قصة حياتي باختصار

السلام عليكم ورحمة الله وبركاتة
ابد قصتي اني البنت الوحيدة عند اهلي والباقي اولاد تخرجت من الثانوية ماكانت النسبة زينة لا انقبلت في الجامعة المهم كل يوم يمر احس بالفراغ ووحدة اكثر من اليوم اللي راح ماكنت اطلع ولاعندي صديقات ابد دايم يقولون عني اني انطوائية ماعندي احد كل بنات عمي وخالي وعماتي تزوجوا الا انا دخلت الشات وتعرفت على شباب من كل مكان ومكالمات بالساعات وابوي كان يدفع الفاتورة واذا قال لي خففي مكالمات ازعل ابوي ماكان يرفض لي طلب وبعد هذا كلة تعرفت على واحد من نفس المنطقة اللي حنا فيها وعرف عني كل شي يعرف بيتنا رقم البيت وابوي واخواني وكل شي اقول له وصرت اطلع معاة بس ماصار بينا شي وتعلقت فية استمر الوضع يمكن 5 شهور اطلع معاه واخذ له هدايا وفي يوم اخوي اخذ جوالي بدون ماادري وشاف رقمة كنت كاتبة علية محمد حبيبي ودق اخوي علية وتهاوش معاه وضربني لين قلت بس وابوي ماقال له اي شي وسحب مني الجوال وقام يهدد وانا اللحين خايفة ان يسوي فيي شي اول يعلم احد عن اللي بينا افكر اني اخذ جوال بدون اهلي مايدرون واكلمة لاني خايفة منة صرت ماانام من كثر التفكير خايف يعلم ناس من المنطقة ويقول لهم ابوي معروف ماابي اشوة سمعت اهلي مدري وش الحل الفراغ والوحدة هم السبب امي ماتدري عني ولا عمرها سالت عني ولا اهتمت فيي ماعندي صديقة اشكي لها ولا خت ولا احد كل اللي حولي تزوجوا وعندهم اولاد الا انا والعمر يمر بسرعة وش الحل اللحين ارجع اكلمة ولا لا دايم ابكي وندمانة بس ماعندي احد وخايفة انة يسبب لي اذي اتمني انكم تساعدوني