خواتي مليت كيف اعلم ولدي .. ساعدوني

نور القمر 01-04-2008 10 رد 1,662 مشاهدة
ن
خواتي مااعرف كيف ابدأ

ولدي عمره سنة ونصف وابغي اعوده على الحمام .. اشتريتله قيصرية مافي فايدة مايحب يقعد عليها ويتم يصيح

اقوم العب معاه واركض معاه عشان يروح يبول تكرمون بعد مافي فايدة يصيح مايبغي يروح الحمام :mad:

شو اسوي خبرتكم يالامهات وانتو ماتقصرون
ن
خواتي وينكن ربي يوفقكن

ماتقصرون ودايما تساعدن ؟؟؟؟؟؟
أ
حبيبتي علاوي نفس الشي مايحب يقعد على القيصريه فمااجبره عليها لانه راح يكره الحمام خليته يجلس على المرحاض بس كان يقول لي انه يتألم اذا فتح رجليه فحترت فصرت اخليه قبال المرحاض يعني عضوه عند المرحاض اتمنى انش فهمتيني وبعض الاحيان هو من نفسه يحاول يجلس بس يتعب فيرجع الى وضعه الاول وبعض الا حيان انا اشجعه وقوله انت روح الحمام واذا خلصت راح اجيك يبسط مره ويتشجع واتمنى اني افدتج ولا تحاتي التعب لابد منه.....
أ
هلا اختي

انا بنتي عمرها سنه ونصف بعد

وابتدأت معاها مشوار الحمام ولله الحمد من يوم الأحد

والحمد لله ماشي الحال

اخذي لولدك قيصرية صغيره تنحط على المرحاض أفضل له

وحاولي تلعبي معاه وتسولفي معاه

وممكن تشغليه بلعبه او رسومات او اي شيء يشغله
وانتي تسولفين عن موضوع ال........... وان تنعمل هنا في الحمام وكذا بيشتت انتباهه للصور

والله يوفقك
ب
ولدي عمره سنتين وقلت من يجي الصيف راح اعلمه

بس اول شي راح اشتري قيصرية للمرحاااض نوعيتها اسفنج اريح للبيبي

لأني احاول اجلسه على العربي او الافرنجي مايرضى


يخاااف
ا
شجعيه بالالعاب

من يسويها في الحمام اعطيه لعبه صغيره

وامدحيه صوب ابوه
*
طولي بالج المسألة يبيلها طولة بال

وسوي طريقة ام علاوي يعني قعديه بالعكس

والله يعنيج
ن
ام علاوي - ام جود القمر - بئر الصمت - ام شهد11- همس الحراير

ماقصرتن ربي يخليكن وكلامكم الصراحة مشجع

انا بسوي نفس طريقة ام علاوي بس هذا في حا لة يوم يبول تكرمون بس اذا بغى يسوي الثانية وماقعد كيف اسوي معها ؟
ر
هلا اختيه انتي عندج ولد او بنت غيره اختيه عانت مثلج بس بعدين هي اختي عندها 2 بنت وولد والبنت يوم عقت البنبرس وتمت التسير حمام بروحها كذالك الولد شافها وتعلم من اخته العوده البنت عقت البنبرس وهي عمرها 3 سنوات بس هي احين عمرها4 سنوات والولد 3 سنوات فشويشوي على الولد الين ما يتعلم^_^
$
السلام عليكم الله يعينج ويعينا


انا بعد اعاني ولدي عمره 3و4 شهور الحمد الله اللحين يروح الحمام بروحه يتبول وانتوا بكرامه بس الشيء الثاني عقدني طلعت عيوني مايعرف الا بالحفاظه تعبت معاه


حتى اللحين الحفاظه تركها من زمان بس يتذكرها حزه اللحزه ويعاند الا هي والا مافي ياربي تعبت ساعدوني الله يخليكم حتى استحي اروح حق حد لازم مفشلني ويدور يدور ويدور وهو يصيح :(
شاسوي
س
الله يعينش بصراحه انا الحين اعاني مع بنتي والله عندي الفطام ارحم بواجد من تعليم الحمام تكرمون بنتي نفس الشيى عمرها ثلاث سنوات وماتبغى القيصريه ماتبغى الا المرحاض بس احيانا تهدها لي في اي مكان وتخلينياعصب عليها المساله يبغالها طوله بال وصبر الله يعين الجميع
X