ارجوكم ربنا ميوقعكم فى مشكلة ساعدونى

السلام عليكم ورحمة الله وبركاتة
ارجوكم يابنات انا هحكلكم على مشكلتى وتقلولى رايكم انا مخطوبة من حوالى 7 شهور وخطيبى لما جه اتقدملى وحصل نصيب بسبب ظروف عماله بالخارج مكنش ينفع يقعد اكثر من اسبوع وطبعا انا ملحقش اعرفة فى الاسبوع ده فكانت الوسيلة الوحيدة لمعرفتى ليه هى النت او التليفون فطبعا تخيلوا اتين مبكلموش غير فى التليفون او على النت فااكيد انتى مبتقدريش تحكميه عليه زى مايكون معاكى عشان الانسان مبيبنش غير من تصرفاتة على الطبيعة قدامك المهم هو نزل اجازة الشهر دى بقلى 15 يوم هنا فمصر قبل مااحكلكم عايزة اقلكم انوا بيقلى ان هو بيحبنى بطريقة مش ممكنة وانوا بيغير عليا بجنون وده اللى خلنى انا كمان احبه وانا حبيته من طريقته فى التليفون لكن لما جه مصر لقيت فيه حاجات بانت اكثر لما قعدت معاه اولها انوا صاحب اخويا الانتيم اول زعلت منه فيها انوا مجبش هدية لاخوايا حتى لو كانت هدية رمزية كان الاول عادى لما مكنش بيجبلوا لانوا لسه مكنش خطيبى فااخويا مكنش بيزعل لكن لما جه ومجبلوش هديه استغربت وقلت دى ممكن يكون بخيل بس فى حاجات تانية بحس فيها انوا مش بخيل فبقيت محتارة هو بخيل ولا لا حتى امى واخويا واختى زعلوا وقلوا المفروض كان جاب حاجة مجلرد رمزية والله يابنات احنا مش مدققين فى حكاية الهدية ولا الموضوع اننا محتجانها لا بس اسمها زوق يعنى تانى حاجة انوا كان قلى عايزين انوا حسيت ان مرات اخوه لما بتقول رايها فى حاجة هو بيقطنع بيها وبيقلى بس انا هعملك اللى انتى عايزة يعنى ماالاخر هيعملى اللى انا عايزة عشان بس ميزعلنيش لكن هو فى الاساس مقتنع براى تانى اما اخيرا حصل موقف النهارده بقى كان عندى جامعة وانا نازلة وراحة اركب العربية والله يابنات اتمنيت انى الاقيه فى العربية اللى هركبها وخصوصا انتنا كنت عارفة انوا هينزل فى نفس التوقيت اللى انا هنزل فيه اروح جامعتى عشان هو كان وراه مشوار وبصدفة وانا بركب كان فى العربية معايا الحكاية بقى انى لما ركبت العربية ملقتش مكان فالسواق قلى اقعدى ورايا انتوا فهمين الحته اللى بتبقى وراء السواق بتبقى ضيقة ومتعرفوش تقعدوا المهم قعدت فهو شفنى ومقليش وكلا كلمنى خالص ولا حتى فكر انوا يدفعلى دى من الذوق يعنى وبعد اما وصلنا لقيته جاى وبيقلى ازيك رديت عليه وقلتله اده انت كنت فين قلى انا كنت راكب معاكى العربية فضيقت قوى ازى يكون راكب معايا وشيفنى وانا مش عارفة اقعد وميفكرش انوا يقلى او يكلمنى حتى المهم قلى انتى راحة الكليه قلتله اه فقلتله انا هستاذن عشان عندى امتحان ومتاخرش وانا قلتله كده لانى كنت زعلانة لانى عرفت انوا شفنى ومكلمنيش بس انا فعلا كان عندى امتحان فقلى طب تعالى اوصلك لموقف عربات اللى بركب عشان اروح للجامعة ففى الوقت دى كان فى ميعاد مع صاحبتى عشان نروح مع بعض فتصلت بصحبتى فمردتش فهو كان واقف معايا فى الموقف فقلته اظاهر انها هتتاخر شويه انا هقف استناها وانت لو وراك حاجة روح خلاصها فقلى طيب ماشى انا همشى بقى وسبنى لوحدى وقفه فى الموقف وانتوا عرفين الشباب لما بنت بتبقى وقفة لوحده ساعات بيرخموا فانا لما قلت ليه روح شوف انت وراك ايه كنت مستينه منوا انوا يقلى لا انا مش هسيبك لوحدك لحد مصحبتك تيجى لكن مشى وسبنى بس للامانة هو اتصل بيا بعدها وقللا صحبتك جت ولا لا المهم انا فى نفس اليوم النهارده كان عندى فرح بتاع بنت خاله فهو قلى انا هتصل بمامتك عشان اتفق معاها هنروح امتى فلما اتصل بماما قلها هتيجوا الفرح ياطنط ماما قلتله لسه مش عارفة قلها المهم انا هسبكوا وابقوا حصلونى انتوا شفتوا بقى المفروض الزوق بيقول انوا يعدى على خطبته فى البيت ويخدها لانى انا راحة عشان خاطرة هو المهم لما هو قال لمام كده ماما قلتلى دى معندوش ذوق خلاص احنا مش رايحين وقلتله قبل متروح الفرح عدى عليا فجه وماما قلته على اللى عمله معايا فى العربية والموقف مع انى مكنتش ناويه اقول لحد بس انا غصب عنى كنت عايزة افضفض لحد يبقى قريب منى ويفهمنى المهم لما ماما قلتله قعد يقلها انا مرضتش اكلمها فى العربية عشان الناس متخدش باله ماما قلتله وفيها ايه لو شفوك بتكلمه هى مش خطبتك ولا هى صحبتك ولا انت فى ايه ففجاه لقيت بيعلى صوته على مامتى ماما قلتله انتى بتعلى صوتك عليا قلها ياماما اصل حضرتك مش مدينى فرصة اكلم المهم الموضوع انتهى ان ماما زعلانة منه جدا وكمان انا زعلانة وخصوصا انوا متصلش بيا لحد دلوقتى بس للامانة هو طلب يقعد معايا بس انا قلت لبابا وماما انى زعلانة منه دلوقتى ول قعدت معاه اكيد هنشد فى الكلام فعشان كده انا قلت اخد رايكم واشوف اقله ايه انا اسفة جدا انى طولت كده بس لازما كانت احكلكم بالتفاصيل عشان تقدروا تحكموا بعدل الله هو غلطان ولا لا ياريت تقلولى اقله ايه؟