اخو زوجي 00000000 ناوي لي نيه 000الحمو المووووووت

حبيتي انتي عداك العيب وربيك اعلم بنيتك ..

من رايي تاخذين رقم واحد ثقة عند تكسي ولا ميكروباص يودي مشاوير وتتفاهمين معاه انو كل مرة تحتاجين تدقين عليه ولازم يكون ثقة ..

والله كريم ..

امنيه

ماغلطتي وكل الحركات هذي الي يسونها تفسيره شي وحد ان أهل زوجك يكرخونك ومايبونك حولي تتقربين لهم بأي شكل

الله يكون بعونك

وانتي استغني عنهم وترفعي

وهذا صديقاتك مايقصرون معك اذا احتجتيهم

السلام عليكم حبيبتي .. انا كم مرة اشوف لج مواضيع مع هذلين اللي ما يتسمون اهل زوجج.. الله ينتقم منهم .. معقوله في ناس بهل قسوة .. انا لو مكانج لو اموت ما رد اتصل له اخوه عقب ما عرف انج بتنخطفين و سكر في ويهج اشلون اتردين تطلبين منه المساعده .. الصراحه عندي سؤال اختي و جاوبي بصراحه اهم ليش يسوون هلون هل بدر منج شي من قبل و ما قلتي لنا قولي لنا حتى نفهم و يتصلح كل شي .. ان كانوا غيرانين انتي اعلم هل في امل يتغيروون اذا فيهم ذره خير اتحسين حاولي انج اتحطينهم فوق العين و الراس و اتساعدينهم و اتزورينهم و تهدينهم لين ما كل شي يتصلح و اذا لا مافي امل تركيهم يولون و لا تسألين فيهم

هلا بك ياعسل والله ثم والله ثم والله اني ماسويت لهم شي وربي شاهد حاطتهم فوق راسي اغسلهم وانظف لهم واخدمهم وحتى اخوانه اقوم اسوي لهم الفطور الصبح مو اجبار من احد لاوالله بس من نفسي لاني بنت اصووووووووووول وامه وخواته من اول مايبوني اتزوج اخوهم وماكانوا موافقين بس ابوي وابوه كانوا متفقين وزوجي لما شافني وكلمني قال ابيها ومن يومها وهم شايلين علي والله اني ابوس راس ام زوجي وابوس ايدها واهديها وحتى شبكتي اهديتها لها بس للاسف مابين بعيونهم واخو زوجي هذا حقير مع امه وخواته اذا زعلوا زعل معهم واذا رضوا رضى معهم بس ماااااااااااا اقوووووووووول الا حسبي الله ونعم الوكيل
حسبي الله ونعم الوكيل

مرحبا اختي..
طبعا اكيد في سبب معين عشان جذي يعاملونج.. يعني مو منا والطريج يسون هالاخرابيط.. او السبب من زوجك وهذا الي يدل على قسواه اخوانه لج ولزوجك كمان..بس ياترى شنو هذا السبب الله اعلم يمكن مشاكل عائليه واتبين تذكرينها ..بس لو تذكرينها يكون احسن عشان نساعدج ونرشدج لطريق الصحيح..
بس الله يكون في عونج .

ღوردة الغلاღ;5616585:
مرحبا اختي..
طبعا اكيد في سبب معين عشان جذي يعاملونج.. يعني مو منا والطريج يسون هالاخرابيط.. او السبب من زوجك وهذا الي يدل على قسواه اخوانه لج ولزوجك كمان..بس ياترى شنو هذا السبب الله اعلم يمكن مشاكل عائليه واتبين تذكرينها ..بس لو تذكرينها يكون احسن عشان نساعدج ونرشدج لطريق الصحيح..
بس الله يكون في عونج .

السبب المعين هو الغيره والحقد اللي في قلبوهم لانهم يكرهوني وزوجي الحمد لله ماغلط على احد فيهم وعمره مايغلط لكن قله احترامهم له وغيرتهم مني هي اللي تسوي كذا الله لايبلانا بس

واشكرك اختي بس لاتقولين السبب من زوجك زوجي مايغلط على احد هم اللي مضايقهم ان زوجي مايرضى بالغلط ابد اذا انا غلطت عليهم يكسر راسي واذا هم غلطوا علي يكسر روسهم

وانا ماهمني اخوانه واهله انا الحمد لله عندي اهلي يارب لك الحمد والشكر الله يخليهم لي ويطول بعمر امي وابوي بس انا ابي اهله يوقفون مع ولدهم ويساعدونه وقت الحاجه وبس وهذا واجبهم لانه ولدهم

لكن ما اقول الا حسبي الله ونعم الوكيل
ورب اخ لم تلده امك


تحياتي

لا حول ولا قوة الا بالله العلي العظيم

الله يعينج يا اختي والله اهله ناس غريبين انتي حاولي كثر ما تقدري ما تحتكي معاهم والله يستر عليج

عورتين قلبي والله

واخس شي يوم ذاك ولد الحرام يمسكك

مااعندي حل اعطيك اياه بس ان شاء الله ما اتصير لج سوالف بعد

انا مستنكرة حماج كسر فيج مرة ليش تدقين عليه مرة ثانية هذا انسان واطي ومايستاهل تطيحين علية
واحمدي ربج الله ستر عليج في الاولى والثانية
الله يوفقج
ابوج اذا شاف زوجج معاج ماعليه من كلام ابوه الدايخ>آسفة<

قلبي معاك

الله يصلح الاحوال

ويصفي النفوس

حبيبتي بعد الي قريته من كلامك اغسلي يدك من اهله واعتبري مالك بهالدنيا الي زوجك واهلك بس
وبالنسبه لمشاكل التوصيل الله مكثر الليموزين شركات متخصصه واسم الموظف موجود على السيت الخلفي
يعني مافي شي يخوف ((لا تركبين مع سعودي بس هندي احسن)) لان هالايام السعوديين سيارتهم لهم مش تبع شركه انتبهي ولا تذلين نفسك لا لاخوه ولا غيره وهالمشاكل موجوده عند الاغلب
خلاص انسي الي راح ولا تذكرين هالشي قدام زوجك المسكين لان بيموت قهر وقولي له انك بتوقفين معه
وانتي كل اهله وربعه وبس حبيبتي
تحياتي

الله يهديهم ويسخرلك خلقه ياارب ويخليلك زوجك ويسخره لك يارب

الله يعينج عليهم ..بس والله تركيهم دام كذا يسون فيك وسلمي امرج لله سبحانه..

و الله انا اشوف الوضع غريب ... هل انتي كنتي ساكنه وياهم وطلعتي بيت بروحك و الا هم كانوا رافضين زواجك من ولدهم ... و الا ولدهم كان مأذيهم و هم متبرين منه ...

وبعدين انا اللي فهمته من العنوان شي و القصه شي ثاني .. يعني اخو زوجج ما يعطيج ويه مب ميت عليج ...

يا اختي اكيد في سر فالموضوع احس ان في شي انتي ماقلتيه ...
والا اللي اهله سوه مب طبيعي ...

العيب مب فيج العيب في اهله .. الي ابد مب مهتمين لولدهم .. وبعدين انتي ليش ماتتعلمين السواقه والله احسن لج من الذل .. او حطي لج دريوليه ..

قولي لأبوك الي صار...... وضحيله السالفه....
وحاولي ما اتدخلينه في مشاكلهم..... دامه رجال طيب ومريض....
لان راح يأثر على نفسيته وصحته.....

وإنتي خلاص لا تتأملين فيهم خير... هذول ناس مافيهم خير
بس اشطبي عليهم ولا تعورين راسك وقلبكم معاهم ترى راح تتعبين كثير.....

بس اهم شي خلي علاقك بربك وزرجك قويه......

والله يسعدكم ان شاءالله ويعوضكم كل خير

حبيبتي الله يعينج لوانا مكانج بتعلم سياقه وباخذلي سياره على قدحالي وبمسح ارقامهم من تيلفوني لانهم مايستاهلون ححد يستفزع فيهم

~{ .. يا قلبي والله
ما اقول الا ان شاء الله ربي يطول بعمر أبوج و يخلي لج أهلج و كل شخص غالي عليج
و يهدي أعل زوجج و يسخركم لكم في الخير
و يجعل حياتج انتي مع زوجج كلها أفرااااااااح و حب
قولي آمين .. .. * ..

و الله انا اشوف الوضع غريب ... هل انتي كنتي ساكنه وياهم وطلعتي بيت بروحك و الا هم كانوا رافضين زواجك من ولدهم ... و الا ولدهم كان مأذيهم و هم متبرين منه ...

وبعدين انا اللي فهمته من العنوان شي و القصه شي ثاني .. يعني اخو زوجج ما يعطيج ويه مب ميت عليج ...

يا اختي اكيد في سر فالموضوع احس ان في شي انتي ماقلتيه ...
والا اللي اهله سوه مب طبيعي ...

نعم حبيبتي كنت ساكنه معهم وبعدين طلعنا لان عمي طردنا وثانيا هم مش رافضين زواج ولدهم مني بالعكس موافقين بس كانوا دايماه يحتقروني ويحتقرون اهلي عشان احنا مش من نفس قبيلتهم ثالثا الحمد لله ولدهم مش ماذيهم ولاهم متبرين منه بس الغيره وما تفعل الله لا يبلانا ورابعا اللي فهمتيه من العنوان شي رااااااااااااااااجع لك على حسب تفكيرك وين وداك واخوه ما ابيه يعطيني وجه لا يشرفني انه يعطيني وجه بس يفكني من شره ولا فيه سر ولا غيره الحمد لله انا وااااااااااااااضحه جدا

لكن مانقول الا حسبي الله ونعم الوكيل

واشكركل من رد على موضوعي واثلج صدري الله يوفقكم ويبعد عني وعنكم عيااااااااااااال الحرام والله لا يوريكم مكروه ان شاء الله