبين شخص آخر وهو جاهز انه يتزوجك من بعد الطلاق فأنتي حره ولكن لا تنسين البنتين وفكري وين راح يكونوا وايش حيكون مصيرهم مع اب غير ابوهم او عند اهل ابوهم وبعيدين عنك. الدنيا مش ع الكيف وكل انسان ياخذ نصيبه بالطريقة اللي يكتبها ربي له وهو يختارها ويرضى فيها. الزواج صعب والموافقه على الزوج صعبه ولكن انظري حتى للمجتمعات الغربية اللي فيها تعارف وفيها كل انواع العلاقات المحرمة قبل الزواج ... الطلاق فيها من اكبر النسب في العالم لأن الرضى اصلاً غير موجود. في بريطانيا اصبح الناس لايتزوجون ونسبة المواليد اصبحت مؤرقه جداً وذلك بسبب عدم الميول إلى تحمل المسئولية وتربية الاولاد.

يعني هم عندهم عذر وانتي عندك عذر وفي المحصلة الرضا غير موجود لأن الرضا لوحده كفيل بأنه يعيش الانسان بسعاده ، والزهد فيما عند الناس هو علامة من علامة الايمان.

انا ابي افهم وين الغلط في كلاامي ؟؟؟؟!!!!!!!!!!!!!!!!!!!!!

الاخت ماكتبت المووضوع الا انها تبي حل وتبي من يواااسيها

ومن قال اني انا ابي اهدم بيتها او اني اشجعها على الطلااق !!!

اذا قريتي ردي زين راح تعرفين اني اكثر وحده ضد فكره الطلااااااااااااااااااااق

(( وابعدي عن التنظير والافتراضات اللي امتلا فيها كلامك. ))

ليش ابتعد هذي وجهه نظري واذا موعاجبتك لاتقرينها !!!!!!!!!!!!!

السلام عليكم

ليش امهاتنا وجداتنا كانوا يتحملوا ويتعبوا عشان اولادهم والمراة زمان كانت مستحيل تطلع منها كلمة طلاق


حتى لوكان يضربها ويسبها ويشتمها وهي راضية..هذا مايعني اوافق على كل هذا بس لابين كيف ان


المراة كانت زمان تتحمل وتصبر في سبيل ابنائها وحتى لايتشردوا ويعيشوا في جومتفكك..


لكن في الوقت هذا اللي تتعلملها كلمتين اوتدخل الجامعة اوتتعلم لغات ..تشوف حالها وتقعد تتفلسف

ومايعجبها العجب..:ss:


اختي العزيزة ماتسمعي الكلام اللي يضحكك لانه بكرة يضحك عليك..استحملي شوية كلام صعب وحار


احسن من انك تعيشي ناااااااااااااااااااااادمة..


اهم شئ الرضا بما قسمه الله لك..مادام زوجك لايسكر..ليس مدمن..لايضربك..

اما الحب والمشاعر فهذا كلام مراهقات ..وانت الان ام ولازم تكوني قدوة ..لمابيكبروا بناتك ويسالوك ليش تطلقتي

تقوليلهم مااحبه ..طب ليش تزوجتيه ..وليش ولدتينا..مادام لاتحبيه..في رايك هل هذا سبب للطلاق..


غيري من تفكيرك تسعدين..وتتغير حياتك..


ربي يوفقك ويساعدك..(f)

الله يهديج وش هالكلام انفصل وانتي تتوقعين في احد بيستقبلج مع بنتين لا تتوقعين اهلج الي يحبونج بيفتحون اذراعهم لج لابالعكس اول ناس بتكرهج بالدنيا هم اهلج الاهل يحبون بنتهم لماتكون عند زوجها بس لما تعيش عندهم يبدا الكلام الي ماينتهي والنقزات الي ماتخلص بس حبيبت قلبي انتي عاملي الرجال مثل البيبي وشوفي اشلون يمشي وراج وبس

عليك أختي بكثرة الإستغفار والدعاء لله بأن يلين له قلبك ويحببك فيه كما يحبك

هل فكرتي وشنو بعد الطلاق ليش ما تفكرين في بناتك والوحده بعد ما يكون عندها أولاد مصلحتهم فوق كل شي

أقول صلي على النبي وتعوذي من إبليس

بس افهميني يااخت مريم التغيير مطلوب

اذا كنت فعلا لا تريدين زوجك خوفا الا تقيمي حدود الله , روحي المحكمة فلن يحكم لك الا الخلع

ان تردي مهره , ولا داعي للإستشارة طالما انك منت طايقه زوجك .. وتخافي ان تظلميه

تعوذ من ابليس لعنة الله عليه
انت الحمد الله تقولي انه متعلق
فيك يعني يحبك يعني طيب معاك
قولي الحمد لله غيرك يعاني العكس
يدوروا رضا ازواجهم مو قادرين يشوفوا
نظرة الحب في عيونهم انسي فكرة
الطلاق وراعي زوجك وبيتك وبناتك