السلام عليكم ورحمة الله وبركاته..
بسالكم امهات البحرين في احد سوى عيد ميلاد في هالمحلات مثل ديري كوين.. ماكدونالز..جسميس..اذ ممكن اعرف التفاصيل سعر والخدمات..
امممممممممم .. دائما احتفل مع عيالي في البيت و بيت أهل زوجي أو الروضة
جسميز يسووووون احتفالات العيد ميلاد واعتقد ماكدونالدز بعد بس بنت عمتي سوت عيد ميلادها في جسميييز حليو عجيب هم اللي ينظمون الحفلة ويسوون برنامج ومسابقات حتى للكبار مسابقة بعد استانسنا ذاك اليوم
اني سويت عيد ميلاد بنتي في ماتم بيت اختي..كنت ابي اسويه في ماكدونالدز بس قالوا لي انه الوقت محدد يعني ساعتين في المغرب او شي جذي بس بعدين عرفت انه كل فرع غير كانه .. ان شاء الله غيري يفيدج اكثر
للاسف ما عندي فكرة
لاني اسوي لولدي عيد ميلاد في بيت ابوي
وما حبيت اطلع من غير ما ارد
ان شاء الله باقي البنات يفيدونج
ان شاء الله بنات البحرين ما يقصرون
أ
أم طروقي وهنوفه
عروس فضية
05-04-2008 | 10:10 PM
انا اختي سوته حق بنتها في مكدونالز ورحنه انا ويها حق تتفق يا هم حق اسوي عيد ميلاد وسوته في مكدونالز ايقولون لج عددالمعزومين واي وجبه تبين واذا تبين اتيبن الكيك واو من عندهم كيفج انتي ووزعون هدايا ويبون مهرجين ويسون مسابقات ..وبس انتي اتلي وسالي احسن لج ...بس اللي ماعجبني في ماكدونالز ان المكيف كان خربان اللي في صاله العيد ميلاد ومتنه من الحر ...
هلا هنوفه.. مشكورة حبيبتي شنو اسعارهم تسوى او لا؟؟؟
ماحبيت ادخل بدون مارد يا الغالية
وان شاء الله بنات البحرين افادوج
بس حبيت اسال هالمطاعم ماينظمون حفلات بالبيت ؟
مشكورات جميع الامهات .. س انا افضل مكان مثل ماكدولز اتنه فيه امتيازات اول شئ كبير المكان ومناسب لحركة الاطفال.. والاهم انه شقتي بتصير نظيفة عن حوسة اليهال.. غير المهرجين والالعاب الموجودة ..
هلا حبيبتي..
ماعندي فكرة خيو، بس في شيء مهم بذكره..
هالمطاعم هذي أمريكية "مقاطعة".. وجسميز مو أمريكي.. لكن حاله حالهم، اللحوم عندهم يجيبونها جاهزة من استراليا.. يعني مشكوك فيه!!
في مطاعم أكلات سريعة سعودية مثل هرفي وكريسبي ميل.. بس ما عندهم صالة!!
عموماً المعذرة.. بس قلت يمكن ما تعرفون بهالشي
جسميز، مكانه زين خصوصا الأهلي والأهم ان أكله وطني على الأقل، بس ماكدونالذظ مقاطعته أفضل..
جسميز الطفل ب دينار واربعمائة فلس (يعني السعر على حسب عدد الأطفال) ماتدفعين قمية المكان او المسابقات او المهرج محسوب مع الوجبة... ويسون لك تصوير فيديو ديجيتال ويعطونك السي دي في نفس اليوم.....
بنت الاصايل;5647134:
هلا حبيبتي..
ماعندي فكرة خيو، بس في شيء مهم بذكره..
هالمطاعم هذي أمريكية "مقاطعة".. وجسميز مو أمريكي.. لكن حاله حالهم، اللحوم عندهم يجيبونها جاهزة من استراليا.. يعني مشكوك فيه!!
في مطاعم أكلات سريعة سعودية مثل هرفي وكريسبي ميل.. بس ما عندهم صالة!!
عموماً المعذرة.. بس قلت يمكن ما تعرفون بهالشي
السلام عليكم ورحمة الله وبركاته..
مشكورة حبيبتي ملاحظة مهمة جدا.. تصدقين بعدج كلامك خلاص ما افكر في هالاماكن وخصوصا بيكون اطفال قد يصير حالات تسمم لا سمح الله.. الله يحفظش يارب ويسر امرك مشكورة مرة ثانية
رانيا البحرينية;5648095:
جسميز، مكانه زين خصوصا الأهلي والأهم ان أكله وطني على الأقل، بس ماكدونالذظ مقاطعته أفضل..
جسميز الطفل ب دينار واربعمائة فلس (يعني السعر على حسب عدد الأطفال) ماتدفعين قمية المكان او المسابقات او المهرج محسوب مع الوجبة... ويسون لك تصوير فيديو ديجيتال ويعطونك السي دي في نفس اليوم.....
صباح الخير.. رانيا .. لا ما راح اختار الماكدولز ممكن جسمز بين شكلي هونت لملاحظة بنت اصايل هو جميسز على كلامك عرضهم حلو بس فكرت اذ الاطفال اكثر من 50 ماشاء الله يعني التكلفة ضخمة .. للحين ما قررت بس محتارة بين شقتي صغنونة وبين هالاماكن..
أختي صح خمسين وايد، وخصوصا بعد إذا معاهم خدم بعد لازم تحسبينهم... او الأمهات.... يعني 50* 1.400 يطلع لج 70 دينار... كأنه وايد، أنا مرتين سويت وعزمت بس 25 شخص....
وزين ماقررتي، لاتسوين في ماكدونالذز، والله ماتدرين هالأكل شنو مدسوس فيه حق عيالنا،، جسميز على الأقل بحريني...