اللي متزوجه ومحرومه تدش بسرعه

اختي أحلى البنات والله مادري شو أقولك ....أنا بعد أشتكي من هالشي ....لكن بصراحه مب بهالدرجه الله يعينج على ما بلاج .... أنا بقولج شي وان شاء الله ينفع معاج .... حاولي كثر ما تقدرين تعودين نفسج انج انتي مش بحاجة زوجج ..... واذا سويتي جذيه مع الايام هو بيحس بهالشي ..... ويمكن يبدأ يتغير ....على فكره الريال ينجن اذا حس ان زوجته خلاص ما عادت بحاجته .... بيتم يسأل نفسه ليش ما تضاربني مثل قبل ؟؟؟؟ليش ما تقولي طلعني ؟؟؟؟ليش وليش وليش ؟؟؟؟ وما بتخلص الأسئله ....
حاولي في هالفتره تشغلين نفسج بأي شي ولو كان بسيط ...سويلج صداقات ....قوليله بدخل دوره وتعلمي أي شي انتي تحبينه ....وبعدين اذا بتطلبين منه أي شي حاولي ان صيغة سؤالج ما تكون بالطلب لا لا لا ... لازم تكون بصيغة الامر .....يعني مثلا : فلان ..أنا حاسه بضيق ونويت اني أدخل الدوره الفلانيه .. والدوره يبيلها هالكثر فلوس ....وأيامها بتكون مثلا السبت والاثنين والاربعا...وانا خلاص بسجل اليوم أو تقوليله سجلت ....ولازم تكون عندي الفلوس باجر ....طبعا انتي لازم تختارين الوقت المناسب واللي تعرفين فيه انه عنده فلوس .... والدوره تبدا الاسبوع الياي ....
أو مثال ثاني : فلان أنا هالشهر مخططه اني آخذ أغراض للبيت وللبنات ولي .... ولا تسألينه أبدا انت في شي ناقصنك ؟؟؟ يعني هالطلعه لج ولبناتج فقط.... وقوليله باجر بعد ما ترجع من الدوام بنكون فانتظارك أنا والبنات واليوم الثاني على وقت رجعته البسي وتجهزي وجهزي البنات ... ويوم يرجع من الدوام لو هو ما كان ناوي يطلعكم بيستحي يوم بيشوفكم جاهزين وتتريونه .... أو انتي شوفي شو أنسب وقت تختارينه حق طلعتكم ....لا تفكرين فيه.. يعني تختارين وقت انتي تعرفين انه ما بيكون تعبان لا ....الوقت اللي يناسبج انتي مب هو ....وحتى لو تعلث بشي مثلا تعبان أو مشغول أو أي شي ...قوليله والله أنا ماقدر أؤجل ....المهم اذا طلعتو وان شاء الله تطلعون اختاري الاشياء اللي انتي خاطرج فيها ...يعني المحل أو المطعم أو المول أو أي شي .... ما أقولج تمردي ..بس في حد من الرياييل ما ينفع وياهم إلا أسلوب الحقران يقطع المصران ....دلعي نفسج حطيلج ماسكات .... أو اترسي البانيو وحطي فيه رغوه ....أو اقريلج كتاب على ضوء الشموع ...واذا دخل هو في أي وقت من الاوقات وشاف انج مسويه لنفسج جو .....بيعرف انج تهتمين لنفسج أولا وهو بعدين ..... يعني ألزم ما عليج راحتج ....
ان شاء الله أكون أفدتج واسمحيلي عالاطاله ........
اختي بايعه الله يعوض عليج بالحياه السعيده ..... ويهدي لج عيالج ويرزقج راحة البال يااارب..