موقف طريف او غريب.... - منتديات عروس

س

سفوريه

عروس مشرقة

11-04-2008 | 04:38 AM

السلام عليكم ورحمة الله وبركاته..... عندي مشاركه هي بعيده كل البعد عن موضوع الحمل وغيره ,,,,بس عشان ننسى شوي التكيس والابر والكلوميد....سؤالي واتمنى الكل يتجاوب معاي هل صار لك موقف طريف او غريب ....مع شغالتك؟....لان انا دخلت موسوعة جينيس :eek:من كثر الشغالات الي جبتهم ولا وحده بردت قلبي ...انا عن نفسي مواقف كثيره وبقولها اذا شفت في تجاوب معاي....؟ (y)

و

وحي الفيروز

عروس ذهبية

11-04-2008 | 10:58 AM

موضوع حلو .. والكل راح يستفيد وياخد الحذر

انا حاليا ماعندي شغالة .. لان بس انا وزوجي في شقة صغيرة ...
وان شاء الله مااحتاجها ابدا

Q

Qtr.82

عروس مبدعة

11-04-2008 | 11:26 AM

اف فديتج مواقف عجيبه
انا ببد اول ما وصلت شغالتنا هي قديمة صار لها اكثر من 10 سنوات تخيلو او ما جات وش صار عاد الوالد مع الوالدة كانو رايحن الجمعية لما ردوا هي راحت شلت الاغراض وتصف على كيفها الا ابوي الله يطول بعمره يفتح الثلاجه الي يشوف الصابون والديتول مصفوف صف وش السالفه الا الاخت تحسب هاي عصير تراها فلبينية

ش

شيراد

عروس ماسية

11-04-2008 | 11:58 AM

ماعندي شغالة دائما بس عندي وحدة تجيني مرة أو مرتين بالأسبوع...ويارب يعطيني الصحة وما أحتاجها لاني في شقة...لو انتقلت لبيت كبير ..أكيد وقتها ضروري منها

ر

رونق روحي

عروس ماسية

11-04-2008 | 10:03 PM

Qtr.82;5687665:
اف فديتج مواقف عجيبه
انا ببد اول ما وصلت شغالتنا هي قديمة صار لها اكثر من 10 سنوات تخيلو او ما جات وش صار عاد الوالد مع الوالدة كانو رايحن الجمعية لما ردوا هي راحت شلت الاغراض وتصف على كيفها الا ابوي الله يطول بعمره يفتح الثلاجه الي يشوف الصابون والديتول مصفوف صف وش السالفه الا الاخت تحسب هاي عصير تراها فلبينية

ههههههههههههههه
انا ما عندي شغله بس قبل وانا بنت قبل لا اتزوج كنت دائما اتهاوش معهم الحين كرهتهم

س

سفوريه

عروس مشرقة

12-04-2008 | 02:56 AM

ههههههههههه...صج ضحكتوني ومشكورين على تجاوبكم معاي...انا شغالاتي جبتهم من كل الجنسيات ...ولا وحده كملت عندي 6او 7شهور..مادري ليش مع اني طيبه معاهم ...المهم انا بقولكم سالفة اول شغاله عندي وهي تشبه قصة الاخت qtr.82 ....انا كنت توني جايبتها من المكتب وقلت امر الجمعيه شوي اشتري اغراض...المهم انا قلت لها تعالي معاي طبعا هي ولاتفهم كلمه ...المهم ما التفت وراي الااشوفها حطت شنطتها واغراضها وشلحت نعالها (لله يعزكم)الاخت تبي تبلط في الجمعيه ...فكرت ان الجمعيه بيتنا...وانا منحرجه وهي ولا عارفه بس الحمدلله جات على خير .....مو بس هاي بقولكم قصص ثانيه...انشالله...

ف

فانتولين

عروس جديدة

13-04-2008 | 01:32 AM

هههههههههههه موضوووع وااااايد حلوو...

انا بعد صارت لي مواقف لو بكتبها احتاج 100 صفحه ...

بس المشكله مب متذكرتهم من كثرهم ...

ا

ام محمد 13

عروس ماسية

13-04-2008 | 01:48 AM

ههههههههههه

مواقفكم حلوه مع الشغالات انا عن نفسي ساكنه مع اهل زوجي وماعندنا شغاله ان شاء الله مانعتازهم

س

سفوريه

عروس مشرقة

13-04-2008 | 07:51 AM

اقولكم سالفة خدامتي الثانيه(وهي اندونيسيه)هذي سوت لي فلم اكشن عدل...خلتني اصير (تومب رايدر)...جاتني الحلوه بعد ما صارلها عندي شهرين ...قالت انا ابي اروح بلاد ....بيبي تعبان ...(انا اخبر انه يقولون بابا اوماما تعبان الحين غيروا...)المهم اقولها ...اصبري شوي ..انا بيبي كله صغير ...اشلون تخليني ...طبعا مافي فايده منها...انا خفت لا تسوي شي بنفسها ...بعد اهما يحبون الاكشن ...انا قلت لها زين جهزي اغراضك ..وخلي بابا يوديكي....المكتب...توني ماخلصت جملتي الا وهي طايره على الغرفه...(طبعا هم ينخاف منهم يطيرون من غير مانحس فيهم...واركض انا وراها اقول اشفيها ...واشوفها الاخت ...حطت ظرف داخل شنطتها... واقولها هذا شنو ماترد...ردي علي ماترد...انا اهني خفت قلت اكيد تقرا تعويذه اوشي بتقلبني حشره...اكلمها بالطيب بعد مافي فايده ..ابي اعرف شنو في الظرف تقول هذا صوره انا بيبي ...قلت ياويلي المره ماخذه اكيد صورتنا الجماعيه ...لا كلنا بنصير حشرات ...وجيت امد ايدي على الظرف الاتجيني ذيك الضربه ...انا خفت لا اصحى الاقي نفسي في الهند...وهي بس ضربتني وانا اصرخ باعلى صوتي ...عشان زوجي...(توم كروز) يسمع ...ويجي ويمسكها ويلف يدها...ويرميها على الارض...ويربط يدها بالحجاب مالها.... (هي ترا سوت لنا خوش فلم)ويتصل بالشرطه وبعده انا خذت الظرف وافتحه وانا اسمي ...وخايفه ...وطلع الاخت سارقه فلوس من عندي 4000.....الاخت صارت غنيه وخلاص تبي بالساهل تروح بلادها...خذوها الشرطه وبردوا حرتي ...بس والله الضربه قعدت ايام اتالم منها...الله يسامحها...

Q

Qtr.82

عروس مبدعة

13-04-2008 | 01:39 PM

والله مب احسن لها تمد يدها علي
بس انتي شكلج من النوعية الطيبه معاهم وايد

س

سفوريه

عروس مشرقة

14-04-2008 | 02:01 AM

لازم بكون طيبه معاهم لان اولا واخيرا انا اقول هم تركوا بلادهم وعيالهم وجاوا الى مكان بعيد عنهم بعيد عن تقاليدهم ...بس انا تعلمت درس عدل...المهم اني خلصت منها وارتحت ...والله رزقني بعدها ...وهذا بفضل الله وثم دعوةالوالده لي وهي في مكه ان الله يعطيني شغاله طيبه ...وزينه..والحمدلله عندي وحده كملت عندي 4سنين ...ومرتاحه منها كثير...بس بعد ماجبت 9شغالات...

ع

عطر اللافندر

عروس جديدة

16-04-2008 | 01:52 AM

مرحبا ...موضوعج وايد حلو بس اشلون جاتها الجراه انها تمد ايدها عليج ...المهم انا عندي شغالتين بس مجننيني كل يومين متهاوشين مع بعض تقولون كان كل وحده بايقه زوج الثانيه ...صراخ وضرب وزعل ...واليوم الي يتهاوشون فيه مايطبخون عدل ولا يغسلون عدل والى اخره من شغل البيت...ومحد ضايع غيري ...والمشكله انهم من نفس البلد ..مره كنت جايه من الشغل اشوف البيت مو مرتب ولا مسووين شي ..وكل وحده اطلعت لي بشنطتها ...ماما يبي سافر بلاد...واجي انا امسكهم واقولهم اوكي بتروحون بلاد بعد ما تردون قيمة الفيزا الي دفعناها ....والا اوديكم الشرطه....طبعا من تقولون لهم بوليس ...يموتون من الخوف ...وبعدها بكم يوم اشوفهم اشحلاتهم واش زينهم ..والله يستر ..

س

سفوريه

عروس مشرقة

27-10-2009 | 12:23 AM

السلام عليكم ..الصراحه حبيت ارجع للموضوع لان في خلال هالفتره كلها صارت مواقف وافلام كثيره معاهم........وبحكيها قريب انشاءالله..

ق

قلب البتول

عروس ماسية

28-10-2009 | 12:36 AM

ههههههههههههههههههههههههههه اللة يعينكم على الخدم موضوعكم حلو