مشكلة جايبالى اكتئاب

السلام عليكم ورحمة الله

انا عندى مشكلة يمكن ماتكنش كبيرة بس بالنسبة ليا هى اهم واكبر عقدة فى حياتى
انا عمرى 21 سنة من مصر

ومشكلتى وانا فى سن 14 عام جالى تسوس فى الاسنان الامامية مثل اى حد بس ربنا رزقنى بدكتور الله يجازيه مشكلتى كانت فى سنةواحدة ولكن عشان ياخد فلوس اكتر قالى محتاجة تلبيسة (طربوش) للاسنان ال4 الامامية وفعلا عملتهم وبعد 3سنوات حسيت ان فى تغير رحت لدكتور اخر وده فعلا والله ابن حلال وهو اللى قالى انعم من الاول مكنوش محتاجين التلبيسة بس يلا الحمد لله:(

المهم الدكتور ده غيرلى التلبسية من سنتين تقريبا والحمد لله مرتاحة فيها واللثة مرتاحة فيها مش زى الاولى

وكنت بفكر فى زرع االاسنان لكن هو مش محبذ بها هنا فى مصر فلو حد عنده تجربة يساعدنى ويرشح لى دكتور
انا بلاحظ يعنى مثلا واحدة زى نانسى عجرم كلنا عارفين ان فمها كله تلبيسة بس مش زى بتاعتنا اسالها هى:D ولااعمل اية

فى سؤال تانى محرج شوية انا خايفة انها تقع فجأة امام حد خصوصا زوجى فى المستقبل:confused: شكلى هيكون وحش اووووووووى
وخايفة انه لما يجى يبوسنى تقع :o وانا السؤال ده خايفة اساله ومكسوفه طبعا اساله للدكتور

معلش طولت عليكم بس ساعدونى الله يخليكم