لغتنا البحرينية

شيخة الخليج 01-04-2008 20 رد 2,001 مشاهدة
ش
صحيت من النوم ، ونزلت من فوق الكرفاية (السرير) وفتحت الفلاجة ([MARK="CC0000"]الثلاجة[/MARK]) ، وشربت عرنجوش (عصير برتقال) وكليت ميوه (فواكه) وسحه (تمر) ولبست الزنجفره (الفانيله) نمره واحد (رقم واحد) والى شريته من حفيز آخوند (محل آخوند) وحطيت الكشمة (النظارة) إلى عليها النمونه الحمرة (العلامة الحمرة) ، وخذيت التمبه الربل (الكرة المطاطية) من فوق روشنة الدهريز (حفرة فى الحائط بمدخل البيت) ، وأنه نازل من دجة البيت (عتبة البيت) والفريج خرمس (الحي في ظلام دامس) والشوارع سهده (هادئة) ، والجو سريده (برد غارس) والآ بصوت عمبلوص (سيارة إسعاف) مهتد وشاخطه (مسرع) ومسوى دندره (إزعاج) فى الفريج ، ومعاهم دختر (دكتور) شيبه وقصله (قصير القامة) لكن مملوح (وسيم) ، كانوا كلهم رايحين صوب الاسبيتار (المستشفى) ، وشايلين معاهم واحد ميهود (مريض) وشوى والا بست (باص) متروس وعليه نيشان ونمرة (علامة ورقم) نقل عام وكان يسوق مثل الغيلمه (السلحفاة) وحاط على البانت عكس (وضع على السيارة صوره) مكتوب عليه " نحو الأمية " (محو الأمية) وكلهم مستانسين ، قلت آنشدهم (أسألهم) وين رايحين ، رد على واحد قلج (صعب المراس) لكن كان يلبلب (طليق اللسان) ، قال لى رايحين الكشته (رحله) ، تبى اتيى معانه ، قلت له والله قميظه (حسافه) ، آنه محيوب من الكشته (ممنوع) ، أقول باشوفكم الللابله (بعد الغد) ، الأحسن أروح ألعب في التمبه الدويحه (الكرة الدائرية) ، تره غلق الوقت (تأخر الوقت).
:ss:
أ
ههههههههههههههههههه


يا حلاة لهجتنا والله

فديت البحرين واهلها ...
!
امممممممم ،، كلمات من الترااث !
.
ياحلات أهل البحرين ولهجتهم
في كلمات مشتركه بين البحرين والشرقيه كانت متعارف عليها في الماضي .....
وبعضها متداول ألى وقتنا الحاضر

الكلمات المشتركه
الكرفايه -التمبه -الفريج-خرمس -دختر-السبيتار-سحه-نمونه-الخفيز -نيشان -نمره
درجه -مملوح-قلج -قميظه -كشته-عكس-أنشد-اللابله
و
ايه على زمان اول وناس لول
ا
وناسه احب اتعرف على لهجات ثانية

بس تصدقين في لفظات ذكرتيها

احنا نقولها

توني ادري انها بحرينيه؟؟؟؟؟

بس موضوعك جميل

يعطيك العافية

ولاحرمك الاجر
م
الله يحلات لهجتكم والله جنه اغنيه
ا
فديت البحرين واهلها
ا
البحرين عساها على طول شامخه

اعز صديقتي بحرينية وياحليلها لما تتكلم ببحرينية تهبل
الله يسعدك
ع
فدييييييييييييييتها هي وأهلها وترابها00
أحبها من قلب فأنا طفولتي فيها00 وحبايبي فيها00
فيه كلمات كثيرة مشتركة00 بيننا وبينكم00
موضووعك حلوووو00
كل تقديري لك
ع
فدييييييييييييييييييييت دار حمد


امووووووووووت على ديرتي الغالية
ح
اقرا كلماات لاول مره ... متاكدين انها كلماات عربيه..

الله يخلي لكم ديرتكم... ويحفظها لكم..
ك
فديت ديرتي والله
بس الصراحة الكلمات تراث بعضها الحين ما نقولها
&
معظم الكلمات احنا نقولها للحين ..
واللهجه البحرينيه من احلى اللهجات
واكيد البحرينين اطيب ناس

مشكوره عالموضوع
n
يعيني على الهجه
ف
ماكنت اعرف ان اهل البحرين يتكلمو كدا ابدا سبحان الله كيف تختلف اللهجاااااااااااات
على فكره مره احب البحرين وزرتها كدا مره
ع
والله هذي اللهجه واااايد حلوه ومن في البحرين يتداول هذي الكلمات الحين الا ماندر القليل جدا يتكلم جذيه بس ماشاء الله عليج اكيد تيلسين مع العيايز مبين عليج ونتمني المزيد الله يعطيج العافيه
!
ماشاء الله .. !

الكلمات عجبتكم ؟ يالله خلاص قررت اقولها من اليوم و هو رايح ! خخخخ
!
فديت بلادي

بس هالكلمات ماتنقاال الحين الا عند العجااايز
ب
فديت البحرين والله لهجتنا مميزة
X