زميلتي ضاعت بكل ماللكلمه من معنى...شو اسوي؟؟

السلام عليكم انصحك تدخلين بايميل تاني ماتعرفك ولا تضيفين احد حتى لوسرقت ايميلك ماتعرفكي وانصحيها من ماتعرف لانك منتي كاتبه اسمك ولاشي يدل عليكي الله يستر علينا

الله يهديها بس..
بس أنا عندي اقتراح
ليش ماسوين ايميل ثاني وضيفيها عندج وطرشيلها ايميلات نصح وتخوفيها شوي وقوليلها سيرتج ع كل لسان يمكن تخاف شوي خل تعرف ان الشباب مامنهم أمان..
الله يهديها بسس ويستر عليها..
ادعيلها بالهدايه

سويلها بلوك ديليت ع طووول ولا ترمسينها ،،


مش بعيده تعطي ايميلج والا معلمات عنج لاي واحد ..

واذا حبيتي انج توصليلها رساله فتكون مجهولة الهويه وتنصحينها فيها بدون ماتعرف صاحب هالرساله ..





والله يهديهاا

استري عليها ولا تكلمينها عسب ما تتمشكلين ولكن اذا تبين تنصحينها


سويلج ايميل جديد بس ضيفيها فيه وكلميها بس لا تقولين منو انتي قولي لها كل اللي بخاطرج وفهميها ان الشباب كلهم يتكلمون عليها بالعاااااااااااااااااطل وانها تخبر بكذا سمعت اهلها وسمعتها !!! بس انتبهي تقولين منو انتي :؟؟؟ لان اخاف تمشكلج !!! فاتحذري منها

انا من رايي
تقطعين علاقتك فيها نهائيا وتنسين انك تعرفيها في يوم من الايام
كل واحد عقله في راسه يعرف خلاصه
بس ياليت لو احد من اهلها يدري بسالفتها ويتصرف معها
بس وش بعده بعد مانتهت

السلام عليكم و رحمة الله تعالى و بركاته،

تبين توعينها و تقولين لها إن حياتها غلط .. يعني هي ما تعرف إن إللي تسويه غلط ؟؟ إذا مثل ما تقولين أبوها و أمها ناس طيبين أكيد مفهمينها الصح من الغلط و تعرف زين إن ما يرضي احد إللي تسويه و تعرف زين إنها تضر نفسها إلا إذا كانت مجنونة و ساعتها ما عليها حرج

أنا أقول لج أولاً إستري عليها و على أهلها .. و إقطعي علاقتج المباشرة معاها .. بالشكل إللي توصفينه يمكن تكون متعرضة لصدمة نفسية قوية أو عندها مرض نفسي معين .. في كل الأحوال و مهما كان السبب الرذيلة حرام و غلط .. و حديث الرسول عن رد المنكر فمو ضروري باليد و بالفعل لأن ممكن بالكلام و ممكن بالقلب .. و الدعاء إلى سبيل الله يكون بالحكمة و الموعظة الحسنة

يعني تظنين إذا إنتي أو أحد من ربعكم أو أي أحد يمون عليها لو راح لها و كلمها و قال لها ترى إللي تسوينه غلط و هالشباب يضحكون عليج و قاعدين يفضحونج تتوقعين يعني مثلاً بتصيح و بتتفشل و بتقول خلاص تبت و ما برجع لهذه الأمور .. ما أعتقد

أحس الموضوع أكبر منج .. و أكبر من صديقاتكم .. فخلج بعيد و إدعي لها

بس في شي واحد صغير ممكن تسوينه و هو إن تفتحين لج إيميل ثاني وهمي و ممكن ترسلين لها رسائل تكلمينها من خلالها .. بس على شرط إن عنوان الغيميل إللي بتختارينه ما فيه أي شي يدل على شخصيتك و الأحسن بعد إنها ما تعرف إذا كنتي ولد أو بنت و قبل ما ترسلين أي رسالة إقريها زين و تأكدي إن ما فيها أي شي يدل على شخصيتك .. و كوني حكيمة في إختيار كلماتك و إذا شفتي الموضوع مو جايب نتائج بعد فترة بسيطة إنسي أمر الإيميل و وقفي ..

ترى الموضوع جد و مو مزاح إذا تخافين على نفسج و سمعتج حاولي تبتعدين قد ما تقدرين و لا تخلين شي منها يطولج .. لأن ما تدرين ممكن تفتري عليج بكلام و أفعال إنتي ما لج علاقة فيها .. و ممكن تحرض أهلج عليج .. ممكن أخوج و ولد عمج تكبر في راسهم و يسون لج قضية بسببها .. ممكن أهلها يدرون و يدخلون في السالفة و يلومونج أو حتى ممكن تقلب السالفة عليج و هلها يسون مشاكل كبيرة مع أهلج .. إللي بهالقواية العيون لا تتوقعين إن في شي يردهم و كل شي توقعي منهم

حاسه بموقفج اختي .. مابيدج الا انج تنصحينها.. ماتدرين كم الناس تشوفينها طيبه بس شر الدنيا يكون في قلبها
يمكن لو ييتي بتنصحينها تسويلج مشاكل انتي في غنى عنها
ادعيلها بالهدايه
بنقول لو هي وايد وياج بتقدرين تكلمينها
والله يستر

ليش كلميها بالصراحه قوليلها يا فلانه للاسف صورج منتشره في كل موبيايل...حافظي على عمرج قبل لا توصل الصوره لاحد من اخوانج وتقدرين اطرشين لها الصوره على الام اس ان مش الموبايل عسب ما تعرف رقمج...وانهي المووضع معها وامسحي اميلها حتى لو طلبت المساعده منج وديها لان خليها اتساعد نفسها لوحدها

أم سلمان الحلو;5737394:
السلام عليكم و رحمة الله تعالى و بركاته،

تبين توعينها و تقولين لها إن حياتها غلط .. يعني هي ما تعرف إن إللي تسويه غلط ؟؟ إذا مثل ما تقولين أبوها و أمها ناس طيبين أكيد مفهمينها الصح من الغلط و تعرف زين إن ما يرضي احد إللي تسويه و تعرف زين إنها تضر نفسها إلا إذا كانت مجنونة و ساعتها ما عليها حرج

أنا أقول لج أولاً إستري عليها و على أهلها .. و إقطعي علاقتج المباشرة معاها .. بالشكل إللي توصفينه يمكن تكون متعرضة لصدمة نفسية قوية أو عندها مرض نفسي معين .. في كل الأحوال و مهما كان السبب الرذيلة حرام و غلط .. و حديث الرسول عن رد المنكر فمو ضروري باليد و بالفعل لأن ممكن بالكلام و ممكن بالقلب .. و الدعاء إلى سبيل الله يكون بالحكمة و الموعظة الحسنة

يعني تظنين إذا إنتي أو أحد من ربعكم أو أي أحد يمون عليها لو راح لها و كلمها و قال لها ترى إللي تسوينه غلط و هالشباب يضحكون عليج و قاعدين يفضحونج تتوقعين يعني مثلاً بتصيح و بتتفشل و بتقول خلاص تبت و ما برجع لهذه الأمور .. ما أعتقد

أحس الموضوع أكبر منج .. و أكبر من صديقاتكم .. فخلج بعيد و إدعي لها

بس في شي واحد صغير ممكن تسوينه و هو إن تفتحين لج إيميل ثاني وهمي و ممكن ترسلين لها رسائل تكلمينها من خلالها .. بس على شرط إن عنوان الغيميل إللي بتختارينه ما فيه أي شي يدل على شخصيتك و الأحسن بعد إنها ما تعرف إذا كنتي ولد أو بنت و قبل ما ترسلين أي رسالة إقريها زين و تأكدي إن ما فيها أي شي يدل على شخصيتك .. و كوني حكيمة في إختيار كلماتك و إذا شفتي الموضوع مو جايب نتائج بعد فترة بسيطة إنسي أمر الإيميل و وقفي ..

ترى الموضوع جد و مو مزاح إذا تخافين على نفسج و سمعتج حاولي تبتعدين قد ما تقدرين و لا تخلين شي منها يطولج .. لأن ما تدرين ممكن تفتري عليج بكلام و أفعال إنتي ما لج علاقة فيها .. و ممكن تحرض أهلج عليج .. ممكن أخوج و ولد عمج تكبر في راسهم و يسون لج قضية بسببها .. ممكن أهلها يدرون و يدخلون في السالفة و يلومونج أو حتى ممكن تقلب السالفة عليج و هلها يسون مشاكل كبيرة مع أهلج .. إللي بهالقواية العيون لا تتوقعين إن في شي يردهم و كل شي توقعي منهم

ماشاء الله عليج دايما حلج يعجبني والله

Candle;5717685:
ابعدي عنهااا لا تحطين نفسك في مشاكل انتي غنيه عنها.......

الحلال بين والحرام بين.. وهي عقلها في راسه... هي اختارت هذي الطريق لنفسها......

=========================================================

عَنْ أَبِي مُوسَى رَضِيَ اللَّهُ عَنْهُ عَن النَّبِيِّ صَلَّى اللَّهُ عَلَيْهِ وَسَلَّمَ قَالَ: (مَثَلُ الْجَلِيسِ الصَّالِحِ وَالسَّوْءِ كَحَامِلِ الْمِسْكِ وَنَافِخِ الْكِيرِ؛ فَحَامِلُ الْمِسْكِ إِمَّا أَنْ يُحْذِيَكَ, وَإِمَّا أَنْ تَبْتَاعَ مِنْهُ, وَإِمَّا أَنْ تَجِدَ مِنْهُ رِيحًا طَيِّبَةً, وَنَافِخُ الْكِيرِ إِمَّا أَنْ يُحْرِقَ ثِيَابَكَ, وَإِمَّا أَنْ تَجِدَ رِيحًا خَبِيثَةً).

اذا الكل عارف سوالفها وكلمتيها بتلصق فيك اللي فيها

ابعدي عنها وخليها تولي ولاكأنك تعرفينها

تسلمو حبيباتي الله لا يحرمني منكم وينور دروبكم

حبيبتي اعرف انج محتره بس مثل ماقالو خواتي امسحي اميلها وابتعدي عنها والله يستر عليها وعلى امة محمد

انتبهي

ولاتقربين منها

وانسيها


والله يهديها ويصلح حالها ويسترها ويستر المسلمات

الله لا يبلانا قولوا امين ولا يفجعنا فبناتنا

الساكت عن الحق شيطن اخرس والله حرام انتي تقولين اهلها طيبين حاولي بطريقه اتوصلين لاهلاها كل شي بس بدليل لان يمكن تنكر ومش من طريقك خليها توصل من حد غيرك عشان تبعدين عن المشاكل والله حرام الله بحاسبك اذا سكتي