من حقي او لا ؟؟؟

المفروض تكون شخصية زوجج قوية وشدخله بامة وباخوه وزوجته يسافرون وياااه .. وه وش هالزحمة ذي .. طيب يسافرون وياكم مرة مرتين بس مب كل مره .. الواحد يبي ياخذ راحته بعد ...

الله يعينك ويصلحلكم حالكم عليكى بالدعاء

¤*~Caramella~*¤;5716668:
ضحي بهالسفره علشان ماتفكر تسافر معاكم مره ثانيه
وخططي لهذي السفره من الحين
وحاولو ماتجلسون في الفندق ابد
دايما برى
وتمشيات وتنقلات من مكان لمكان
صحيح تعب بس تحملي في هالسفره
ولاتخلوها تنام كفايه معظم وقتكم برى واسواق وهالسوالف
ومااعتقد فيه ام تتحمل هالطلعات
اكيد بتتعب ومااعتقد بتفكر مره ثانيه تسافر وياكم

ولو قالت تعبت في السفر اخذوها اي مكان تروحون وخلوها تجلس في مكان واتمشو عنها

معقوله :eek:

هذي أمه مو ضرتهااا !!!


سمحيلي وايد أستغربت من كلامج

الله يكوون بعوونك

وحده من الاخواات قالت ان زوجك يقول لهله انه بيسافر مع اصدقائه

وروحي انتي معااه من غير مايدروون

وفي حل ثااني

الوقت الي بيسافرون مع ولدهم الثااني انتم سافروا كذا ماراح يحسووون بشيء

الله يشهد احترامى وتقديري ومحبتى لهم ، لكن الاخت بنونة مستغربة من كلامي أختى انا صار لي سنين ما سافرت مع زوجى وبالديرة ما اشوف وجهه حرام اسافر بروحى شوي والله اعلم عقب كم سنة بسافر مرة ثانية .. وعلى عينى وعلى راسي بس المشكلة هم يتدخلون بكل شي احنا اهني انا وزوجة حماي مو سالمين من لسانهم بعد اسافر ...... اذكر مرتين زوجة حماي سافرت معاهم مرة سفرة 3 ايام وشافت الويل ومرة بالصيف اللي مضى رجعت ودموعها على خدها تقول لي زاعت الخضر واليابس ان انا وهى مو عاجبينها توقعت كناين (زوجات) احسن منا لأودلاها وووووووو وكلام يجرح ويجرح وهى قالت هالكلام ويشهد انها مرة مصلية مستحيل انها تكذب علي أنزين القلب يثقل بالهطريقة عليهم وتمت طول السفرة مادة البوز ما يسوى علينا .... آخر مرة 3 ايام اتفقنا انا وزوجى واخوه وزوجته نروح دبي .. قبل يوم خبروها رزت الوجه اتصلت بزوجى احجز لي ابجى معاكم وابوكم ما يبي يجي كيفه ...... انزين حجزوا لها غرفة (دبل) وتمينا نطلع الصبح الى آخر الليل وتهاوشت وغثت زوجة اخوه وصار هواش مع اخوه انزين ما يسوى علينا .........


مثل ما قالت الاخت اذا بقول لهم ان انا بحجز وعلى حسابي كل شي ، زوجى ما اعتقد ان يكذب على اهله لأن لازم بيقول لهم وبعد بتقول لو انشالله ساعات بتقول حجزوا ........ والله يا ينات الله يعلم اش كثر انا احترمها واقدرها مهما كان هى جدة عيالي ولا ارد قط بحياتى اذا ضايقتنى بكلام لكن مو ملزومة اسافر وانا صار لي كم سنة مو مسافرة اسافر معاها وهى عندها زوجها ويقدرون يسافرون الواحد بيعيش كم مرة بحياته........
وانا اش كثر مظلومة وهى تستانس لين اشتكى عن ولدها ان هو كذا وكذا هى تقول كل الرياييل كذا واذا تبينه استحملي واذا ما تبينه تطلقي منه تزوجى غيره بذمتكم هاي كلام ينقال والله لو انا ما اخاف من ربي ومو مسوية اعتبار لزوجى جان عرفت ارد عليها............

السلام عليكم ورحمه الله وبركاته

اختي .. نقلا عن كلام زوجي بعد ما قرى موضوعك امس معاي بالليل .. يقولج ..:

الريال امه على عينه وراسه ... والمفروض هو يكون عنده شخصيه .. وهو يقدر تعتذر لها ,,, ويقول لها ان ما يقدر يوديها هالمره يبي يودي زوجته وعياله .. وان شاء الله المره اليايه ...

ويقول لو هو مب قادر يتكلم .. يقول لهم البيزات ما تكفي ... سوري .. بس قال ان ما عنده شخصية زوجك بالموضوع هذا.... ( وجه نظره )

واذا زوجك كل قرارات الطلعه والسفر هي بتتحكم فيها .. يقول خل يقعد عندها احسن .


اسفه اذا كان كلام زوجي قاسي .. بس اعتقد كلامه صح ..

تحياتي
ام جنى

لا اختى بالعكس كلامك وكلام على عينى وراسي ، انا هم كاسره خاطر زوجى ويعرف انى ابي بروحى اسافر ونفس الوقت ما يبي يضايق بيتهم يقول هاي امى وانا ما الومه لأنى اعرف اذا هو قال لها شي او سواه اي حركة قطوها في راسي يقولون له انت دجاجة زوجتك وهى متحكمة فيك وانت بتدش النار وكذا وكذا وانا مو ناقصة لسانهم الزفر .......... انا انشالله خل اولد بالسلامة وعلى الصيف قبل ما يحجز بفهمه اذا احد بيجى معانا يشيل فكرة السفر من باله يسافر مع اصدقائه احسن لي ولا اروح واتنكد..............

اوكي اختي عندي فكرة ثانية لج... جهزو ملابسكم في الليل وركبو السيارة النهار، وين طالعين؟ هني ندور في البلد، وحجزوا لكم فندق او شاليهات في بلادكم غيرو جو، وخلكم حاجزين من قبل حق سفرة وطلعو من الفندق عالمطار على طول، وما يكلم امه الا قبل الطيارة بساعة ويقول لها ان كل شي صار بسرعة، كنا في البلد وحلت لنا السالفة فحجزنا وبنسافر...
امس صار موقف ذكرني فيج، امي دايما لما اقول لها اني بسافر تقول لي اي ما خذتيني وياج، عاد انا بسافر اليوم فقالت نفس الكلام امس، فرديت عليها يما الصيف ان شاء الله لان العيال كلهم مداومين بتتمللون، عاد ابوي رد عليها وقال شفيج كل مرة قاطة الويه استحي هههههههه، طبعا ابوي بمزح قالها، وهي عصبت وانا متى اصلا رحت وياهم وانا ولا مرة سافرت مع بنتي، طبعا انا دافعت عنها لاني كل مرة تقول ليش ما سفرتوني وياكم اقول لها يما رايحين شهر عسل هههههههههه يا مكثر شهور العسل... بس رد ابوي ذكرني فيج، الله يعينج حبيبتي...
وفي فكرة ثانية، بعد يحجز واذا قالت بروح معاكم يقول لها ان شااااااء الله من عيوني، وبعدين يقول لها ما لقيت حجز، اذا لحقتكم بطيارة ثانية هذي "حالة أخرى"
والله يعينج عليها، لو انا منج اقطعها بالكلام لاني من النوع اللي ما يسكت ولساني شوي طويل هههههههههه الحمد لله ان زوجي وعمتي طيبين والا كان من زمان انا مطلقة في بيت ابوي لا قدر الله

الله يعينج أختي ويسر لج..حاولي تقنعين زوجج عشان يكلم اهله انكم بتسافرون رواحكم والله يسر

ونبي الكل يستانس لنا ، فليش انا اروح الشاليهات والف لفة طويلة الى ان اسافر هاي حياتى انا حرة فيها سافرت بسافر اي مكان اكل اي شي اجلس اي مكان مو من حق اي احد ان يلصق روحه فينى ....... وانتى تقولين امك (والله انا عمرى مسكينة امى ما قالت بتسافر معاي) ولو طلبت على عينى وعلى راسي لأنها امى ما راح تغثنى بكلام بالعكس راح تجى بفلوسها وبتسكن بفلوسها مو نفس ام الزوج تجى على حساب ولدها واكلها وشربها وغرفتها ومشترياتها على حساب الولد.....

نسيت اقول لكم يوم اللي رحنا دبي حجز زوجى 3 غرف غرفة لنا وغرفة لاخوه وزوجته وغرفه لأمه (دبل) طبعا كانت غالية بعد ما دفع الا تقول له ليش حجزت لي غرفة جان كنت بقعد معاك ومع زوجتك .:eek::ss::rolleyes:: تخيلوا بس الله ستر ان زوجى كان حاجز لها بس خل غرفتها جنب غرفتنا..... يعنى حتى ممكن دام انها قالت هالكلام بسفرة دبي اللي 3 ايام حتى يمكن بسفرة الصيف اذا لي نصيب اروح بعد تقول نفس الكلام بقعد معاكم بالغرفة....... معقولة هالكلام .. .. عاد تقول لزوجى انا بنام على الكرسي ( الحين معقولة زوجى بيخليها على الكرسي اكيد مكانه بالسرير...... آآآآآآآآه بس ما ابي اتذكر......

الله يكون بعونج يا اختي

طيب عندي اقتراح بسيط

قولي لزوجك يروح يسأل شيخ او مفتي او حد هو يثق فيه ويكون ملتزم

يقوله الموضوع كذا كذا كذا و انا اخاف اغضب ربي وتزعل امي وشو اسوي

اخت نودو أني مو مستغربه من كلامج لا ياختي



عن واقع تجربه شفت عمات يسوون كذا واكثر



عالعموم اني متطلعه من قبل على مشاكلك السابقه مع عمتك واهل زوجك والخ



بس اني مستغربه من رده فعل بعض الاخوات في التحريض انش هالمره تاخذينها واتعبينها بالمسافات



وشوفي ردي مع الاقتباس عشان توضح لج السالفه !!!



مهما كان هذي أم زوجك و جده عيالج ولها الاحترام



المهم دعيت لج التوفيق وربج كريييم مايخيب أحد



شوفي ياختي انتي الحين ودك تسافري وتنبسطي مع زوجك


وفي نفس الوقت تروحي وانتي مرتاحه انش مازعلتي عمتج صح.. ومهم رضاهااا



وأنتي اعرف بوضعك وعندي لج حل ان شاء الله يفيدك



قبل السفر بكم يوم زوريهم وخذي معاااج هديه ليها او بعض الاطباق وجلسي معاهم وانبسطي



بعدها جهزي كل مستلزمات سفرك وقبل بييييوم خبريها انش عازمه زوجك على سفره هديه منج


وهو ماعنده خبر وانج حجزتي لج وله ولأودك ولانك تراعي ضروف زوجك الماديه حبيتي هالمره


يكون السفر كله من صوبك هديه عللا قد فلوسك وانج خبرتيها عشان يكون عندها خبر


واذ قالت بتجي معاكم قولي لها ياعمه لاتحرجيني ترا زوجي للحين ماعنده خبر وهالمكان اللي بروحه


على قد فلوسي وكلها كم يوم وماعندش أكثر !!!!!!



لو فرضا أصرت انها تيجي معاكم فهميها انها هديه وزوجك حالياااا مفلس وماعنده حق أضافات




والله يهدي عمتش يارب وماتكون عنيده وايد

تبين النصيحه:wink:

سافري وية زوجش من غير ما تقولون اليها...........

أو خبروها في نفس الوقت و انتون رايحين المطار وقولوا اليها الحين خلاااااااص مافي حجز:D

و أعطيها كلمتين حليوين علشان ما تزعل منش و أكيد ما راح تزعل من زوجش و اللي هو ولدها

حبيبتي مشكلتك بسيطه ولا تكبريها
ما اعتقد حلوه تسافرون من وراها وتكتشف بعدين وتسويها سالفه
وهي ام زوجك وعيالك احفادها تحميلها ولك الاجر والثواب من الله عز وجل
هي بس بتسافر معكم وهذا حقها على ولدها الي ربته وتعبت عليه وحطي نفسك مكانها قبل لا تسوين اى شي لو بعدين ابنك حسسك انك غير مرغوبه او سافر من وراك وش بيكون شعورك؟
اكيد بتحسين بالقهر والضيق وطبيعة الام حساسه جدا من ناحية زوجة ابنها
انتبهي ولا تتهوري وتغضبي الله عز وجل
تحياتي

!بنونه!;5741386:


اخت نودو أني مو مستغربه من كلامج لا ياختي



عن واقع تجربه شفت عمات يسوون كذا واكثر



عالعموم اني متطلعه من قبل على مشاكلك السابقه مع عمتك واهل زوجك والخ



بس اني مستغربه من رده فعل بعض الاخوات في التحريض انش هالمره تاخذينها واتعبينها بالمسافات



وشوفي ردي مع الاقتباس عشان توضح لج السالفه !!!



مهما كان هذي أم زوجك و جده عيالج ولها الاحترام



المهم دعيت لج التوفيق وربج كريييم مايخيب أحد



شوفي ياختي انتي الحين ودك تسافري وتنبسطي مع زوجك


وفي نفس الوقت تروحي وانتي مرتاحه انش مازعلتي عمتج صح.. ومهم رضاهااا



وأنتي اعرف بوضعك وعندي لج حل ان شاء الله يفيدك



قبل السفر بكم يوم زوريهم وخذي معاااج هديه ليها او بعض الاطباق وجلسي معاهم وانبسطي



بعدها جهزي كل مستلزمات سفرك وقبل بييييوم خبريها انش عازمه زوجك على سفره هديه منج


وهو ماعنده خبر وانج حجزتي لج وله ولأودك ولانك تراعي ضروف زوجك الماديه حبيتي هالمره


يكون السفر كله من صوبك هديه عللا قد فلوسك وانج خبرتيها عشان يكون عندها خبر


واذ قالت بتجي معاكم قولي لها ياعمه لاتحرجيني ترا زوجي للحين ماعنده خبر وهالمكان اللي بروحه


على قد فلوسي وكلها كم يوم وماعندش أكثر !!!!!!



لو فرضا أصرت انها تيجي معاكم فهميها انها هديه وزوجك حالياااا مفلس وماعنده حق أضافات




والله يهدي عمتش يارب وماتكون عنيده وايد