لاتحـــــــزني إذا جاتك الدوره .. إلي عليها الدوره تدخل وتشاركنا

تدرون انا صا لي 4 سنوات من زواجي والعيب من زوجي على تأخير الحمل والحمدلله على كل حال .. بالبداية كنت مشتطه رايحه وجايه على هالمستشفيات وسويت 4 مرات اطفال انابيب نجحت محاولة وسقطت فيها فنفس الشهر وتدريجيا صرت ماافكر بالموضوع صادني تبلد مشااااااااااااااااااااااااااااعر انا اصلا مسوييلي سحر اني مااحمل بسهوله هذا غير عن العين والحسد صرت مااحب شي اسمه جماع بس اغصب نفسي كلش وفنفس الوقت كله اصيح ابي احمل والحين جايتني الدورة توقعت انها ماتجيني .. والحمدلله .. والله تعبت

والله موضوعك يا اختي وايد حلو.. جبتيها عالجرح... انا الله يسلمج تأخرت على الدوره 3 اسابيع.. و كنت طاايره من الفرحه بس الحمدلله على كل شي.. البارحه الصبح نزلت.. صح تضايقت وايد .. بس صح..كل شي له حكمه..
وانا قررت الهي نفسي عن موضوع الحمل.. اشيله من راسي نهائيا.. قررت اهتم في نفسي اكثر.. اسوي خلطات .. و اهم شي .. قررت اسوي رجييم .. ابا اضعف كمن كيلو.. و اكيد هذا الشي بيخليني انسى سالفة الحمل..
كل شي فيه خييره للانسان حتى لو حس في البدايه انه متضايق.. والله يا بنات الحين اقول في خاطري الحمدلله انها نزلت عشان اسوي رجيم.. والا لو طلعت حامل ما بقدر اسوي شي و بتتدبل الكيلوات بعد..
الحمدلله على كل حال..

والله معاج حق والمفروض الواحد ما ييأس من رحمة الله
و مثل ما قلتو كل تأخيره و فها خيرة
الله يوفقكم جميعا و يرزكم الزوج الصالح و الذرية الصالحة بإذن الله
يعطيج العافية على الموضوع

هلا عروساااات ...

بيج سمايل الموضوع رووووعة

انا باقيلي باجر وخلاص اغتسل ... اول يوم كان متعب وممل لان ما اعرف انام زوجي يقول نامي في الحمام الله يعزكم احسن لج

بس انا ماتضايقت هالمرة لان مسوية مانع طبيعي بس جذي دلاعه خاطري اسوي روحي ما ابي احمل مايصير كل شهر اتعب نفسي ههههههه فاضيه ها

بس تدرين هالشهر قلت بوقف المانع بس عندي اشعة الصبغة قبل التبويض بيومين وهي متعبه وشكلي بطوفني ايام التبويض

بس كل تأخيرة فيها خيرة ...

متفائلة خير هالشهر ان شاء الله

قلت قصتي كلها هههههه

رمال .. ان شاء الله الشهر الجاي اتكونين حال يارب

انا اتوتر قبل ماتجيني بس اذا جتني عادي ما انقهر بس طبعا اسوي اضراب عن الطعام :ss: و احاول اكل وما اقدر خاصا الرز مادخل بطني من4 ايام
وطبعا قررت هالمرة اني اقراء سورة البقرة كل يوم وبسوي التبخير بالشاي
وان شاء الله نحمل قبل رمضان

ان شاء الله كلنا بنحمل بس كل شي بالصبر

اني اليوم اغتسلت وببتدي قراءة السورة والله يفرج همي

الحمدلله الذي لايحمد على مكروه سواه من كثر توتري هالشهر تأخرت الدوره عليه حوالي 20 يوم وبعدها شرفت وماكملت اسبوع إلا والدم نزل مره ثانيه بس احيانا نفسيتي تعبت وايد الله يرزقني ويرزق كل محرمه يارب

اللهم إني وكلت امري لك اللهم صبرني ولاتحرمني الذريه الصالحه ياحي ياقيوم ولا اخواتي في منتدى عروس

مشكوره اختي الموضوع رائع جدا

انا اليوم اغتسلت وانشالله الشهر الجاي ماشوفها


وبصراحه اذا شرفت اعصب وازعل وابكي

خصوصا انه فيه عذال كل ماصار شي

اسمع منهم ماحملت الا الحين كانه بيدي

واللي تزوجو معاي حملوا وولدو

وانا مدري ايش استنى


بس كلوا على الله جدا الموضوع رائع ويريح مشكوره اختي بيق سمايل

تقبلني معكم