سالفة امــي وطلبها للولد ..

بنات بقولكم سالفة امـــي وهي توها قايلتها لي وهي سولف معاي عن سوالف الحمل

امي الله يحفظها لنا الله رزقها 6 بنات ورى بعض وكانت نفسها بولد وابوي خاطرة بولد حييييل بس الله ماكتب لهم بعدها جابت اختي السادسه وصبرت عليها 3 سنوات وكانت خلاص ناوية توقف حمل وولادة بس الوالد خاطرة في ولــد يحمل اسمه ..

المهم يوم اقتنعت امي انها تجرب تحمل للمرة السابعة يمكن الله يرزقها ولد وضلت تدعي ليل ونهار بهذا الدعاء وهو دعاء طلب الولد ... وتكررة 70 مرة في كل ليله ..

" رب لاتذرني فردا وانت خير الوارثين واجعل لي من لدنك ولـــيا يبر بي في حياتي ويسغفر لي بعد وفاتي وجعلة خلقا سويا ولا تجعل للشيطان فيه شركا ولا نصيبا ... اللهم اني استغفرك واتوب اليك انك انت الغفور الرحيم ... "

واثناء الجماع قالت لأبوي يقرا آية " وذا النون إذ ذهـب مغاضبا فظن ان لن نقدر علية فنادي في الظلمات ان لا إله إلا انت سبحانك اني كنت من الظالمين "

ويكررها 3 مرات قبل الجماع ...

ويحط يدة على يمين بطن امي ويقول سورة" القدر " انا انزلناة ....الخ

ويكررها 7 مرات ...

وسبحان الله امي من النوع اللي من تترك المانع تحمل بس هالمره حملت بعدها بشهر يعني خلال شهرين سوت هالطريقة مع الدعااااء ..

وسبحان الله حملت ... يوم حملت امي حط الوالد يده على بطنها وقال اللهم اني نذرت ان اسمية محــــــمد ...

والله رزقنا بمحــمد الغالي والحين عمرة 14 سنة ...

بعد ولادة محمد .. قررت امي تحمل مرة ثانيه علشان تجيب اخو لمحمد .. وسوت نفس الطريقة

والله اعطاهم .. احمد ..

يعني الحين عندنا احمد ومحمد ... بعد 6 بنات

امي قالت لي طريقتهم وسالفتهم علشان اتشجع ولا أيأس وقالت لي بتحملين انشالله ولا تستعجلين ..

رب لاتذرني فردا وانت خير الوارثين