متى انسب وقت للطفل الثاني ؟؟؟؟

انابنتي 4 سنين ونص وانا حامل في الشهري الثامن

انا من رايي سنتين لانه انا عندي بنوته عمرها سنتين والناس ذبحتني متى تحملين ؟؟بنتج كبيره اووووووووف وريلي اذاني بعد وانا كنت رافضه لانه وحامي استغفرالله بس اللحين حملت بطيب خاطر وانا بالرابع يعني لما اولد انشالله عمر بنتي سنتين وسبع شهور تقريبا

انا شايفة ان الفرق يكون 3 سنيين معقول حتى يكون الطفل اعتمد على نفسة شوى

أختي هذا يعتمد عليكي...و على زوجك...و نوعية إبنك...و أهلك و أهله...

يعني كل هالعوامل تخليها في بالك...

بس من سنتين و نصف ل 3 سنوات فرق كويس ...يعني توكلي على الله الحين..

برضه مش أول ما الواحدة تقول أريد أحمل تحمل...

أختي توكلي على الله دام ظروفك تسمح ولاتأجلين، أنا حملت بولدي من أول الزواج وبعدين انتظرت لين ماكمل السنيتن وشوي وقلت خلاص راح أحمل ويكون الفرق بينهم ثلاث بالضبط بس سبحان الله ماحملت الا عقب ماكمل السنتين و7 شهور وبعدها أجهضت وللحين ماحملت عليه وهو راح يكمل 4 سنوات... يعني الواحد مو من قال باحمل خلاص راح يحمل...

والله يا اختي يختلف من وحدة للثانية


انا عن نفسي يمكن غير عن اكثر البنات اشوف ان الفرق يكون فوق ال5 سنوات يعني انا الحين عندي ولد وقريب يكمل 4 سنوات لكن ما افكر في الثاني الا لين يصير عمره 8 سنوات لانة التربية متعبة جدا وانا ولدي كل عندي يعني ولامرة من جبته للحين عطيته احد يجود عني وانا ارتاح بدونه او اطلع وهذا طبعا دون المصاريف وتعب الاعصاب ورغم ان ولدي كبير لكن ما زلت اعاني معاه في الاكل ووالنوم والعناد يعني ما اتخيل عندي واحد ثاني والله انجان امووووووووووووت من التعب انا جذي ومو قادرة بعد

[GRADE="00008B FF6347 008000 4B0082"]صراحه هذا الشي يعتمد على الوحده الام اللي تشتغل غير عن اللي ما تشتغل
واللي عندها احد يجود عيالنها غير اللي كله وياها وبروحها وياهم وعن المصاريف اذا كان الواحد زيين يصرف على زوجته او ولده لازم ينتظرون لما يتعدل حالهم لانه لعيال مصاريف وتعب والحين لعيال كلشي يبون

انا بس بنتي اتكمل 3 ونص او 4 وانا توني حاامل بيكون الفرق بينهم اووكي

والله يوفق الجميع[/GRADE]

موضوع رائع

أنا افضل انه يكون بينهم فرق بين السنتين الى الاربع سنوات عشان الوحدة تقدر تتنفس بين البيبي والثاني :)

انا عندي ولد عمره 3 سنوات وشهرين وانا الحين حامل في بداية الثاني

مشكورات حبيباتي ... كنت متوقعة ان هذا ما تقلقون وتفكرون فيه دايما مثلي فقلت لاباس من النقاش ...

حبيبة جيمي : صحيح هذا الشي يرجع لك .. بس انا اقول ان 8 سنوات كثير وزكثير جدا ... يعني هذا الفرق مش هو كويس بين الاطفال في علاقتهم ببعض ... انا اقول ان الان يكفي وحان الوقت انك تفكري تحملي ,, يعني فرق بين 4 الى 5 سنوات ممتاز .. مش كثير بس 8 ... بعدين انتي لسنك كمان نشكلة كل ما كبرتي في السن كل ما الموضوع استصعب اكثر ....

ملاك الرحمان: هذا من ذوقك بس ... ما عرفنا رايك ؟؟؟

انا عني افضل يكون الفرق 4 سنوات يعني بس تكمل بنتي ال4 سنوات
افكر بالحمل ومتى ما كتب الله لي بيكون الحمد لله على النعمة
ولا اايد اكثر من كدة مستحيل مثل ما قالت حبيبة جيمي 8 سنوات
بيكون كل واحد في وادي وكل واحد تفكيرة يختلف عن الثاني..
اعرف وحدة حملت بعد 10 سنوات على ولدها وجابت بنت والحين
كل واحد غير عن الثاني حتى تفكيرهم مختلف ..
والزمن كل ما جاء ويتطور فالحد المعقول والوسط افضل شي..
بعدين الطفل اذا كبر بيحاسب امه ليش ما عندي اخوة مثل الباقي
وتزداد الاسئلة والتساؤلات في عقله وما بيقتنع بولا راي
عن تجربه ..يعني اعرف صديقتي بنتها كملت 10 سنوات
ولا جابت اطفال تقول تعب ومصاريف وتربيه.وكله تهرب وحجايج
والحين بنتها ما كله راسها بكثرة الاسئله ليش انا ما عندي اخو مثل صديقاتي
وليش وليش وليش يعني كلما نشوف البنت ما على لسانها
غير الاسئله وعن هالموضوع بالذات ..
هو كل شي على كتبة الله بس ..اسعى يا عبدي وانا الرزاق!!!

انا بالنسبة لي 3 سنوات ونص .. وزوجي رافض الفكرة يبغى على طول 6 شهور بعدين حمل


بس انا راح اقنعة نستنى شوي لان حملي صعب وابغى اكمل دراستي

باقي لي سنتين واخلص وبعدها يصير اللي يبغاااه

والله بالنسبه لي انا يبت حمود وعقب 8 شهور حملت ويبت مريومه وحمود عمرة سنه و4 شهور صح كان صغير بس ما حسيت بالكسل والتعب الي توقعته يعني تربينهم وتتعبين مرة وحده .. وحمود ما حس بالغيره لانه كان صغير وما يفهم اما الحين لو تشوفينهم ما يستغنون عن بعض صح يتهاوشون بس اذا واحد فيهم اختفا عن نظر الثاني على طول يسالون عن بعض وخاصتا يوم يقومون من النوم..

الحين افكر احمل وفي طريق تنفيذ المشروع وخاصتا ان مريومه كملت السنتين ويوم بربي ان شاء الله بتكون قريب ال3 اذا الله كتبلي وحملت الحين وما اعتقد اباعد من بينهم اكثر عن جي احس مب حلو

اتوقع السن بيكون مناسب وخاصتا ان ما شاء الله مريومه تسمع الكلام وتستوعب وتتجاوب مع طلباتج

وعلى ما اربي ان شاء الله حمود بيكون KG1 ومريومه بتكون فالحضانه

وانا بنشغل بالبيبي

ياربييييييييييييييييييييييييييي الله يعينا حنا يالحريم قسم بالله تعب في تعب
انا عندي ولد وكنت ارضعه كان عمره سنه وثلاث شهور حملت عليه وانا مادري والحمدلله على قضاء اللله وقدره بنتي الان عمرها اربع شهو وهو سنتين وستة شهور ومافكر احمل الااذا جاء عمر بنتي خمس سنوات احل واذا ولدت تكون هي بالسنه السادسه هذا رايي بصراحه والله ولدي مجننني هو والله طفل مثل الاطفال بس انا ماتحمل اي شي اعصب عليه على طووووووووووول وربي احيانا اذا نام اقعد ابكي ليش اتصرف معاه بعصبيه

ام وسام ، كيفك عزيزتي ؟


بالنسبة لرأيي ، انا احبذ التفكير في ا لولد الثاني بعد اكمال الولد الاول سنة و نصف ، يعني مع الولادة يكمل الطفل سنتين و شوي .


مثلي الحين الحمدلله حملت مثل ما خططنا بحيث انه ولادتي يكون عمر صدوق سنتين و نصف !

عشان يتربون مع بعضهم و تكون افكارهم متقاربة و بعد يلهون بعضهم . !



و الله يوفقك !

هلا ام وسام

انا ما اشجع الفرق الوايد

انا كنت مخططة بعد الله طبعا من تكمل بنتي سنتين احمل والحمدلله بفضل الله صار اللي بغيته
وبعد ما ولدت تقريبا عمر بنتي صار 3 سنين واحس ان الفرق حلو

وبعد لين الله كتب المولود الثالث لين كمل ولدي سنتين او قريب يكمل

..وانت تريد وأنا أريد والله يفعل ما يريد..

عن تجربه انا بنتي عمرها 6 سنوات والحين انا حامل الحمدلله

فعلا الحين انا مرتاحه لان بنتي بالمدرسه ومشغوله عني

ومعتمده تقريبا على نفسها


بس احزن عليها يوم كانت تسئلني ياماما انا من اخواتي ؟؟

بالنسبه للعقد ومالعقد هذا يعتمد على التربيه يعني طفلك

علميه انتي انه يساعدك علميه انه يعطي الغير علميه الصفات الي تبينها

ولاتتريكه هو الي يعلمك

ع العموم احس التخطيط مو دايم يضبط

ووبوجهه نظري قبل سنتين مو زين تحملين لانك ماراح تعطين طفلك الاول ولا الثاني حقه

موفقه يارب

لاتنسين الاستخاره

بصراحة موضوع حلو يستحق التصفيق له:clap::clap:بس كل وحدة ظروفها تختلف عن الثانية من الناحية المادية والاجتماعية والتربية لان صعب يكون مدخولك المادي مش ولا بد وتجيبين هذا على هذا وترهقين ميزانية بيتكم مع اني مع ان الطفل يجي برزقه بس اذا كبر شويه زادت متطالبته ويبغى يكون مثل اصحابه ومهما قلت صعب تقول لطفل ماعندي هذي نقطة لو الوحدة تزوجت عمرها25 وطالع ظنك راح تكون على طول شباب اكيد في يوم راح تقل الخصوبة عندها فكيف تطلبون تجيب اطفال كل 5 او 4 سنوات يعني معناته راح تخلف 3 او 4اولاد هذا اذا ماوجهت مشاكل في الهرمونات وغيره ومن ناحية التربية مو تجيك وحدة او واحد مايتحمل الاطفال وتربيتهم ويذبهم على الشغالة:angry: ويقولون ربينا لان الام هي اللي تربي مو اللي تولد وبس كاني كثرت كلام:Dباختصار كل وحدة تعرف ظروف حياتها وحياه زوجها اكثر من غيرها وهي اللي تحكم متى يناسب تحمل بعد الطفل الاول:shy:واسفة خواتي على الاطالة:8884:

انا اشوف يكون بينهم 2 الى 3 سنوات ..عشان يكبرون معا بعض ويلعبون ..وماتيبين الثالث الى بعد مايدخلون المدرسة ..يعني 2 ورا بعض وبعدها راحه 5 سنين

انا رأي من رأي سندريلا الرياض وانا حامل الحين في الرابع وماقد جربت الولادة والتربية

احس اجيب اثنين واربيهم مع بعض حتى يلقى أخو يلعب معه ويتربى معه

ويبقى الموضوع وجهة نظر