::.. التجربة خير برهان لأقدام حلووة ..::

Sweetie Sarah 02-04-2008 13 رد 2,147 مشاهدة
S
السلام عليكم ..

صديقتي .. كانت تشتكي من أقدام مو حلوة .. كانت بإختصار هاملة رجلها .. وبسبب الصنادل والجوتي صار أثر وخطوط طويلة عريضة في رجولها .. وفوق هذا كله هي ما تهتم .. شاور والسلام

لما جت زارتني وكانت تشتكي منهم وتقول إنها تستحي حتى تمد رجلها قدام أحد :(

عاد أني قلت لها بطريقة وسوتها وشنو تغيرت رجولها ... صارت روعة ..

7
7
7
7

الطريقة سهلة كلش ..

أولا ::بعد الشاور .. وكآخر خطوة قبل ما تطلعين من الحمام عزكم الله

تدعك الرجل بمقشر مخصص للقدم .. وفي أشكال وأنواع

مثل
المقشر من شول ..



أو

من البودي شوب



أو



أني أستخد المقشر من شول .. اللي بالصورة هذي ..



أو أي مقشر للقدم ... متوفر بأشكال بالصيدليات أو السوبرماركات ..


ثانياً ::

بعد التقشير ..

تدعك الرجل بالحجر الأسود .. والتركيز على كعب الرجل ...

وتنظف الأظافر بفرشاة مخصصة لهالشئ ..

هاي شكلها ...



ثالثاً ::

بعد الشاور وتجفيف القدم .. تدهن بالكريمات ...

صديقتي ... رجولها فيها آثار حزام الصندل والجوتي وبسبب الأهمال صايرة ملونة أسود على أبيض على بني :D

عاد أني نصحتها .. تدهنها بفير أند لوفلي :D اللي يخلون له دعاية يبيض البشرة .. بس عاد هي تستعمله حق رجولها ... تخليه على الرجل من فوق على البقع ... وفعلا طارت البقع والتلون ..

ولقاعة القدم تستخدم كريمات عن التشقق ..
مثل ..






عن نفسي أستخدم فازلين اللي بالصورة هذي ... وصديقتي أستخدمته بعد ..




والله كريمات واجد .. أي سوبرماركت روحي جنب الكريمات أو أي صيدلية ..(x)


المهم ...

وصلنا ..

رابعاً ::.

ألبس جوارب قطنية وأتركيها جم ساعة أو ألبسي شبشب مريح ..

إلى جانب هالشغل كله ... لازم بديكير بالشهر مرة .. عند صالون أو إذا تعرفين بالبيت هم خوش ..

وللحين تدعي لي .. (y)

وعلى فكرة بنات العملية كلش سهلة .. شخصياً صارت روتين من ضمن الشاور مالي .. والنتيجة قدم بلا مشاكل (y)

أتمنى حبيباتي أفدتكم .. وأعتذر على الهدرة واجد ..:o

في أمان الله (f)

عساكم أقدام حلوة ونعومي بدون مشاكل ..
p
ألف شكر ليكي
أ
جزاك الله خير حبيبتي على النصايح
ر
تسلمين اختي على الموضوع وفعلا لازم التركيز على العنايه بالقدمين انا عقدتي اشوف حد مايعتني برجله
والصيف قرب ولبس الصنادل المفتوحه مش حلو على ارجل التماسيح خخخخ
ع
مشكووووووووووووووووووووووووووووووووووووورة

الله يعطيكي العافية
ا
مشكوره حبيبتي
بس وين الاقي منتجات شول في جده
ع
[GLINT]
الله يجزاك خير,,,,,تسلمين
[/GLINT]
د
تسلميييييييييييييييييييين
ه
جزاكى الله خيرا على النصيحه
س
والله نصايح حلوة
أ
مشكووووووووووووووووووره
S
بريفيت ، أهوى الأصيل ، عروس فلسطينية، عربجية ، على طول عروس ، دهن عود أميري ، سندريلا مصر، هبة سمير ،أصدق إحساس ... شكرا عالمرور حبيباتي

روح البحرين ... هههههه إي والله البعض رجولهم كأنها رجول تماسيح :D والسبب الأهمال .

منتجات شول يتحصلون في الصيدليات .. أو شوفي الوكيل من في البلد .

أمس رحت البودي شوب لأن أحتاج بعض الكريمات و أشتريت كريم حق رجولي وكريم لليد وجربتهم البارحة

ومثل كل مرة ما خاب ظني .....رووووووووعه

وأول مرة أجربهم

وهذي صورة كريم القدم .. سعره 5 دينار بحريني



وهذي صورة كريم اليد على ألموند (بيدان) ... ريحته كللش حلوة ويترك اليد ناعمة ... لمن حطيته لبست قفاز قطني لمدة نص ساعة بعد شلته ..
وسعره 6 دينار بحريني



وأتمنى أفدتكم عيوني (f)
ش
مشششكورهـ يالغلآ
بس هذي الكريمات تصلح لسااااق ..؟
انا بصرآآحه رجولي مببقعه مرهـ
عششاني كنت اذا طلع لي رح صغير احكه احكه ويبقى له بقع سودااء
مدرررري وش اسوي :(
S
شموخ أنثى ..
هالكريمات حق القدم .. بس الساق تقدرين تستخدمين كريمات الجسم المرطبة ..
أما بالنسبة للبقع ..
أستخدمي كريم مبيض .. أقولش قلت حق صديقتي تستخدم فير أند لفلي .. اللي يخلونه بالدعاية :D وفعلا طلع تخميني في محله وظلت تدهن رجلها يمكن ثلاث مرات وراحت البقع .. بس عاد يآخذ وقت يمكن أسبوعين أو أكثر .. إلى جانب التقشير اليومي ..
في مقشرات للجسم كامل .. أستخدمي .. ملح الحليب متوفر ورخيص مرة ..

لمن تروح البقع بعدين أستخدمي الكريمات المرطبة.
X