ادوخ .. واكلم شباب .. وعمري 16 سنة

ثبتك الله وايانا على طريق الحق..ونسال الله يغفرلك ويغفرلنا اجمعين..اثبتي يا اختي وظلي على معاملتك الطيبة لاختك..حتى لو اساءت لك. شي صعب كثير بس مأمورين فيه .تذكري كيف سامح رسول الله صلى الله عليه وسلم اهل مكة لما فتحها وقلهم اذهبو وانتم الطلقاء..العفو يا اختي والتجاوز محاولة الاصلاح هذا دورك حاليا..واختبار لايمانك..انصحيها بالحسنى وظلي معها من وقت للثاني احكي معها بشرايط بمطويات باي شي يصحيها من غفلتها وربنا يتوب عليها ويهديها ويغفرلها انه سميع مجيب الدعاء..

حبيبتي الله يوفقك ويسعدك وين ماكنتي انتي ومره اخوك

والحمد لله ان ربي هداك وعرفتي الطريق الصح

وبالنسبه لاخت خليهااااااااااااااااااااا الله فوق يمهل ولا يهمل


والله ما يطق بعصى صدقيني بتنفضح وبيعرفون سالفتها

انتي بس عليك بالدعااااااااااااااااااااء وكرري

حسبي الله ونعم الوكيل
والله يوفقك

الف مبروك على الهداية عليج بقراه القران والدراسه ركزي على دراستج ترى الوحده من غير شهادة ما تسوى شي فكري بهالشي وقبل اي شي تسويه فكري فيه من ناحية دينية ربي يرضى ع هالشي والا لا

الله يثبتج ويثبت مرت اخوج ويثبتنا على دين الحق جميعا



ويهدي اختج ويهدينا جميع



اللهم آمين



دمتي بحفظ الرحمن

اختي ابيج تتخيلين موقفج لو لاسمح الله

ان اختج صارلها شي مثلا واحد من ولاد ابليس مسك عليها شي وفضحها فضيحه عوده وصلت لاهلج وصار اللي صار


شوبيكون ردت فعلج؟؟؟ اكيد بتتندمين انج ماخبرتي اهلج من اول وتتمنين انه اللي صار ماصار

اختي فكري زين لوتحبين اختج ماتتمنين لها الشر حتى لوكانت على قولتج متسلطه اهم شي النتايج والله يوفقج طمنينا شوبيستوى

هلا اختي
الله يوفقك..ويثبتك على الحق في الدنيا والاخره..
والحمد لله انك نجيتي من هذا الطريق

انا عندي طريقه تنبهين اهلك على اختك..بس ماادري البنات يايدوني ولا..اذا تنفع سويها
واذا ماتنفع قواوا ماتنفع
شوفي هذا الرقم الثاني اللي تقولين عنه ارسلي لاخوك اللي تحسينه مايرضي بلغلط ويثق في اختك ثقه عمياء
رساله مفادها ان اختك...ماشيه غلط..وياليت تراقبها..واتمنى تشوف بعينك..بعدها احكم..باللي تبيه..
وانا والله خايفه على اختك..والطريق اللي ماشيه فيه..وذيليها باسم..همي

وطمنينا عليك..وسلالالالالالالالالالامتك

دلوعه بحياتي.. فكرتج زينه لكن المشكله انه معظم أهلي يشتغلون في اتصالات و في منهم في التحريات .. المهم اني لو سويت هالحركه بيجلبون الدنيا فوق تح عسب يعرفون رقم منو هذا ..
و حتى لو فكرت أكلم واحد من اخواني.. ماظن حد بيصدق لنهم يشوفوني الياهل الي ما تعرف شي الي مب هينه و هي يشفونها الأخت العوده و القدوه و البريئه والي تستحق الثقه ..

مجروحه بس مجبوره .. أعرف انه بييها يوم و بتنكشف .,. في الدنيا ولا في الآخره.. بس مابا الشي يكون مني., أباها تنكشف و تنفضح عند أهلي مب عند الناس بس ماعرف كيف أفهمهم هالشي.. و ماعرف اذا هو الشي الصح..
أما الباقين مشكورين على كلامكم بس الله بخليكم عطوني حل غير النصح .... ماعرف أخبر ولا ما أخبر.. ماعرف كيف أتعامل وباها اذا هي جدامنا تسولف جنه مافي شي و من ورانا تسب و تظهر رمسات :(...
فديتكم بنات ما قصرتو وياي والله..

ادعوولهاا بالهدااية وانتي ابعدي عنها وخلج قريبه من اهلج وخلاص

الله يهديها اختك ولازم تنتبهو لها وتوقفين معها عشان تطلعيها من الي هي فية ونتيحبيبتي الله يثبتك وداومي على الاستغفار والله يحميك من كل شر

كلم احلام من العسل

كلام احلا من العسل واحس انه من قلب الله يوفقك

حبيبي حمدا لله على هدايتك
بس انا خايفه اختك تجيب لاهلك فضيحه عشان جذي لازم احد من الاهل يعرف بس مو منك مباشرة
يعني مثلا ادقين على اخوك من هاتف عمومي من شارع او مجمع وتكلمونه انتي او مرت اخوك بس تحاولون تغيرون صوتكم وتنبهونه ان يراقب اختك تراها ماشيه في طريق غلط .... او اذا ندك وحده مثل مرت اخوك وانتي واثقه فيها خليها هي تكلم اخوك احسن
لانها تنفضح عند اهلك ولا تنفضح عند الناس وترى الناس ما ترحم بعد
والله يستر علينا وهلى بنات المسلمين جميعا

ممممم من رايي تدعيلها بالهدايه .. لان موقفج حساس معاها
يمكن يرق قلبها ,, يوم بتشوفينها بروحها ورايقه تعاليلها وحسسيها انج محتاجتلها وخايفه عليها وتحبينها
قوليلها انج مب زعلانه منها لانها فضحتج بالعكس هالسبب في هدايتج

لاتخلين حواجز بينج وبين اختج مها سمعتي عنها.. ونصيحه لاتصدقين شي ماشفتيه بعينج او ماسمعتيه بذنيج
الناس وايد ترمس وتحب تسوي فتن

وانتي عاقل والله يوفقج

ماحبيت اطلع بدون ماادعي لكم ..قوي علاقتج بربج ..وربي يوفقج ويهدي اختج..

مشكورين بنات .. أفكاركم عيبتني وايد .. بس أكرر أقول ترى النصح ماا ينفع وياها!
ما قصرتو بنات والله فدتوني وايد :)

ماشاءالله عليج يحليلج واااايد كيووووووووت.........(a)

1. الحمدلله ان الله هداج وتركتي كل شي غلط.
2. الحمدلله ان عندج وحده نفس مرت اخوج, عاقله ودينه وفي نفس الوقت كوول واتحب الوناسه.
الله لا يغير عليكم,, والله يسعدكم ان شاءالله...

من رايي ان تبعدين عن اختك حق ماتسويلكم مشاكل انتي ومرت اخوج... الله يحط كيدها في نحرها...
وبعدين ليش انتي ماتكلمين اخوج؟ اتقولينله؟؟
بس في خوف هذا الموضوع ان اخاف بعدين تنتقم منكم ومدري شتسوي..
لان انتي يوم ماسويتلها شي شوفي شنو سوت فيج.....

فيمكن افضل ان تسكتين وتبعدين عنها
وتشغلين روحج بالدراسه و الاناسه (الحلال طبعاً, بفس مرت اخوج).

وترى مارده الواحد بينفظح... its just a matter of time على قولتهم.. هههه

شرايج؟

فديتج كلامج صح..و صدقج ما روم أكلم حد عنها لني نفس ما قلت قبل محد بيصدق لنه ثقتهم فيها عميه..نحن مبتعدين عنها بس السلام لازم و نحاول نراويها انه نحن مب مسوين حزب نفس ما هي متخيله.. مشكوره

الله يثبتج حبيبتي على دينه وعلى الطريق المستقيم... واختج ما هي كبيرة ولا انها صغيرة ما تفهم!! تقولين ان من عمرها 17 وهي على هالطريج!! يعني صار لها 6 سنوات!!
بقول لج شي وادري ان فكرتي مختلفة عن الباقيين، حبيبتي لما تبين تسترين على حد استري عالغريب، بس هذي اختج وان كنتي ما تقدرين تسوين اي شي لا تهدين لها الخيط والمخيط وتخلينها تلعب على كيفها، انا اقول احسن لج تحاولين تتصيدين لها قد ما تقدرين وتمسكين عليها شي وتعلمين امج وابوج، بتقولين حرام وما يصير افضحها، بقول لج هذا لمصلحتها وانتي ما بتفضحينها عند الغريب، واختج صغيرة، او بالاصح مو ياهل، يعني اكبر مني بس لازم حد يوقفها عند حدها، امج وابوج لما دروا عنج ما ذبحوج، فلا تخافين ما بسوون فيها شي كايد بس بيحاولون يوقفونها عند حدها...
حبيبتي لازم تتصرفين بسرعة قبل لا تتورط اختج في شي لا قدر الله وتنفضح قدام الخلق كله مو بس ابوج وامج، وتداركي الموضوع وحاولي تثبتين لهم انها عكس اللي يضنونه فيها، فهذا الحل الوحيد لوحدة عنيدة وراسها يابس مثل اختج...
والله يهدي الجميع

ان لله وان اليه لراجعون اطلب من الله ان يهدي اختج موزة الى السراط المستقيم وتعرف من الصح منو الغلط وان شالله الله يتوب عليج ويكفر عنج ذنوبج وسيآتج

يعني صفات اختك ما اقدر اوصفها الله يعينك و اصبري اهم شي في الحياة بتتغلبين على مشاكلك الدنيوية و الشيطانية اصبري و ادعي الله انه يقويك و ياخذ حقك منها يا رب آمييييييييييييييييييييييييييييين