احترت بين امي وحبيبتي...

امي ما تبيها
جذي قال لي ودموعه في عينيه
قصته عجيبه وغريبه بنفس الوقت
ضاقت الدنيا في عينه وصار يكره كل شي .. بعد ماكان انسان طموح رغم صغر سنه وقلة تجربته في الحياه الا انه اكتسب الشي الكثير اللي خلاه محسود من كثير من الشباب اللي في عمره
المهم موضوعه واللي لو تشوفون تأثيره عليه ما تصدقون .. صامت نفسه عن الاكل وعن كل شي حتى اللي كان متعود عليه يقول مستحيل يكون هذا هو الشخص اللي كنا نعرفه ضعف وسكت وانقلبت حياته حتى اهتمامه الشخصي بنفسه قل من بعد ماكان مثل الورده المفتحه صار ذبلان وكانه صار فوق عمره بعشرين سنه
تدرون ليش يا احبابي لانه حب انسانه من غير ديرته مع انهم كلهم خليجيين ونفس العادات والتقاليد الا ان الطامه الكبرى واللي قلبت حياته وكيانه اهي امه امه امه .. والله ياني يبجي يبجي تعرفون شلون ريال يبكي واهو عنده عزة نفسه فوق كل شي
واهو يبجي يقول شسوي امي امي وحبيبتي وانا ما اقدر اعيش من غيرها .. يقول : تعبتها معاي واملتها اني راح اتزوجها ويعلم الله اني بالفعل ابيها زوجه لي ولما عرضت الموضوع على امي .. ما تصدق شنو صار .. ارتفع الضغط عندها والسكر وقامت تبجي وتقول بتروح وتترحني عشان بنت مو من ديرتك وبنت عمك اللي تبيك وشاريتك واللي من ثوبك ومن اصلك وفصلك
رد يبجي وقال نامت امي في المستشفى والسبب هالسالفه
شسوي شسوي ابي الحل ابي الحل
بجاني والله لانه يا احبابي تعرفون شلون واحد يتكلم والدموع في عيونه وانت تسمع له والله يقطع القلب
ومني لكم .. ساعدوني حتى اساعده
بس لا تقولون يتركها
لانه قلت له .. تدرون شنو رده قال : فيه خد يترك روحه وقلبه ويمشس
الا هذا
بنتظار حلولكم

وكحلو عيونكم