من سمعت عن مدرسة ابن الهيثم الاسلاميه..............

ان شاء الله البنات يفيدونج

هلا نجمه الرضا ....والله ماعندي فكره عنها ...بس بحث في مدارس البحرين ...طلعت انها في المنامه اذا تبين رقم تلفونهم انا حاضر موجود عندي .....

اول مرة اسمع عن هالمدرسة

والغريبة انها رخيصة واجد ارخص من الروضات !!!!!!!

شكرا أم عبادي القمر.. هنوفه ...حبيبة جيمي...

رقم المدرسه عندي اياه و طلعته من النت ..........و أني بصرااحه مالييي حاجه في هالمدرسه...لأنه ما نسمع عنها مثل المهد و لؤلؤة الخليج العربي...و غيرهم من المدراس الخاصه في البحرين.............

بس قلت أبغي أعرف عن مستواهم في اللغه العربيه أذا كان ممتاز أو لا؟؟؟
و اللغة الأنجليزية...مثل ما يقولون زين و اللكنه هنديه:D............


ولو كان مستواهم في اللغه العربيه ممتاز...........أحتمال أفكر فيها مستقبلا.........

حبيبة جيمي........ فعلا أني بعد أستغربت من سعرها و قلت خيالي.....

هنوفه الحلوه.....لهالمدرسه فرعين واحد في المنامه و الثاني في المقشع....:D

هلا اني صديقتى بنها فيها وتمدحها واجد وتقول سجلة ولدها بعد ويوم اني بسجل بنتي مريم قالوا مافي مواصلات وهي تصير فبال المستشفى الامريكي

آشوف مكانها عند المستشفى الأمريكي.. ومرة واحد بالدوام يقول أنها زينة ويفكر يدخل ولده فيها.. بس أنا ولا مرة سمعت عنها...

(g)

ولائيه;5720276:
هلا اني صديقتى بنها فيها وتمدحها واجد وتقول سجلة ولدها بعد ويوم اني بسجل بنتي مريم قالوا مافي مواصلات وهي تصير فبال المستشفى الامريكي

يعني بالمرة مافيها مواصلات؟

غريبه !!!

عادة من سمعة المدرسه الزينه توفر المواصلات فيها(g)

بنااااااااااااااات ليش محد يعرف هالمدرسه و هي أصلا قديمه في البحرين و الحين اليها فرع ثاني في المقشع ..........دليل على توسع نطااااااااااااااق المدرسه وليش محد يعرف عنها شي!!!!


حصلت معلومات عنها ...........

رخيصه لأنه طلبتها كلهم هنوووووووووووووووود

و الدراسه فيها طبعا بالأنجليزي.....

لكن............ يعطونهم حصه وحده في اليوم عربي من كتب الحكومة (f)(f)
ماده وحده بس مكثفه
وما يقتصر على القراءة والكتابه+يعطونهم نصوص وقواعد واملاء+وتعبير

ما يسجلون الا في فبراير والدراسه في أبريل

و في شي مهممممممممممممم

ياخذون من عمر ثلاث سنوات

يعني الطفل اللي عمرة أربع سنوات يسووون اليه أمتحان تقيييييييييييم علشان يصير مع الأطفال الليي من سنه طبعا..................

رانيا البحرينية;5720390:
آشوف مكانها عند المستشفى الأمريكي.. ومرة واحد بالدوام يقول أنها زينة ويفكر يدخل ولده فيها.. بس أنا ولا مرة سمعت عنها...

أذكر مرة شفتها و صححححححححححح كلامش يا أم عبدالله صوب المستشفى الأمريكي

عيل لين حطينه اعيالنه فيها بيصيرون عيالنه هنود ...لانه مثل ماقلتي الطلاب كل هنود ...وبيصير ولدي هندي واصدقائه هنود .......................

هنوفه الحلوه;5722400:
عيل لين حطينه اعيالنه فيها بيصيرون عيالنه هنود ...لانه مثل ماقلتي الطلاب كل هنود ...وبيصير ولدي هندي واصدقائه هنود .......................

هههههههههههههههههههههههههههههه حليوه هذه بيصيرون عيالنه هنود.....

يتكلمون بالأنجليزي بس بلكنة الهنود..........

صايره رخيصه لأنه طلابها أكثرهم هنود و بعد فيها بحرينين .......

اممممممم اشلون مدرسة ابن الهيثم الاسلامية وفيها اهنود اكوو مكتوب عليها اسلامية يعنى ما اعتقد اتكون مثل المدارس الباقيه فيها اهنود وانى شفت فرعها الثانى فى المقشع جديده بس عمرى ما سمعت عنها وان شاء الله اكون تدريسها قوي علشان انسجل اعيالنا فيها دام 17 دينار شهريا

مناار;5723111:
اممممممم اشلون مدرسة ابن الهيثم الاسلامية وفيها اهنود اكوو مكتوب عليها اسلامية يعنى ما اعتقد اتكون مثل المدارس الباقيه فيها اهنود وانى شفت فرعها الثانى فى المقشع جديده بس عمرى ما سمعت عنها وان شاء الله اكون تدريسها قوي علشان انسجل اعيالنا فيها دام 17 دينار شهريا

سلام منار......
تتوقعين مافي هنود مسلمين ............عادي........

يعني مو الكل مسلمين بس احتمال الأغلبيه(y).........

المهم ويش أخبار اللغه العربيه عندهم؟؟؟ أذا عندش أحد تقدرين تسألينه و تردين علينه هني ترى هالمادة مهمه مثل ما الأنجليزي مهممممممممممممممم ...

عموما بالنسبة لي من زماااااااان سجلت بتي في المهد ......لأنه أعرف مستوى المدرسه زين و الكل يشهد عليها بس مدرسة أبن الهيثم ماعندي عنها معلومات كافيه و ياريت الكل يسأل علشان تعم الفائده للكل و الأجمع

هلا نجمه الرضا

بغيت اسئلش حبابه عن مدرسة المهد اشلون عن دراستهم ؟

وكم رسوم التسجيل مع الرسوم الشهريه؟

ومن اى عمر انسجل ؟

انى حالين ولدي يدرس فى روضه النورين وسجلته بعد حق السنه الجايه هناك وكلش مقتنعه من تدريسهم بس الى شاغل بالى انى للحين مو راسيه وين بسجله الجايه حق المدرسة كلش محتاره

ياليت اتفيدينى بالى تعرفينه ومشكوره حبابه

هلا مناار .........

روضة النورين ممتازة مثل ما خبرتيني عنها و اللي صار ماعندهم مواصلات الى المنامه فشلتها من بالي ..........بعدين فكرت أدخل بتي مدرسة خاصه علشان تتقوى في اللغة الأنجليزيه و العربيه و اتصلت الى مدارس واااجد في البحرين و كلهم غااالين واااجد و أسعارهم بالنسبة لي خياليه ولأنها واااااااااااااااااااااااااااااااااجد غاليه

و اذا تفكرين تدخلين ولدش مدرسة خاصه لازم من الكي جي و الا بعدين بيسوون اليه أمتحان تقيييم علشان يصير مع الأطفال الليي من سنه

و ساعات تكون الأسعار خياليه مثل ما قلت اليش بس الأسعار رخييييييييييصه مثل مدرسة النهضة و مدرسة الآفاق الحديثه و مدرسة أبن الهيثم الأسلاميه و غيرهم من المدارس الخاصه ومو على بالي الحين و أستغربت من أسعارها لكن المشكله هذه المدارس ما نسمع عنها الكثير ..

و من عادتنه نروح الى المدارس المعروفة و المشهوره ....حتى لو ما نقدر على أسعارها .....

بالنسبة الى المهد..............
65 ...........تسجيل
35..........القسط الشهري
20..........المواصلات
و بالنسبة لدراستهم ..........

المميزات: اللغه الأنجليزية ممتازه ....يحلون واجبات الطلبه (تفتكين من حل الواجبات)...التدريس بشكل عااام ممتاز و شهادتها متعرف فيها من جامعات بريطانيا كبيره....بالاضافه الى سعرها معقول حاليا و الله يستر من الليي جاي


لكن العيوب...اللكنه هنديه للغه الانجليزيه........اللغه العربيه مو لذاك المستوى حسب ما سمعت بس مو متأكده........الخلط في الصفوف و المرافق العامه (لكن في خطة مستقبليه بفصل صفوف البنات عن الأولاد)

مناار .............

ماقلتين ولدش جم عمره الحين؟؟؟ و اذا تحبين تدخلينه مدرسه خاصه لا تنسين لازم من الكي جي.............

يعني لازم من الحين تخططين اليه أي مدرسه تحبين تدخلينه قبل لا يفوت الأوان

مناار;5723390:
هلا نجمه الرضا

بغيت اسئلش حبابه عن مدرسة المهد اشلون عن دراستهم ؟

وكم رسوم التسجيل مع الرسوم الشهريه؟

ومن اى عمر انسجل ؟

انى حالين ولدي يدرس فى روضه النورين وسجلته بعد حق السنه الجايه هناك وكلش مقتنعه من تدريسهم بس الى شاغل بالى انى للحين مو راسيه وين بسجله الجايه حق المدرسة كلش محتاره

ياليت اتفيدينى بالى تعرفينه ومشكوره حبابه

هلا مناار شخباارج ؟

مدرسه النورين مثل ما سمعت عنها انها وايد زينه

بس اذا تفكري تدخلي عباااس مدرسه المهد اتلاحقي عليه من الحين وسجليه قبل لا يكتمل العدد


ولانه ولدش بمثل عمر ولدي فهم ياخذونه كي جي 2 أو الصف الاول على حسب مستواه التعليمي


واني ان شاء الله بسجل علاوي فيها يوم السبت بس اول يسوون ليه أمتحان عشان يحددون مستواه وان شاء الله ينجح


وبالتوفيق ان شاء الله




ولا تنسون دعواتكم لولدي بالتوفيق
مناار انتين سيده أطلب منش تدعين لولدي بالنجااح :wink:

هلا هلا بنونه........

اي والله أتمنى من قلبي ينجح علاوي علشان يلتحق بمدرسة المهد ............

و يصير وية زنوب في المدرسه بس هو في فرع البسيتين و زنوب في فرع سار