ليلة ملجتي (سفرة + توزيعات + ديكور)

ماشاء الله تبارك الله

بصراحة الشغل رووووعة

الله يوفقك ويبارك لك ان شاء الله

ويعطيك الف عافية

ماشاء الله تبارك الرحمن
الله يسعدج ويهنيج ويتمم لج على الخير

عجبني شغلج واااااااااااايد وخاصه الافكار الحلوه اللي اكيد من انسانه مبدعه
والاحلى من هذا انج اشتغلتي بنفسج وهذا اكيد له طعم خاص ويزيد من حلاة هالليله

الله يسعدج ويهنيج مع زوجج ويطول لج بعمر الوالد اللي تعبتيه معاج :)

بالفعل انتي رائعه وفنانه
بارك الله فيكي وسخر لكي زوجك وسخركي له

هذي الاكياس اللي مالقيتها بكل البحرين ولقيتها بمصر اللي حاطه فيها المكسرات هذي عنا بفلسطين منها الكثير ولكن نحن نضع حلوى تشبه الجلي وتوجد عنا في كل السوبر ماركت وعنا محلات مخصوص تجهز التوزيعات باشكال روووعه
وانت سوبر فنانه

شكراً حبيباتي فرحتوني
الله يسعدكم كلكم يا رب ويهنيكم

أحلى فرحة... الأكياس هذي منتشرة عندكم لاحتفالات خاصة انا لاحظت في مصر يستخدمونها لسبوع الطفل.. وهو احتفال يقوم به الأهل بعد مرور اسبوع من ولادة الطفل..ويقدمون فيه الحلويات والفوشار والمكسرات

صبــاح النــور

:: Oriana ::

خيتو بغيت أسألج وين أحصل هاذي شجرة العوسج :o ؟؟

ســم ســم

ماشاء الله حبيبتي شي روعــــــــــــــــة والله
....

وأفكــــــــــار بسيطــــــــــــــــة ومن أدوات بسيطــــــــة بس طالعة راقيــــــــــــة جدا

^_^

أنا ملكتي قريب وماني عارفة للحين ايش أسوي .... بس بخذ أفكار منك يمكن اذا ما يزعجك

وألف مبروك

سم سم... خيو هذي عبارة عن عدة أغصان اني لصقتهم في بعض وسويتهم شجرة مرتبة ومتكاملة وقصصت الزايد منها وشلت الشوك منها

الشجرة البابا جابها ليي من البر
على قولته مفلتين في البر انتقي ليش واقلعيها :D

فيء.. تسلمين خيو.. كلش ذوق.. وعليش بالعافية :)

تسلمى يا جميله على افكارك(w)

ما شالله واااااااااااااايد روعه الشغل وموفقه اختي

ياااااااي صج رووعه
واايد حلووين الشغلات
وخصوصاً ان كل بيدينج
تحسين بطعم هالليلــه ^^
انا شكلي بسوي مثلج لأني احب هالسوالف
وقايله لأمـي اي احد من اهلكم بيسوي ملجه او شي قولي لي
بروح ازين له بس يشترون الاغراض اللي اطلبهـا منهم اوكي ^^
يعطيج الف عافيه وربي يهنيج و يخلي لج ابوج و صديقاتج
وتسلم هالأنـــاملـ

مــــا شــاء الله عليج أخـــتي

إبداع في إبداع

الله يسعدج و يوفقج،،

حــلو وااايد و الأحــلى إنها أفكـــــارج و شغلج إنتي و الوالد(الله يحفظه حقج)

ألف مــــبروووك

ما شاء الله عليك اختي مبدعة كفيتي ووفيتي
الله يوفقك يارب
والشكر موصول لوالدك على تعبه معاك

ماشاء الله عجبتني لمتكم كا اسرة وحدة وتعاونكم من الاب الى الام واخوانك وصديقاتك
الله لا يحرمك منهم
كل حركة حلوة حتى الاستاند فكرة جوناااااان
ويا حلووووووووووووووووووو فطومة الصغيرة الله يحفظها

ماشاء الله تبارك الرحمن
ابداع ابداع ابداع بل قمة في الابداع
الله يهنيج الاخت الكريمه ويسعدج دنيا واخره

ما شاء الله عليج...

فن وذوق....

والله يوفقج يا الغاليه....

ماشاءالله عليج...افكار حلوه

نحن بالامارات ما انسوي هاي الاشياء........بس انا خاطري اسوي سفرة العجم في يوم حنتي ومب عارفه كيف الطريقه!!!!!!!!!!!!!

عندي استفسارات......

الفواكه الموجوده للزينه فقط ولا توزع للمعازيم؟؟؟

والتوزيعات....اتوزعونها على المعازيم عقب ما تنزل العروس ولا؟؟؟

مشكورين حبيباتي ألف شكر.. والله يوفقكم ويسعدكم

اختي العذوب.. التوزيعات نوزعها بعد ما تجي العروس وبعد الأكل.. وناس يفضلون حزة اللي بيطلعون المعازيم يعطون كل وحدة في إيدها

أما الفواكه.. للمعازيم اللي يبي ياكل وياخذ

بس أمي ما رضت احد ياخذ الفواكه من السفرة خافت يعفسونها يخربون أشياء.. فقامت اشترت فواكه زود.. ودارت على المعازيم بسلة فواكه كل وحدة تاخذ اللي تبي

وخلصت الحفلة من غير ما تتأثر سفرتي بشي

لدرجة أن حتى البيض نسينا نوزعه مع أنه مصبغينه عشان نعطيه الجهال!!

مشكوره على التوضيح

انا خاطري اسوي سفرة العجم في يوم حنتي لاني ان شاء الله بفصل لي جلابيه بحرينيه ....وابا يوم الحنا تكون بمراسيم بحرينيه ...

ممكن اتخبريني شو اتسوون بليلة الحنا والملجه...؟؟؟

الملجة أقدر أخبرش
بس الحنة بالعادة يجيبون ملاية تقرا وتغني على العروس والعروس تلبس لبس تقليدي
وتتحنى
وفي حنايات للحضور بعد يتحنون
ويوزعون حنة في أشياء مزينة على الحضور (يعني التوزيعات تكون حنة)

السفرة احنا نسويها ليلة العقد وهي مو بحرينية هي عجمية.. عادات فارسية اقتبسوها أهل البحرين من العجم في البحرين.

وتكون السفرة مكونة من المكونات اللي شفتينها في سفرتي

أثناء العقد الشيخ يدخل على العروس وهي مغطية بالكامل ويعقد عليها ويسألها إذا كانت موافقة
في هالأثناء العروس رجلينها في ماء وورد نفس اللي شفتينهم في الصور
ويفرشون نوع البساط فوق راسها كل بنت تمسك طرف ووحدة في الوسط تحك القند (السكر) على راسها

يكون في حضن العروس حلويات
بعد ما يكمل الشيخ العقد ياخذون هالحلويات وينثرونها على الحضور

المرآة عشان المعرس والعروس يشوفون بعض منها لأنهم بيكونون خجلانين من بعض
المعرس والعروس كل واحد يأكل الثاني عسل بخنصره

السكر اللي انحك على راس العروس يسوون به (عصير أو شربت) ويوزعونه على الحضور
في ناس ينثرونه على البنات اللي ما انخطبوا عشان ينخطبون

والماء والورد يرشون به أرجاء وزوايا البيت
أو تستحم به العروس بعدين

إذا انتين بتسوين حنة يا خيو... بيكون مهمة السفرة ديكور فقط..لأن السفرة للعقد نسويها مو للحنة
فحلو تكون موجودة لأن أنا سفرتي ظلت موجودة ليوم الحنة
ويوم الحنة كان عائلي وكلوز كلش.. جبت حناية تحنيني وحنايتين للحضور من الأهل
ووزعنا أكل وعصارات حنة صغيرة