كرهت زووجي ؟؟عندكم حل

سبحان الله يمكن ريلج من النوع اللي قلتي انه مب قادر ينساها اهني المشكله زززز
واهني العوق انه مب قادر ينساها ززززز وعشان ينساها لازم ينشغل بشي ثاني اهم
مثلا عيالكم اموركم شغله اي شي حاولي انتي زززز

الله يوفقكم يارب الله يسعدكم ويسخر لج زوجج

ذكريه انه هالشي اللي يسويه مب زين خاصه ان عنده خوات حرمه عيال

الله يعينج

يابنات المشكله مو بالبنت اللي يكلمها لو ماكلمها بيكلم غيرها يعني مافي فايده في انها تدق عليها وتهزأها .. اقل شي تبي تقوله زوجك اللي راكض وراي ..

انا اقولك حبيبتي ريحي راسك مادام هو مو مقصر على البيت وعلى عيالك وسافري وادخلي واطلعي وابسطي ... ولا تبينين له اهميته ابد ترا الرجال يموت قهر ن الحرمه اللي تطنشه ..

صراحه اختي اذا ماعندكم عيال حطي له حد يعني ياانتي ياهالخرابيط والمسخره ترى اارياجيل اللي يخونون زوجاتهم ماينفع معهم مسايره والا تفاهم صدقيني شوفي حبيبتي اذا كان كويس معك من كل النواحي الثانيه اقعدي معاه وقوليله انك تحبينه وشاريته لكنك ماترضين بالخيانه وحددي له مهله يعني مثلا 6 شهور وخذي حبوب منع الحمل بهاالفتره واذا ما تسنع واعتدل حاله بالذات اذا كنت متاكده انه يزني والعياذ بالله اتركيه ولا تقولين احبه ومااقدر والله اكتب لك عن تجربه اختي كان زوجها على طول سهر برا البيت وفي هذيك الاماكن وكنت اقولها والله مايستاهللك تطلقي وهي مو راضيه وتعطيه فرصه ورا فرصه والحين صار لهم 8 سنين وعلى ذا الحال وهو لما شاف انها ماتقدر تسوي شي زاد خباله تخيلوا انها صادت مره يكلم ويقول للي يكلمها عن بنت ثانيه واني مانمت معها الا مرتين المهم اختي لما سمعت هالكلام دخلت عليه تخرع وسكر التلفون وجاها يعتذر منها ويكذب عليها وبعد اسبوع رجع لحالته انا دايما انقهر من اختي وسلبيتها وهي اللي سمحتله تمادى الحين لا سمح اللهلو ينقلها مرض الايدز هالعيال من بينفعهم لاام ولا ابو انا اسفه طولت عليكم لكن ياليت الحريم يحطون للرياجيل اللي كذا حد ومايتهاونون من البدايه بحجة احبه وابي اخسره لانه بالنهايه راح تخسرين نفسك وراحتك واعصابك وانوثتك واخيرا الله يهدي شباب المسلمين اجمعين

بصراحه الخوات كفوا ووفوا ... بس حبيت اعلق على الموضوع باضافه بسسيطه ...

حبيبتي اول شي الله يصبر قلبج .. والمشكله ماهي خيانة زوجج وبس .. المشكله صارت مشكلتين لانج صرتي كارهته .. وهالشعور صعب انه يزول حتى لو زالت اسبابه (وهي الخيانه) !!

الرجال مستمر في غرامياته لانج مابينتي له ردة فعل قوية تهزه وتلخبط كيانه مثل ماهو ملخبط كيانج ..

خلج قاسيه معاه في هالموقف .. لان هالمواقف ماتنفع معاها الطيبه والحنيه .. بس خلج قاسيه بحكمه ..

مع اني مو من النوع اللي يأيد ان تترك الزوجه بيت زوجها وتروح عند اهلها لاقل سبب .. بس هذا مو سبب بسيط .. وهذا من اقوى الاسباب اللي ممكن تدفع الزوجه لهجر عشها الزوجي ..!

اهجريه وروحي بيت اهلج .. بس مو تتركين الموضوع عايم عشان ماياخذ راحته وايد في غيابج .. لازم روحتج لبيت اهلج يكون معاها تدخل من طرف الاهل .. ابوج ..اخوج .. امج .. اي حد تشوفين انه قادر يتفاهم معاه ويحط حد لهاي المهزله اللي هو قاعد يسويها ..

وهو اذا شاريج وشاري العشره اللي بينكم بيحاول انه يصلح الامور .. لان وقتها بس بيحس ان بدأ يخسرج .. وان تصرفاته الغير مسؤولة اثرت وبشكل خطير على استقراره العائلي .. اما اذا بقيتي ساكته وقعدتي معاه بالبيت وكأن شيئاً لم يكن .. فعمره ماراح يحس ...

ادري الفكره صعبه .. بس اللي اصعب منها انج تعيشين مع كل هالعذاب بدون ماحد يحس فيج ..
وحطي شغله مهمه في بالج .. اهلج لما زوجوج من هالرجال .. زوجوج عشان الستر والحياه الكريمة وراحة البال .. مو عشان البهدله والتعب النفسي ...

والله يصبر قلبج .. ويهدي لج زوجج .. ويعوض صبرج عليه بكل الخير يااااااارب

شوفي يابنت الناس من شب على شي شاب عليه
انا اشوف الخوصران يقطع الموصران
طنشيه ولاتعطينه اهميه
بس انا ابي اعرف انت عندك اولاد منه
لو عندك اولاد اصبري كرمالهم لاكن لو مافي احسلك انفدي بجلدك لان الخاين ماله امان والراجل مايتوب الين يشيب

المشكله عندي بنت عمرها عشرشهور
يعني مااقدر اخرب بيتي

انتي مابتخربين بيتج ...

زوجج هو االي خاااااااربه وخالص ...

ولا تعتقدين ان بسكوتج بيتج بيعمر !!!

ياحبيبتي هذا ابتلاء من رب العالمين ..

الله ابتلاج بزوج وارزقج منه بطفله .. يعني انتو اسستوا عايله ..

وهالشي يتطلب مسؤولية من الطرفين ..

واذا هو مو قد هالمسؤولية ..

بتصيرين انتي المسؤولة عن هالبنت وتربيتها واستقرار نفسيتها ..

واذا استمريتي بهالحال .. وظلت اعصابج محروقه ...

مااعتقد انج بتقدرين تقومين بواجباتج كأم على أكمل وجه مع هالبنوته ..

واذكرج مره ثانيه ...

انتي مابتخربين بيتج .. لان مو انتي اللي قاعده تخونين !!!

اللي يخون هو اللي يهدم ويخرب على نفسه واهله ...

لازم يكون لج موقف حااازم .. (وانا مااقصد الانفصال لا سمح الله)

بس الهجر وتدخل الاهل يمكن يحل جزء كبير من المشكله (اذا الزوج حط عقله براسه)

والله يهديه ويرده لصوابه يارب

وانتي دوم ادعي له ... وتصدقي بنية دفع البلاء ..

والله يكتب لج اللي فيه الخير

الدعاء هذا شي .. بس اكبر خطأ الانسان ممكن يرتكبة انه يبوح بالي بداخله خصوصا الكره .. انتبهي .. وهذا ابتلاء من الله ..

تصرفك يوم طرشي المسج أنك تكرهينه غلط غلط كان لازم تتوجهين لله عز وجل أنه يزيل هذي المرأة من درب زوجك صلي في الثلث الأخير من الليل وشوفي اشلون يرجع لك ما يشوف غيرك