مشكلتي مع زوج صديقتي

ما اعرف الصراحه اختي .... بس الريال من نفسه المفروووض يرد المبلغ

السلام عليكم ورحمه الله وبركاته

اختي .. هونيها وتهون ... عيل شتقولين .. انا علي قرض 10000 دينا وزوجي 13000 الف دينار ,, والله العالم كم يصفى من راتبنا .... ومسلف رفيجه 5000 دينار .. ومستحي يطالبه فيهم ..وانا ميته قهر عليه ... ورفيجه كل شهر يتعذر له بعذر اقبح من ذنب .. اخر مره رفيجه سكر كل تليفوناته .. وخله زوجي ملطوع 3 اشهور مايدري عنه شي .. ويوم فتح تليفونه .. قعد يتعذر ان البزنس ماله تعبان وما دخل فلوس وان مسكر تليفونه عشان ... كان نفسيـــــــــــــــــــــا تعبان ..

عيل احنا شنقول ... وهو للعلم عايش بفله .. وعنده محل عقارات .. وعلى قولته ... ضايقه فيه الوسيعه ,, واحنا عايشين ببيت اهل زوجي وديون لين راسنا ... ومب مقدر وضعنا ولا مستحي على ويهه وزوجي .. مسكين ... كل مره يعذره .. بس الحمدالله ان وقعه على سند قبض .. ان مستلف من زوجي هالمبلغ ..

تدرون مره سوا فلم هندي حق زوجي لدرجه زوجي قال بتنازل عن المبلغ لو ما وقفت له وقلت له ان احنا محتاجين هالمبلغ حق عيالنا ونحطه لهم بالمستقبل جان تنازل من زمان..

الله يفرج همج اختي

تحياتي
ام جنى

مشكوره ياختي بس شو بنسوي هذي دنبه

صح نسيت اخبركم ان ريلي قالي في مره ربيعه انسرق منه 3000 درهم من كم يوم ولله اني فرحت اكثير لما قالي:sm2441: عصب ريلي تعرفوا ليش عشان قلت يستاهل ربيعك مره 2 يرد فلوس الناس:21_133:

الله يكون في عونش

صرااحه المبلغ مو شوية بس حاولي تتباعدين عن المشاكل و تعرفين المال يروح و يجي من عند رب العالمين فلا تلحين على زوجش مرة ثانيه ولا تضيقين على روحش


و الله يوسع عليكم من رزقة...............

فديتج اختي الرياييل كذا

نفس زوجي بالضبط

لو نعيش حالة تقشف بس مستحيل يقول لربعه ابي الفلوس اللي سلفتكم

وانا بالبداية كنت مثلج بس بعدين شفت ماكو فايده وسكتت عن الموضوع خير شر

وعاد الموضوع صارله اكثر من سنة والريال حصل مبالغ مضاعفة عن مبلغ اللي مسلفة ريلي من بيعة ارض

بس والله ريلي ابد ما جاب سيرة البيزات خير شر

يقول ربيعي والناس لبعضها وهو صاج فديتج

وربج كريم

انا بعد اقول نفس الخوات انتي اعتبري انه ها الفلوس مش موجودات وترا زوجك مهما كان ما يحب يطالب ربيعه وبعدين شو تقولين عاللي ياخذون فلوس سلف وما يردوهم الا بعد سنين

أنااا أقول هااي أمور بين الرجاااجيل والمره ماا تدخل فيهن والدين ترااا شين وماا دام راعي الدين ماا ردهن وهو مقتدر فذنبه على جنبه وريلج كريم ونشمي ماا قال ماعندي يوم بغاا ربيعه يتسلف عنده ولاا قاله عندي حالة تقشف وهذا من شيمة الكرماء فلاا تتدخلين في الموضوع نصيحه وربج بيكرمج إن شاء الله

الرجال مايحبون الحريم يدخلون

لا اتمين اتلحين على زوجج .. خليه على هواه متوى ماحس عمره محتاج للفلوس بيطلب .. انتي اطلعي عن الموضوع ..

وان شاء الله ترجع لج الفلوس ..

فعلاً مثل ماقالوا البنات أنسى الموضوع ولا كأنك تعرفي شي
وربنا إن شاء ييسر أموركم
وبعدين أسمحي ليه أختي في سؤال
ايش دخل صديقتك أو ربيعتك في الموضوع
الموضوع صاير بين الرجال وأنتي ذكرتي أنها ماعندها خبر
اذا الموضوع صاير بين الرجال وبعيد عنكم ابعدي عنه أحسن لأن زوجته تعرفيها يمكن لو تعرف الموضوع تقله أحرجتي وأنا ماعندي خبر و و من الكلام هذا


وأكيد زوجك بيتصرف وبيعرف كيف يطلب حقه في الوقت المناسب لما تتعدل ظروف الرجال

مشكوره يااختي