نوم الطفل مع والديه

الله يساعدش و كلهم الأطفال هالشكل ما ينامون الا مع أمهم و أبوهم على السرير...

للحين أعاني من أولادي........ومافي فايده لأنه خلاص كبروا...ما شاء الله ....

أفكر مستقبلا نفصل اليهم غرفة نوم متكامله و خاصه بتشيكلات الأطفال مثل فله ...سبايدر مان ....علشان يتشجعون ينامون فيها بروحهم ..........

أعرف وحده عودت طفلها ينام في غرفة بروحه من عمره شهر......و كل ما يصيح تسمعه عن طريق الجهاز الخاص لهالشغله....و تروح اليه غرفته و ترضعه و ترجع تنام في غرفة النوم ......

الحين عادي ما شاء الله عليه لأنه ما فهم الا و هو ينام بروحه و في الظلمه......

في رايي اذا تقدرين تنيمين بنتش فر غرفة بروحها قبل لا تكبر و تصير تقهم و بعدين صعب....

جزاك الله خيرا اختي نجمة رضا وشكرا على الرد

حبيبتي هذا الغلط من البداية نعودهم عى النوم يمنا

بعدين نتورط

كان فيه موضوع رائع للمشرفة ترانيم الله يشفيها

تقول مل تغيير بحياة الطفل يبيله اسبوع حتى يتعود عليه

انتي ظلي حاولي و لا تستلمين للتعب او البكاء

لان اذا كبر اكثر ما راح تقدرين تسيطرين عليه

انا ولدي عمره 9 شهور و نص نقلته لغرفته لان اذا كبر اكثر راح يبهذلني

بالتــــــــــــوفيق

مساء الخير
أختي المفروض تعودي بنتك من الحين تنام
في سريرها لأنها راح تتعود على هالشي
أنا ولدي مستحيييل أنومة عندي كلللله في سريره وأحسه يرتاح
وان شاء الله ناوية أسويله غرفة بروحه علشان يتعود ينام فيها بروحه

هاي اكبر غلط انج تنيمينه يمج حاولي ان نتيمنه في سريره لانه اذا خليتيه بيكبر وبيتعود وبعدين بيصير صعب ان ينام ..انا عودت عيالي من وهمه صغار يرقدون في سريرهم ومن كملو سنتين خليتهم في حجره بروحهم والحين الحمدلله ولدي عمره 4سنوات من يحس روحه بينام علطول يروح حجرته ويرقد حتى اخته بعد عمرها 2نتين و4 شهور اخليها ترقد في الحجره ويا اخوها وفي سرير بروحها..

انا بنتي تنام في سريرها من كانت في الشهر ال2 ..واللحين باعدت سريرها عن سريرنا ..قامت كله تقعد بسرعه تصيح ساعات اقوم لها وساعات لااحقرها وتنام بروحها ...لانه اذا خليتهاعلى كيفها ولا عقب سنه بترضى تنام بعيد عنا ..يعني شوي شوي ..لين اوديها بروحها في حجرة بالمستقبل:21_195:

والله انا اللي بنتي ذبحتني تغار مني على ابوها وماتخليني انام عنده لازم اهي تنام بالنص مع العلم عمرها سنتين ونص قولولي شنو الحل وابوها يشجعها

اختي جمجومه انا نفس حالتج هههههههههه بنتي تغار مني على ابوها

الله يعينا انا بنتي من عمرها شهر كنت انومها بسريرها لكنها تصيح ولا ترضى تنام

وبعدين اكتشفت ان سريرها ما ترتاح فيه يعني مو حبا فيني-كخخخخخخخخخخخخخخخ

قمت انومها على الارض طبعا بفراش والحين عمرها سنة ونص وما شاء الله تحب فراشها

والله نفس المشكله بنتي من عمرها شهر وهي تنام معاي والحين عمرها 7 شهور والمشكله الثانيه ادا نامت بسريرها تجلس مفزوعه:confused:

انا ولدي من كان عمره شهرين وانا انومه بغرفته

بس الحين نقلت سريره عندي لان غرفته مافيها تكييف والجو حر

اول ماركب له تكيف برجعه لغرفته

اذا كنت برا البيت ويبغى ينام يجلس يبكي متوعد ينام في سريره

انصحك اذا كان عندك غرفه خليها للبيبي ومن الحين انقليها وخليها تنام في سريرها في البدايه راح تتعبين بس صدقيني كلها اسبوع وراح تتعود ولا تسمعين كلام الناس انه حرام تنام بروحها وانها بتخاف الطفل على ماعودتيه
باقولك شي يمكن تستغربين انا الحين عمري 23 وماحب انام بروحي !! لاني كنت انام مع اخوااتي

وبنت خالتي بنتها عمرها 9 سنين وللحين تنام معهم في نفس السرير !!

بالنسبة لابني فهو ينام جنبي وعاااااااااااادي بالعكس اشجع هذا الشي ففي صغره تعب وارهاق للام تقوم ترضع ابنها بالغرفة الثانية وترجع لغرفتها وخصوصا للام العاملة ولما يكبر ويصير يشرب بالرضاعة صراحة اخاف عليه يختنق وهو يرضع ولا تقولوا رضعيه بعدين خليه ينام في غرفته لأن الطفل كل شوي يصحى يبغى حليب وانا لاني ام عاملة واحب ابني كثييييييييييييييرا فصراحة استغل كل دقيقة اخليه جنبي سواء نايم صاحي والله حتى لما بطبخ بيكون معي بالمطبخ وحبيتي لما يكبر يعني خمس سنين مثلا بيكون عنده اخوان ثانيين او خوات ان شاء الله ساعتها ممكن افصلهم في غرفه وبيكون كبير وبيستوعب وبيفهم انوا كبر ولازم ينام بروحه ....اختي رح اقولك نصيحة شوفي ناس قبل كانوا عشرين نفر في غرفة وشوفي التراحم والأخوة والعطف بينهموالامان والاستقرار وكانت الجرائم قليلة في زمانهم لكن مع التطور حاليا وافكار الغرب الغلط انوا نفصل طفل عن امه في الاعوام الخمسة الاولى في رائي غلط وجعل اطفالهم مرضى نفسيا دايما عندهم نقص تجاه امهم وابوهم و تتنشر عندعم مرض التوحد والكوابيس بالليل وضعفاء تجاه اي شيء ولان بيكون الاساس غلط ومبني على ان الواحد يعيش لوحده فيكبروا غاضبين على كل شيء وتؤدي الى الاخطاء والعناد ليثبت وجوده وبعدين الجرائم والسجن ....اختي ما تفكري في الموضوع كيف تفصلي اولادك عنك علشان يستقلوا بيجي يوم يستقلوا ويثبتوا وجودهم ويرفضوا رفض بات النوم عند الوالدين وبيكون اخذ كامل الحنان ويحس بالطمأنينة (رغم انه ما عارف ليش بيحس بالاستقرار والطمئنينة ) لكن نتيجة ان طفولته كانت صحيحه واشبع بالامان والاستقرار وهو صغير وهو نايم ! وصدقيني اخي كان ينام عند امي للخمس سنين وبعدين صار ينام معنا نحن البنات وعادي جدا وبعدين لما صار ثمان سنين امي فصلته عنا ولانوا خلاص تعود على النوم بمفرده وفي الظلام ! ومرات نقول له روح نام عند ماما يقول عيب عليكم صرت عشر سنين وكبرت !.....تحياتي

شكرا على الردود الجميله اخواتي الحبيبات وجزاكن الله خيرا
بالفعل بدأت ولله الحمد تنويم طفلتي في سريرها , حتى لو صحت ارضعها وانيمها في سريرها من جديد حتى تتعود.
وكبدايه وضعت سريرها بجوار سريري حتى تشعر اننا قريبين منها وان شاء الله قريبا ابعده وبعدين اخصص لها غرفه مستقله ان شاءالله(y)
جزاكن الله خيرا